Свет
Путин: Нема да ги мобилизираме Русите да се борат во Украина

Рускиот претседател Владимир Путин изјави дека нема да испраќа регрути и резервисти да се борат во Украина и дека офанзивата ја воделе „професионалци“ кои извршуваат „зададени задачи“.
„Сакам да нагласам дека војниците кои служат воен рок не учествуваат и нема да учествуваат во војната. Нема да има ниту мобилизација на резервниот состав“ – рече Путин во говорот на телевизија по повод 8 Март, Меѓународниот ден на жената.
„Поставените задачи ги извршуваат само професионални војници. Сигурен сум дека тие успешно му гарантираат безбедност и мир на рускиот народ“ – додаде Путин.
Ова не е прв пат рускиот претседател да изјави дека во воените операции во Украина учествуваат само професионални војници и офицери и дека Кремљ не планира да испраќа регрути или резервисти.
Снимките прикажани минатата украинска телевизија покажуваат заробени многу млади руски војници кои не биле информирани дека одат во борбена мисија.
Бројните шпекулации ги принудија Русите да се плашат од мобилизација и воведување вонредна состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Лавров: Шефовите на делегациите беа во контакт, очекувам преговорите со Украина да продолжат

Рускиот министер за надворешни работи Сергеј Лавров денес изјави дека Москва очекува преговорите меѓу Русија и Украина да продолжат, но дека мора да се признаат „нови територијални реалности“ и да се формираат нови системи за безбедносни гаранции.
„За мирот да биде одржлив, новите територијални реалности мора да се признаат и формализираат во меѓународното право“, рече Лавров во интервју за индонезискиот весник „Компас“.
Индиректно реферирајќи на континуираното противење на Москва на приклучувањето на Украина кон НАТО, Лавров рече дека „на Украина треба да ѝ се гарантира неутрален, неврзан и ненуклеарен статус“.
Украина вели дека не е до Русија да одлучува во што Киев може, а што не може да се приклучи, додека НАТО вели дека Русија не може да има вето врз членството во алијансата, која беше основана во 1949 година за да се спротивстави на заканата што ја претставуваше Советскиот Сојуз.
Лавров рече дека шефовите на руската и украинската делегација биле во директен контакт и дека очекува разговорите да продолжат.
фото: принтскрин
Свет
Русија: Индија сака да купи повеќе од нашите ракетни системи С-400

Москва и Њу Делхи преговараат за зголемување на испораките на руски ракетни системи земја-воздух С-400 за Индија, објави новинската агенција ТАСС, повикувајќи се на висок руски службеник за извоз на одбрана.
„Индија веќе го има нашиот систем С-400, но постои потенцијал за проширување на соработката и во оваа област“, го цитираше ТАСС Дмитриј Шугаев, раководител на руската Федерална служба за воено-техничка соработка, додавајќи дека страните „моментално се во фаза на преговори“.
Индија потпиша договор од 5,5 милијарди долари со Русија во 2018 година за пет ракетни системи земја-воздух С-400 Триумф со долг дострел, за кои Њу Делхи вели дека им се потребни за да се спротивстават на заканите од Кина.
Сепак, испораките на системите се одложуваа неколку пати. Се очекува Москва да ги испорача последните два системи С-400 на Индија во 2026 и 2027 година.
Индискиот премиер Нарендра Моди му рече на Владимир Путин во понеделник дека Индија и Русија стојат рамо до рамо дури и во тешки времиња. Рускиот министер за надворешни работи Сергеј Лавров изјави дека Индија не попуштила пред барањата на САД да престане да купува ресурси од Русија и дека Москва „го цени“ тоа.
фото: принтскрин
Свет
(Фото) Демонстрација на сила во Пекинг, Кина покажа ново оружје, Кси порача: Незапирливи сме

Кина претстави низа нови оружја, вклучувајќи балистички ракети на нуклеарен погон, ласери и џиновски подводни дронови, на големата воена парада во Пекинг.
Претседателот Кси Џинпинг, во говорот пред парадата, рече дека Кина е „незапирлива“ и „никогаш нема да биде заплашена од насилници“.
На Кси на трибините му се придружија 26 шефови на држави, вклучувајќи го рускиот претседател Владимир Путин и севернокорејскиот лидер Ким Џонг Ун. Тоа беше нивна прва средба како трио и, според Би-би-си, симболично важна.
Кси ги повика кинеските граѓани да се потсетат на победата над Јапонија во Втората светска војна, велејќи дека „човештвото се крева и паѓа заедно“. По говорот, тој ги обиколи илјадниците војници собрани на авенијата Чанган во центарот на Пекинг.
Парадата, според Би-би-си, откри и траги од можен план за напад врз демократскиот остров Тајван, кој Кина го смета за свој. Аналитичарите велат дека Кси јасно ги искажал своите амбиции и испратил порака дека Пекинг ги има сите потребни капацитети.
Меѓу оружјето што беше прикажано за прв пат беа нова нуклеарна интерконтинентална балистичка ракета, нова ракета за испорака на хиперсонични боеви глави, ласерско оружје и нови „роботски кучиња“.
Американскиот претседател Доналд Трамп не беше на парадата, но на својата социјална мрежа Truth Social ги критикуваше Кси, Путин и Ким за „заговор“ против САД.
фото: принтскрин