Свет
Путин нареди итна евакуација – во Судан испратени четири воено-транспортни авиони
Четири воени транспортни авиони „ил-76“ на руските воздушни сили евакуираат над 200 луѓе од Судан.
Таму во тек се вооружени конфликти, соопшти Министерството за одбрана на Русија.
Одлуката за евакуација ја донел претседателот на Русија, Владимир Путин.
„Министерството за одбрана на Русија ги евакуира од Судан вработените во руската дипломатска мисија, претставници на Министерството за одбрана на Русија и членовите на нивните семејства, државјани на Русија, земји од Комонвелтот на независни држави и голем број пријателски странски земји, кои побараа помош да се вратат во своите земји“, се наведува во соопштението.
Од 15 април во Судан се водат борби меѓу силите за брза реакција под команда на Мухамед Хамдан Дагл и редовната армија.
Според Министерството за здравство на таа земја, во конфликтите досега загинале 600 лица. Сепак, претставникот на СЗО во земјата соопшти дека загинале 459 лица, а ранети се над 4.000 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.