Свет
Путин го обвини Западот за војната: парадата во Москва бледа сенка на претходните поворки
Денот на победата во Москва требаше да биде демонстрација на воена моќ, но оваа година на Црвениот плоштад само беше нагласено колку „специјалната операција“ се претвори во исцрпувачка војна.
Рускиот претседател Владимир Путин одржа говор кој траеше едвај 10 минути, при што уште еднаш го обвини Западот и ја оправда инвазијата на Украина.
„Повторно започна вистинска војна против нашата татковина. Но, ние се спротивставивме на меѓународниот тероризам, ќе ги заштитиме жителите на Донбас, ќе ја обезбедиме нашата безбедност… Западните елити зборуваат за својата ексклузивност, ги делат луѓето и предизвикуваат крвави конфликти, сеат омраза, русофобија, агресивен национализам, ги уништуваат традиционалните семејни вредности – рече Путин во Москва по повод Денот на победата – 9 Мај.
„Изгледа тие (Западот) заборавија до што доведоа лудите тврдења на нацистите за светска доминација, дека заборавија кој го победи тоа монструозно тотално зло, кој застана да ја брани својата земја и не ги поштеди своите животи за ослободување на народот во Европа“ – додаде рускиот претседател.
Речиси осум децении, годишната прослава на Денот на победата во Москва не беше само почит на 27 милиони советски цивили кои загинаа борејќи се во нацистичка Германија во Втората светска војна, туку и внимателно оркестрирано прикажување на руската моќ.
Оваа година, сепак, прославите низ целата земја беа откажани или ограничени, додека вообичаената поворка со униформирани војници и оружје во главниот град беше бледа сенка на парадите одржани пред инвазијата на Украина.
Исто така, за разлика од претходните години кога голем број странски претставници отпатуваа во Москва на парадата, овој пат дојдоа само седум лидери од седум други поранешни советски републики – Казахстан, Узбекистан, Киргистан, Туркменистан, Таџикистан, Белорусија и Ерменија.
Крис Стивенсон во својата анализа за „The Independent“ пишува дека Денот на победата на Путин само покажал под колкав притисок е тој. Ова беше поинаква парада од оние во минатото, со помалку војска, опрема, пократка поворка и немаше традиционални прелетувања.
Можеби најдобар доказ е дека овој 9 мај беше прикажан само еден тенк, Т-34 од советската ера, додека поранешните паради беа придружени со тенковски поворки на Црвениот плоштад.
„Политико“ пишува дека освен неколку десетици оклопни транспортери, тешки тактички возила што ги користат чеченските сили и противвоздушни системи со долг дострел, најголемиот дел од „застрашувачкиот“ руски арсенал не бил ни на повидок, бидејќи најверојатно се наоѓа во акција на истокот на Украина или лежи уништено на бојното поле.
Според руските медиуми, на парадата учествувале повеќе од 10.000 луѓе и 125 парчиња оружје и воена опрема, сепак, се проценува дека имало помалку, околу 8.000 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ, граѓаните коментираат на ЕМСЦ: „ Се тресеше и имаше силен звук“
Земјотрес е регистриран во Босна и Херцеговина.
Епицентарот бил во близина на Јабланица, на 38 километри од Мостар, а бил почувствуван и во Сараево.
Магнитудата на земјотресот била 3,1 степени според Рихтеровата скала.
Граѓаните коментираатна ЕМСЦ дека силно се тресело и имало силен звук.
Свет
Објавена фотографија од човекот поради кој Израел синоќа и утрово го бомбардираше Бејрут
Израелските напади во Бејрут во четвртокот доцна навечер и денеска рано наутро по локално време беа насочени кон Хашем Сафиедин, за кој се верува дека е најверојатниот наследник на неодамна убиениот лидер на Хезболах Хасан Насрала, изјави израелски официјален претставник за Си-Ен-Ен.
Во текот на ноќта и рано утринава израелската армија (ИДФ) изврши серија интензивни напади врз предградијата на Бејрут. Извор близок до Хезболах изјави за АФП дека Израел извршил 11 последователни напади врз Бејрут.
На снимката објавена од израелските медиуми се гледаат уништени згради и огромен облак од оган и чад над градот, додека американскиот Њујорк Тајмс тврди дека цел на ИДФ бил подземен бункер каде наводно се одржувал состанок на највисоките функционери на Хезболах, вклучувајќи го и Хашем Сафиедин, за кого тие тврдат дека бил цел на овие напади.
Засега не е јасно дали Сафиедин го преживеал нападот. Ниту ИДФ, ниту Хезболах се уште не го објавија ова.
Свет
Експлозии во Бејрут, Израел продолжува да напаѓа: Гаѓани бункери, цел бил човек кој би можел да стане нов лидер на Хезболах
Околу полноќ, Израел изврши напад врз подземен бункер во јужните предградија на Бејрут каде што се одржуваше состанок на кој присуствуваше можниот нов лидер на Хезболах, Хашем Сафиедин, со други високи претставници на либанската милитантна група, објави Њујорк Тајмс повикувајќи се на тројца неименувани израелски официјални лица.
Не е познато дали Сафиедин бил повреден во израелскиот напад, кој наводно бил еден од најмоќните од почетокот на конфликтот меѓу Израел и Хезболах.
Сафиедин, роднина на убиениот лидер на Хезболах, Хасан Насрала, долго време е еден од највисоките функционери на организацијата и се смета за кандидат за нејзин нов генерален секретар, пишува Њујорк Тајмс.
Израелските власти претходно изјавија за американскиот весник дека Сафиедин бил еден од ретките високи лидери на Хезболах кој не бил присутен на местото што Израел го нападна минатиот петок, кога Насрала беше убиен.