Свет
Путин: Ако Западот дозволи удари со долг дострел врз Русија, нашиот одговор ќе пристигне
Рускиот претседател Владимир Путин изјави дека Москва подготвува различни начини да одговори доколку Соединетите Држави и нивните сојузници во НАТО и дозволат на Украина да користи западно оружје со долг дострел за да напаѓа цели длабоко во Русија.
Украинскиот претседател Володимир Зеленски со месеци ги моли сојузниците на Киев да и дозволат на Украина да истрела западни ракети со долг дострел, вклучувајќи ги американските „АТАЦМС“и британските „Сторм шедоус“, длабоко во руската територија за да ја ограничи способноста на Москва да ја нападне неговата земја. Засега тоа го отфрла Западот, тврдејќи дека не сака дополнителна ескалација.
Кога Путин беше прашан дали земјите од НАТО ги слушнале неговите претходни изјави дека таквиот потег на оние кои го снабдуваат Киев со ракети со долг дострел директно ќе ги вовлече во војна, одговори: „Не ми кажаа ништо за тоа, но се надевам дека слушнаа“, рече Путин. „Бидејќи, се разбира, и ние ќе треба да донесеме некои одлуки за себе“, додаде тој.
Путин истакна дека е малку рано да се каже точно како, кога и каде Русија ќе одговори, но дека доколку се одобрат ударите со долг дострел, Москва ќе мора соодветно да одговори.
Путин рече дека само персонал од земјите на НАТО може да управува со специфичната опрема што ја сака Украина, бидејќи Киев ги нема потребните експерти. „Украинската армија не е способна сама да го направи тоа, не може“, рече Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Америка ќе влезе во нова светска војна доколку победи Камала Харис
Поранешниот американски претседател и претседателски кандидат на Републиканската партија на претстојните избори во Соединетите Американски Држави, Доналд Трамп изјави дека актуелниот американски потпретседател и неговата ривалка од Демократската партија, Камала Харис, ќе ги воведат САД во нова светска војна доколку таа победува на изборите на 5 ноември, пренесува агенцијата „Анадолија“.
Во рамки на предизборната кампања, Трамп синоќа зборуваше на митинг во државата Пенсилванија. Трамп ја оцени неговата ривалка Харис како недоволно способна да се справи со лидерите како рускиот претседател Владимир Путин и кинескиот лидер Си Џинпинг на политичката сцена.
Посочувајќи дека светот никогаш не бил толку блиску до глобална војна, Трамп вети дека оваа војна нема да се случи доколку тој повторно стане претседател на САД.
„Да се стави Камала Харис за претседател значи да се коцка со животите на милиони луѓе. Харис дефинитивно ќе не одведе во Трета светска војна бидејќи е премногу неспособна за да си ја врши работата правилно“, рече Трамп.
Свет
Пешак згина во сообраќајна несреќа кај Батинци
Осумдесет и тригодишен пешак од селото Батинци, Скопско загина во сообраќајна несреќа, по удар на автомобил.
Несреќата се случила на крстосницата од регионалниот пат Скопје-ХЕЦ Козјак со улицата „1“ во селото Батинци. Починатиот е маж со иницијали Ф.И., а автомобилот со кој бил удрен го управувал 33-годишник од селото Цветово (А.С.), објави полицијата.
Пешакот загинал од здобиените повреди, а од страна на лекар од Итната медицинска помош била констатирана смрт.
По наредба на јавен обвинител, телото на починатиот е дадено на обдукција. Со телесни повреди се здобил и возачот на автомобилот.
Извршен е увид.
Свет
(Видео) Камион намерно се заби во автобуска станица во Израел, десетици повредени
Десетици луѓе се повредени кога камион влета во автобуска станица во централен Израел, соопштија израелските спасувачи.
Портпаролот на израелските полициски сили изјави дека прелиминарната истрага покажала дека камионот удрил во автобуска станица каде што чекале патници и автобус кој бил во близина.
Возачот бил застрелан и неутрализиран, соопшти полицијата. Околностите на несреќата се’ уште се истражуваат, но според информациите од полицијата се работи за намерен напад.
MDA EMTs and Paramedics are treating and evacuating 10 injured people to Beilinson and Ichilov hospitals. Among the injured: 4 in serious condition, 2 in moderate condition, and 4 in mild condition. MDA teams are also treating multiple other casualties on-site. Updates to follow. pic.twitter.com/nGGv5Q3AcN
— Magen David Adom (@Mdais) October 27, 2024
Израелската итна медицинска помош „Маген Дејвид Адом“ соопшти дека била повикана на настан со масовни жртви и дека најмалку 35 лица се повредени.
At 10:08 AM, a report was received in MDA’s 101 Emergency Call Center in the Yarkon Region of a truck hitting a bus stop on Aharon Yariv Boulevard in Ramat Hasharon. MDA EMTs and Paramedics are currently providing medical treatment on site to dozens of casualties pic.twitter.com/ZRuglrvwtH
— Magen David Adom (@Mdais) October 27, 2024
На лице место лекуваат десетици лица, од кои најмалку четворица се со тешки повреди. Станицата се наоѓа на излезот од воената база во Рамат Ашарон, во централен Израел. Според снимките на израелската телевизија, голем број возила на брзата помош биле на местото на настанот, како и полициски персонал и најмалку еден хеликоптер.
Во минатото имало напади од Палестинци со автомобили или камиони во Израел.