Свет
Путин на 1 ноември во посета на Србија

Рускиот претседател Владимир Путин ќе ја посети Србија на 1 ноември, на денот на ослободувањето на Белград во Првата светска војна 1018 година, пишува белградскиот весник „Вечерње новости“. Според весникот, по повод 100-годишнината од завршувањето на војната ќе биде организирана голема воена парада, на која ќе присуствува и Путин.
Во текстот се наведува дека во Србија тогаш би можела да пристигне и руска донација од 30 модернизирани борбени возила BRDM-2 и исто толку современи тенкови T-72, чија испорака е договорена во 2016 година во рамките на воено-техничката соработка меѓу двете земји.
Претходно, српскиот министер за надворешни работи, Ивица Дачиќ, објави дека оваа есен во Србија ќе пристигне рускиот претседател Владимир Путин. „Претседателот Владимир Путин ќе ја посети Србија на есен. Рускиот министер за надворешни работи, Сергеј Лавров, со кого вчера одржав разговор, ми кажа дека го планираат ова”, рекол Дачиќ.
Тој додал дека неговиот руски колега изјавил дека ако форматот на бриселскиот дијалог со Косово биде проширен неговата земја е подготвена да учествува. Дачиќ кажал дека го запознал Лавров со последниот развој на дијалогот меѓу Белград и Приштина и дека тој засега нема да се менува, но и дека преговорите со Приштина ќе се интензивираат. Дачиќ рекол дека Русија е подготвена да учествува во косовското прашање ако формата е проширена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Калас: На Украина ѝ е потребна сета можна воена поддршка

Министрите за одбрана на Европската Унија дадоа широка поддршка за проширување на обуката на украинската армија во случај на прекин на огнот, изјави денес шефицата на европската дипломатија, Каја Калас.
„Постои широка поддршка за продолжување на мандатот на нашата воена мисија за обезбедување обука и совети во Украина по каков било прекин на огнот“, изјави високата претставничка за надворешни работи и безбедносна политика по состанокот во данската престолнина.
Проширувањето на мисијата ќе бара едногласна одлука од 27-те членки на ЕУ, изјавија дипломатите.
Калас претходно објави дека алијансата може да го поддржи Киев со продолжување на обуката на украинската армија и со зајакнување на нејзината одбранбена индустрија.
Министрите собрани во Копенхаген, исто така, разговараа за безбедносните гаранции за Украина по завршувањето на борбите.
Таму, Калас ги повика членките на ЕУ да продолжат да го снабдуваат Киев со оружје.
„На Украина ѝ е потребна сета можна воена поддршка“, рече таа.
Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Свет
Песков: Путин верува дека секоја средба со Зеленски мора да биде добро подготвена

Русија не го отфрла предлогот претседателот Владимир Путин да се сретне со украинскиот претседател Володимир Зеленски, но таа мора да се базира на претходно договорени услови.
„Путин верува дека секоја средба на највисоко ниво мора да биде добро подготвена и да ги потврди резултатите постигнати на професионално ниво“, изјави денес портпаролот на Кремљ, Дмитриј Песков.
„Во моментов, дипломатското ниво не е многу активно“, продолжи Песков. Тој се осврна на вчерашната изјава на Фридрих Мерц кога германскиот канцелар рече дека повеќе не очекува средба меѓу Путин и Зеленски.
Претседателот на САД, Доналд Трамп, минатата недела за време на состанокот во Белата куќа со Зеленски и европските лидери сугерираше дека таква средба би можела да се одржи во следните две недели.
„Нашиот интерес и подготвеност за такви преговори остануваат“, рече Песков пред патувањето на Путин во Кина задутре.
Портпаролот на Кремљ рече дека Русија ги доставила сите свои барања за прекин на конфликтот во писмена форма. Москва, исто така, бара Киев да ги предаде анектираните територии на Русија.