Свет
Путин и Шји: Пактот АУКУС ја поткопува нуклеарната рамнотежа

Во текот на денешниот разговор со видеоврска, кинескиот претседател Шји Џјинпинг му се заблагодари на својот руски колега Владимир Путин за отпорот на обидите да се создаде јаз помеѓу Пекинг и Москва и двајцата изразија загриженост за формирањето на пактот АУКУС.
„Вие високо ги оценивте руско-кинеските односи, нарекувајќи ги модел на интеракција помеѓу двете земји во 21 век. Ја поддржавте Кина да ги зачува своите национални интереси и цврсто стоеше против обидите да се предизвика раздор меѓу нашите земји. Исклучително ја ценам вашата работа“, рече Шји, пренесе ТАС С.
Рускиот претседател го истакна придонесот на руско-кинеската соработка за светската стабилност.
„Блиската соработка помеѓу Русија и Кина, нивните акции на глобалната арена, одговорниот заеднички пристап кон решавањето на глобалните проблеми станаа важен стабилизирачки фактор во меѓународните односи“, рече Путин.
РИА Новости пренесува дека рускиот претседател го информирал Шји за неодамнешниот разговор со претседателот на САД, Џозеф Бајден, за заканата од проширување на НАТО на исток и за потребата од преговори за безбедносни гаранции (дека нема да се прошири понатаму на исток), оценувајќи дека разговорот бил важен, рече помошникот на Путин, Јуриј Ушаков.
Путин и Шји разговараа и за безбедносниот договор АУКУС (САД-Велика Британија-Австралија), оценувајќи дека блокот ја поткопува нуклеарната рамнотежа и ги зголемува тензиите во регионот.
Тие претходно разговараа на 28 јуни, на 20-годишнината од потпишувањето на Договорот за добрососедски односи, пријателство и соработка меѓу Русија и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Вучиќ го пречека Орбан во Белград: „Не разбирам што зборува, но му верувам сто проценти“

Српскиот претседател Александар Вучиќ и унгарскиот премиер Виктор Орбан се сретнаа во Белград каде што разговараа за зајакнување на односите меѓу Србија и Унгарија, кои двајцата лидери денес ги нарекуваат најдобри во историјата.
Вучиќ по средбата се огласи на Инстаграм, велејќи: „Горд сум на нашето пријателство и најдобрите односи во српско-унгарската историја“. Заедно со објавата, тој сподели заедничко видео со Орбан, на кое му се заблагодари со зборовите: „Виктор е многу повеќе од пријател. Ти благодарам за сè“.
Во видеото, Вучиќ го нарекува Орбан „искрен и вистински пријател на Србија“ и ја нагласува неговата улога во градењето блиски односи меѓу двете земји. Тој додаде дека е особено задоволен што може да го угости во Белград.
По говорот, Вучиќ се пошегува дека Орбан веројатно не знаел што рекол бидејќи не разбирал српски.
Потоа Орбан се осврна на прашањето на англиски:
„Не разбирам српски, па не знам што рече мојот пријател Вучиќ, но верувам дека сè што кажа е точно. Му верувам сто проценти, иако не знам ниту еден збор на неговиот јазик“.
Потоа двајцата лидери срдечно се ракуваа.
Свет
Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите

Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за стоките од Европската Унија од 1 јуни, пристигнаа првите реакции од економските сектори од двете страни на Атлантикот.
Американските производители на виски ја поздравуваат одлуката на ЕУ засега да не воведува царини
Американските производители на алкохолни пијалаци ја поздравија одлуката на Европската Унија сепак да не воведува високи царини за американското виски. Крис Свонгер, претседател и извршен директор на Советот за дестилирани пијалоци на САД (Дискус), изјави:
„Американските производители на виски неодамна со големо олеснување ја дочекаа одлуката на ЕУ да не воведува царина од 50% на американското виски како дел од спорот за челикот и алуминиумот. Одлуката понуди зрак надеж дека САД и ЕУ би можеле да најдат заедничка основа и да избегнат понатамошно ескалирање на царините.“
Француската козметичка индустрија бара брз и избалансиран договор
Француското здружение на козметичката индустрија (FEBEA) повика на брзо постигнување на договор за избалансирана трговија меѓу Европската Унија и Соединетите Американски Држави. Во соопштението, тие рекоа:
„Козметичката индустрија бара избалансиран договор со Соединетите Американски Држави. Остануваме смирени и им веруваме на европските преговарачи брзо да го склучат договорот меѓу ЕУ и САД, бидејќи тоа е, пред сè, европско прашање. Американскиот пазар е нашиот најголем извозен пазар надвор од Европската Унија.“
Германската хемиска индустрија е претпазливо оптимистичка
Германската хемиска и фармацевтска индустрија продолжува да се надева на напредок во трансатлантската трговија. Волфганг Гросе Ентруп, извршен директор на Германското здружение на хемиската индустрија (VCI), изјави:
„Германската хемиска и фармацевтска индустрија сè уште се надева дека САД и ЕУ ќе постигнат договор за намалување на пречките во трансатлантската трговија. Во исто време, јасно е дека ситуацијата е сè уште кревка, а неизвесноста е голема. Заедно со успешните преговори со САД, клучно е и зајакнувањето на европската индустрија, внатрешниот пазар на ЕУ и продлабочувањето на односите со другите региони.“
Свет
Ирскиот премиер ја критикуваше „крајно разочарувачката“ одлука на Трамп

Ирскиот премиер Мајкл Мартин остро ја критикуваше последната закана на Доналд Трамп за зголемување на царините за стоки од Европската Унија, велејќи дека тековните преговори се „најдобриот и единствен одржлив пат напред“.
„Европската Унија преговара со добра волја во тој процес. Царините на дискутираното ниво не само што би довеле до зголемување на цените, туку би предизвикале и сериозна штета на еден од најдинамичните и најважните трговски односи во светот, како и би ја нарушиле пошироката глобална трговија“, рече Мартин.
„Нема потреба да одиме по тој пат“, рече тој.
Неговите коментари дојдоа откако Доналд Трамп започна остар напад врз преговарачката стратегија на Европа, велејќи: „Нашите разговори со нив не водат никаде!“