Свет
Путин најави два нови услова за почеток на преговорите со Украина
Рускиот претседател Владимир Путин денеска изјави дека Украина мора да ги повлече своите трупи од сите региони анектирани од Русија за да почнат мировните преговори.
Путин рече дека друг услов за преговори мора да биде изјавата на Киев дека се откажува од намерата да влезе во НАТО, пренесува „РИА новости“.
Русија е подготвена и утре да седне на преговарачка маса за Украина, изјави Путин на средбата со раководството на руското Министерство за надворешни работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Мртво девојче пронајдено на брегот на Рајна, полицијата веднаш ги уапси родителите: хорор во Германија
Телото на 15-годишно девојче е пронајдено на брегот на Рајна во германскиот град Вормс.
Телото било пронајдено во понеделникот околу 18 часот, пренесува „Билд“.
Според медиумите, полицијата ги привела родителите.
„Сомнежот е насочен и кај таткото (39) и кај мајката (34)“, соопштија од полицијата.
Сите три лица се Авганистанци.
Засега не се познати повеќе детали за смртта на девојчето.
Регион
Земјотрес во Грција: „Ненадејно тресење, но не траеше долго“
Земјотрес со јачина од 3,8 степени е регистриран нешто пред 15 часот во Грција во областа Патра.
Земјотресот е регистриран на длабочина од 14 километри.
Епицентарот на земјотресот бил на 27 километри североисточно од Патра.
„Ненадејно тресење, но не траеше долго“, „Го почувствувавме тресењето“, напишаа граѓани, кои не беа далеку од епицентарот на земјотресот.
Регион
Три лица заразени со легионела починаа во загрепската болница
Три лица во загрепската болница „Ребро“ починаа денеска по заразата со легионела, неофицијално е потврдено за хрватски „Индекс“.
Вкупно шест лица се заразиле со легионерска болест, и тоа во болница. Сите преостанати инфицирани имаат тешки коморбидитети и се имунокомпромитирани.
КБЦ – Загреб претходно потврди дека легионела се појавила во болница и дека ја изолирале во водата. Од болницата рекоа и дека во 17 часот ќе одржат прес-конференција.
„Веднаш го алармиравме Хрватскиот институт за јавно здравје, кој ги направи сите анализи и бактеријата е изолирана во водоводниот систем, во моментот во тек е пастеризацијата, односно се пушта топла вода од сите чешми во болницата“, изјави Миливој Новак, помошник-директор за квалитет.