Европа
Путин го одржа говорот најавен како екстремно важен, предвиде промена на политичките елити во ЕУ
Рускиот претседател, Владимир Путин, одржа говор на Меѓународниот економски форум во Санкт Петербург.
„Економскиот блицкриг против Русија немаше шанси за успех“, нагласи тој.
Рече дека Европската унија ја губи глобалната конкурентност поради санкциите што ги вовела кон Русија.
„Европските политичари ѝ зададоа сериозен удар на нивната економија со своите потези“, посочи рускиот претседател.
„Само директните загуби на Европската унија од лудилото на санкциите можат да надминат 400 милијарди долари годишно“, рече Путин и додаде дека трошоците ќе ги сносат граѓаните.
Тој предвидува дека во Европа дополнително ќе се влоши нееднаквоста и дека, како резултат на тоа, ќе има раздор во општеството. Рече дека Европа направила економски грешки. Според него, тоа ќе доведе до излив на радикализам, а во иднина и до промена на политичките елити во ЕУ.
Рече и дека Европската унија го изгубила својот политички суверенитет, дека нејзините бирократски елити играат на туѓи мелодии, му нанесуваат штета на населението, а вистинските интереси на Европејците и националниот бизнис се занемаруваат и се туркаат настрана.
„Неуспешната енергетска политика придонесе за раст на цените во Европа. Русија нема никаква врска со поскапувањето на енергијата, цените на горивата почнаа да растат многу пред специјалната операција“, истакна Путин.
Рускиот претседател најави дека е можно Русија во иднина значително да го зголеми извозот на храна и ѓубрива, а обемот на залихи на жито следната сезона би можел да се зголеми на 50 милиони тони.
Според него, има неколку опции за извоз на украинско жито одеднаш, но само властите во Киев ќе одлучат како да го направат тоа. Тој исто така рече дека тие не треба да се фокусираат на „нивните сопственици од другата страна на океанот“.
Путин го обвини Западот дека пумпа оружје во Украина и ја финансира русофобијата во земјата.
Тој рече дека верува оти западните санкции отвораат нови можности за Русија.
Според неговите зборови, идејата за западни санкции е изградена врз лажна претпоставка дека руската економија не е суверена.
„Сите кои продолжуваат да работат со Русија се под притисок на европските земји, тие се соочуваат со директни закани. Сепак, Русија ќе продолжи да комуницира со западните компании кои соработуваат со Москва и покрај притисокот“, нагласи Путин.
Во својот говор тој рече дека благодарение на високата технологија, Русија има хиперсонично оружје, на кое сè уште му нема рамно во светот.
Рускиот претседател е убеден дека правилата на новиот светски поредок ќе постават силни, суверени држави кои, како што кажа, не одат по патот што друг го зацртал.
Како што претходно објавија руските медиуми, неговиот говор бил одложен поради хакерски напад. Тој започна со поздравување на учесниците и гостите на форумот што се одржува, како што рече, во тежок момент за целата светска заедница.
Тамошните медиуми пред неколку дена го најавија говорот како исклучително важен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: „Уништивме моќен руски систем вреден 45 милиони долари“
Украинските сили успешно лоцираа и уништија еден од најнапредните руски противвоздушни ракетни системи, „Бук-М3“, чија вредност се проценува на 45 милиони долари. Веста беше објавена синоќа од копнените сили на украинската армија, пишува „Киев индепендент“.
Fighters of the 15th Separate Artillery Brigade “Chornyi Lis” struck a Russian Buk-M3 air defense system with a combat drone.#Ukraine #BukM3 #UAF #ChornyiLis #DroneStrike #WarInUkraine pic.twitter.com/3vtBnJ47P5
— Chronicles (@chronicleslive) October 26, 2025
Според военото соопштение, прецизниот удар бил извршен на неодредена локација од страна на украинската бригада „Црна шума“. Бригадата исто така сподели видео од операцијата, но „Киев индепендент“ не можеше независно да ги потврди тврдењата.
фото: принтскрин
Европа
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен погон е „несоодветна“.
„Треба да ја завршите војната во Украина. Војната што требаше да трае една недела сега влегува во својата четврта година. Тоа е она што треба да го правите, а не да тестирате ракети“, им рече Трамп на новинарите на авионот „Ер Форс Уан“.
