Свет
Путин и Шји: Пактот АУКУС ја поткопува нуклеарната рамнотежа

Во текот на денешниот разговор со видеоврска, кинескиот претседател Шји Џјинпинг му се заблагодари на својот руски колега Владимир Путин за отпорот на обидите да се создаде јаз помеѓу Пекинг и Москва и двајцата изразија загриженост за формирањето на пактот АУКУС.
„Вие високо ги оценивте руско-кинеските односи, нарекувајќи ги модел на интеракција помеѓу двете земји во 21 век. Ја поддржавте Кина да ги зачува своите национални интереси и цврсто стоеше против обидите да се предизвика раздор меѓу нашите земји. Исклучително ја ценам вашата работа“, рече Шји, пренесе ТАС С.
Рускиот претседател го истакна придонесот на руско-кинеската соработка за светската стабилност.
„Блиската соработка помеѓу Русија и Кина, нивните акции на глобалната арена, одговорниот заеднички пристап кон решавањето на глобалните проблеми станаа важен стабилизирачки фактор во меѓународните односи“, рече Путин.
РИА Новости пренесува дека рускиот претседател го информирал Шји за неодамнешниот разговор со претседателот на САД, Џозеф Бајден, за заканата од проширување на НАТО на исток и за потребата од преговори за безбедносни гаранции (дека нема да се прошири понатаму на исток), оценувајќи дека разговорот бил важен, рече помошникот на Путин, Јуриј Ушаков.
Путин и Шји разговараа и за безбедносниот договор АУКУС (САД-Велика Британија-Австралија), оценувајќи дека блокот ја поткопува нуклеарната рамнотежа и ги зголемува тензиите во регионот.
Тие претходно разговараа на 28 јуни, на 20-годишнината од потпишувањето на Договорот за добрососедски односи, пријателство и соработка меѓу Русија и Кина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Јужна Кореја ги забранува мобилните телефони во училиштата

Јужна Кореја донесе закон со кој се забранува употребата на мобилни телефони и паметни уреди за време на часовите во сите училишта низ целата земја, приклучувајќи се кон растечкиот број земји кои сакаат да го ограничат времето што децата и тинејџерите го поминуваат пред екраните, објавува Би-Би-Си.
Законот, кој ќе стапи на сила на почетокот на новата учебна година во март 2026 година, е резултат на двопартиски напор за ограничување на зависноста од паметни телефони, поттикнат од растечките истражувања за нивните штетни ефекти. Предлог-законот беше усвоен со убедливо мнозинство пратеници.
Иако повеќето јужнокорејски училишта веќе имаат некаков вид ограничување, овој потег ја прави Јужна Кореја една од ретките земји што донеле таква забрана на законодавно ниво. Слични мерки, иако во различен степен, веќе се воведени во Финска, Франција, Италија, Холандија и Кина.
Политичарите, родителите и наставниците се согласуваат дека паметните телефони негативно влијаат врз академските перформанси на учениците и им одземаат драгоцено време за учење. „Децата денес едноставно не можат да ги остават своите паметни телефони“, вели Чои Еун-јанг, мајка на 14-годишно дете во Сеул.
Нејзините загрижености се поткрепуваат со официјални податоци. Според владино истражување од 2024 година, речиси една четвртина од 51 милион жители на земјата се премногу зависни од своите телефони. Сепак, тој процент се зголемува на алармантни 43% за оние на возраст од 10 до 19 години.
Повеќе од една третина од тинејџерите признаваат дека се борат да го контролираат времето што го поминуваат на социјалните медиуми, а родителите стравуваат дека тоа се меша во сите други аспекти од нивниот живот.
„Кога одат на училиште, треба да учат, но исто така треба да градат пријателства и да учествуваат во разни активности. Но, тие не можат да се фокусираат на тие работи“, додава Чои.
Пратеникот Чо Јунг-хун, кој го предложи законот, рече дека е мотивиран од „значајни научни и медицински докази“ за штетните ефекти од зависноста од паметни телефони врз развојот на мозокот. Иако забраната важи само за време на училишните часови, законот им дава овластување на наставниците да спречат употреба на телефони на училишен терен. Исклучоци се прават за ученици со попреченост и за образовни или итни цели.
Фото: принтскрин
Свет
Германски „еврофајтери“ пресретнаа руски авион над Балтичкото Море

Германски борбени авиони беа испратени вчера за да пресретнат руски извидувачки авион „ил-20“ над Балтичкото Море, објави „Дојче веле“ (DW). Двата авиона „еврофајтер“ полетаа од воздухопловната база Росток-Лаге во Германија откога рускиот авион беше забележан со исклучени транспондери и без поднесен план за лет.
Не беа дадени детали за точната локација на средбата или колку долго траела. Ова е десетти ваков инцидент со германски авиони од почетокот на 2025 година. Во претходните инциденти руски авиони полетаа од Калининград упатувајќи се кон запад во меѓународен воздушен простор во близина на Полска, Германија, Шведска и Данска.
Руските авиони често летаат без да користат транспондери, не поднесуваат планови за лет и не воспоставуваат контакт со регионалната контрола на воздушниот сообраќај, модел што претставниците на НАТО долго време го опишуваат како однесување со висок ризик, според медиумот.
Истиот медиум анализира дека европските сојузници постојано предупредуваат дека континуираните воздушни провокации на Русија би можеле да доведат до опасна ескалација доколку не се реагира.
Фото: принтскрин
Свет
Турски аналитичар: Трамп прерано брзаше со иницијативите за Украина

Турскиот политички аналитичар Фатих Јончалик оцени дека американскиот претседател Доналд Трамп брзал во своите напори за решавање на украинскиот конфликт, пренесува „РИА новости“.
Јончалик истакна дека главниот проблем е што Киев и западните сили немаат вистинска волја да бараат мир поради што процесот остана без резултати.
„Можеби грешката на Доналд Трамп беше што брзаше да воспостави мир. Ова го покажуваат резултатите од состанокот меѓу лидерите на САД и Русија на Алјаска. Поточно, недостигот на резултати. Сè уште не се постигнати конкретни договори со Алјаска“, рече аналитичарот.
Средбата меѓу американскиот и рускиот претседател, Доналд Трамп и Владимир Путин, се одржа на 15 август на Алјаска. Самитот во формат три на три траеше 2 часа и 45 минути, но без конкретни договори, пренесува медиумот.
Фото: принтскрин