Свет
Путин го обвини Западот за предизвикување глобална енергетска и криза во храна
Рускиот претседател Владимир Путин го обвини Западот за предизвикување глобална енергетска и криза во храна.
„Западните земји и алијанси се обидуваат да ја зачуваат својата доминација во светот, игнорирајќи ги интересите на другите земји, создавајќи конфликти и нестабилност“, рече Путин преку видеоконференциското обраќање на 11. Меѓународен состанок на високи претставници задолжени за безбедносни прашања што се одржува во Московскиот Регион
„Сите овие обиди за зачувување на доминацијата се проследени со градење на воениот потенцијал, мешањето во внатрешните работи на други земји, а исто така и со обидите за еднострани придобивки од глобалната енергетска и криза во храна, провоцирана од неколку западни држави“, рече тој.
Путин истакна дека Русија е убедена дека постои алтернатива за доминацијата на Западот и неговата „политика на уцени и нелегитимни санкции“ – заедничка работа заснована врз принципите на меѓусебно почитување, партнерство и доверба, насочена кон решавање на најакутните проблеми – безбедноста, економијата, општествениот и технолошкиот развој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.