Што објави Путин вчера?
Рускиот претседател Путин вчера објави дека Русија успешно ја тестирала својата крстосувачка ракета со нуклеарен погон „Буревестник“, способна да носи нуклеарна боева глава, за која Москва тврди дека може да го избегне секој одбранбен систем, и дека ќе започне со распоредување на оружјето. Американците ја нарекуваат ракетата „летачки Чернобил“.
Рускиот генерал Валериј Герасимов, началник на Генералштабот на руските вооружени сили, му рекол на Путин дека ракетата прелетала 14.000 км и била во воздух околу 15 часа, кога беше тестирана на 21 октомври.
🇷🇺‼️🚨 BREAKING: Putin in military camo declares the readiness of a new nuclear cruise missile!
The new "Burevestnik" (Storm bringer) cruise missile is using a nuclear motor and has unlimited fight time and range!
The Chief of the General Staff of the Russian army, Gerasimov,… pic.twitter.com/B8EFNAzowm
— Lord Bebo (@MyLordBebo) October 26, 2025
Русија тврди дека ракетата 9M730 Буревестник – наречена SSC-X-9 Skyfall од НАТО – е „непобедлива“ за сегашната и идната противракетна одбрана, со речиси неограничен дострел и непредвидлива патека на летот.
„Тоа е уникатно оружје што никој друг во светот го нема“, рече Путин, облечен во камуфлажна униформа, на состанокот на командниот пункт со генералите што ја надгледуваат војната во Украина, во соопштение објавено од Кремљ во неделата.
Путин рече дека некои руски експерти еднаш му кажале дека такво оружје веројатно никогаш нема да биде можно, но сега, рече тој, неговото „клучно тестирање“ е завршено.
Герасимов рече дека ракетата е на нуклеарен погон и дека овој тест е различен затоа што летала на толку голема далечина, иако нејзиниот дострел е во суштина неограничен. Тој рече дека може да ја победи секоја ракетна одбрана.
фото: принтскрин
Европа
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да продолжи да се спротивставува на руската инвазија уште неколку години. Туск ја сподели оваа информација во интервју за „Сандеј тајмс“, според „Украинска правда“.
Подготвеност за повеќегодишна борба
Туск пренесе директна порака од украинскиот претседател, нагласувајќи ја неговата решителност. „Не се сомневам дека Украина ќе преживее како независна држава. Сега главното прашање е колку жртви ќе видиме. Претседателот Зеленски ми рече во четврток дека се надева дека војната нема да трае десет години, но дека Украина е подготвена да се бори уште две или три години“, рече Туск.
Долгорочни последици и ситуацијата во Русија
Според него, Киев сè уште е загрижен за долгорочното влијание на војната врз населението и економијата доколку конфликтот продолжи. Полскиот премиер се осврна и на ситуацијата во Русија, нагласувајќи дека војната ѝ штети и на руската економија. Сепак, тој предупреди дека внатрешната дестабилизација во Русија не мора нужно да ја заврши војната, туку може да го направи претседателот Владимир Путин уште поагресивен.
„Русите се во навистина сериозни економски проблеми. Дали тоа значи дека можеме да кажеме дека победуваме? Воопшто не. Тие имаат една голема предност пред Западот, а особено пред Европа: тие се подготвени да се борат…“, додаде Туск.
Важноста на европското единство
Ова не е прв пат Туск да ја нагласува важноста на поддршката на Киев. Тој претходно изјави дека никој не треба да врши притисок врз претседателот Зеленски да направи територијални отстапки во војната со Русија и постојано ја нагласува важноста на европската солидарност со Украина.
фото: принтскрин
Уапсени двајца полицaјци осомничени за разбојништвото на златарницата во Гостивар, се трага и по други лица
Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители...
Приведени две лица од раководството на ЈП „Комунална хигиена“
Приведени се две лица од раководството на Комунална хигиена, соопштија од Основното јавно обвинителство. Како што додаваат од таму, лицата...
Локацијата на ГОБ „8 Септември“ на Мицкоски му изгледа како одлична за нов клинички центар: Има три булевари, гасна поврзаност, но да оставиме експертите да кажат
Премиерот Христијан Мицкоски чека да завршат локалните избори за да распише повик за финансиски институции што ќе понудат кредити за...
Мицкоски: Не е точно дека постои разговор за коалиција со Рамиз Мерко, не преговарам со луѓе на црната листа на САД
Не е точно дека постои разговор за коалиција со Рамиз Мерко, не преговарам со луѓе на црната листа на САД,...
Кривична против полицаец: пукал со пиштолот во просторија во СВР Струмица откога потпишал решение за отстранување од работното место
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
(Фото) Општина Центар: Се отстрануваат паднатите дрвја кај училиштето „Киро Глигоров“
Општина Центар информира дека во моментот екипите на ЈП „Паркинзи на Општина Центар“ и ЈП „Паркови и зеленило“ работат на...
(Фото) 30-дневен притвор за скопјанецот што со пиштол крадеше во филијали за брзи кредити
Вчера во Скопје, полициски службеници од СВР Скопје го лишија од слобода 25-годишниот Б.А. од Скопје. Тој се сомничи дека...
На „Дижонска“ уапсен скопјанецот што пукаше со пиштол во Чаир
Вчера околу 20 часот на улицата „Дижонска“ во Скопје, полициски службеници од СВР Скопје го лишија од слобода 30-годишниот Р.Т....
(Видео) Путин се пофали со летачкиот „чернобил“, Трамп: Треба да ја завршите војната во Украина, а не да тестирате ракети
Американскиот претседател Доналд Трамп изјави дека најавата на неговиот руски колега Владимир Путин за тестирање на крстосувачка ракета со нуклеарен...
Две сообраќајни несреќи и одрон на автопатот Скопје – Велес после патарината Сопот
На автопат Скопје – Велес после патарина Сопот пред тунелите на Башино село поради одрон на левата коловозна лента сообраќајот...
Полскиот премиер: Русите имаат една голема предност пред Европа
Полскиот премиер Доналд Туск откри дека украинскиот претседател Володимир Зеленски му рекол во неодамнешен разговор дека Украина е подготвена да...
(Видео) Голем напад со дронови врз Москва, одекнуваат експлозии
Москва беше цел на десетици дронови синоќа, потврди градоначалникот Сергеј Собјанин, кој информира за ситуацијата во текот на целата ноќ....
Скопјанец ограбил две компании за брзи кредити, па го фрлил оружјето од Камени мост и побегнал во Хрватска
Обвинителството поведе истрага против 25-годишен скопјанец, осомничен за две разбојништва извршени во август оваа година во објекти на компанија за...
Мицкоски: Кога Јакимовски бараше поддршка го замолив да нема бетонизација, а потоа ми рече ‘морам од нешто да живеам’
Претседателот на ВМРО-ДПМНЕ, Христијан Мицкоски, од маалска средба во општина Карпош порача дека е време за промена и крај на,...
И меѓународната заедница гледа со неверување дека некој во 21 век може да се однесува така, рече Мицкоски по повиците за етничко гласање во вториот круг
Претседателот на ВМРО-ДПМНЕ, Христијан Мицкоски, денеска од Брвеница испрати порака дека сите кои работат за иднината на државата имаат негова...
(Видео) Филипче најави политички и кадровски промени во СДСМ
Претседателот на СДСМ,Венко Филипче, во изјава за медиумите по првиот круг од локалните избори истакна дека партијата бележи раст во...
(Видео) СДСМ деновиве ќе одлучи кого ќе поддржи во општините каде што нема свој кандидат за градоначалник
Претседателот на СДСМ, Венко Филипче, изјави дека партијата во следните денови ќе одлучи кого ќе поддржи во општините каде што...
Двајца уапсени по спектакуларната кражба во Лувр: полицијата се сомнева на помош од внатре
Француската полиција уапси две лица осомничени за кражба на непроценливи крунски драгоцености од музејот Лувр, извршена на 18 октомври. Истрагата...
Трамп му постави услов на Путин: „Нема да губам време“
Американскиот претседател Доналд Трамп изјави дека нема да се сретне со рускиот претседател Владимир Путин сè додека не се постигне...
Трговските преговори меѓу САД и Кина се во тек
Главниот кинески трговски преговарач Ли Ченгганг и кинескиот вицепремиер Хе Лифенг пристигнаа во Куала Лумпур за вториот ден од трговските...
