Свет
Путин: Нема да има преговори со САД за договорот за нуклеaрните сили
Рускиот претседател, Владимир Путин изјави дека Русија ја прекинува примената на Договорот за нуклеарните сили со среден домет (ИНФ) и нареди руската страна повеќе да не преговара со САД околу овој договор, пренесе ТАСС.
Путин рече дека Русија нема да постави ракети со среден и краток домет во разни региони низ светот пред САД.
„Русија нема да биде вовлечена во скапата трка на вооружување. Не треба да се предизвикаат дополнителни трошоци“, порача Путин.
Американскиот државен секретар Мајк Помпео објави вчера дека САД се откажуваат од примената на Договорот за нуклеарни сили со среден домет.
„Ројтерс“ наведе дека Помпео порачал оти Вашингтон за шест месеци целосно ќе се повлече од овој историски договор постигнат во 1987 година, доколку Русија не престане да го крши пактот за контролата на вооружувањето.
Агенцијата потсети дека Москва го негираше кршењето на договорот, со кој на двете земји им се забранува поставување на ракети со краток и среден домет во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Маж со нож нападнал полициска патрола во Германија, убиен е
Маж вчера со нож нападнал тројца полицајци во близина на Нирнберг во Германија. Тој почина откако беше застрелан од полицијата на железничка станица, изјави портпаролот на полицијата.
Тој починал на местото на настанот, во јужниот град Лауф ан дер Пегниц, и покрај итните мерки за прва помош, изјави портпаролот.
Според полицијата, напаѓачот најпрвин нападнал полициски автомобил во патрола. Кога полицајците излегле од возилото, тој тргнал кон нив.
„Имаше нож“, рече портпаролот.
Портпаролот рече дека нема повредени полицајци и не даде детали за тоа колку истрели биле испукани, кој испукал или каде бил погоден човекот.
Тој, исто така, првично не го коментираше идентитетот на напаѓачот или позадината на неговиот напад.
Според портпаролот на полицијата, просторот пред станицата е ограден.
Свет
(Видео) Нереди во Франција по победата на десницата
Илјадници луѓе се собраа во Париз на протест против десницата по објавувањето на резултатите од првиот круг од парламентарните избори во земјата.
Француските медиуми пренесоа дека демонстрантите демолирале излози, а имало судири со полицијата која , пак, возвратила со солзаевц.
Францускиот претседател Емануел Макрон синоќа во првите реакции по првиот круг од предвремените избори повика да се формира поширок републикански собир пред вториот круг од изборите. На европскиот самит во Брисел, откако минатата недела предупреди дека Франција ризикува „граѓанска војна“ доколку на власт дојде партијата предводена од Марин Ле Пен или левичарската коалиција „Новиот народен фронт“, Макрон рече дека неограничениот расизам и анти-семитизмот ќе бидат ослободени во земјата“.
🇫🇷Left-wing protesters gather at Place de la République in Paris to protest the far-right.#legislatives2024 pic.twitter.com/y3tViDDzlR
— NoComment (@nocomment) June 30, 2024
Изборите беа ненадејно распишани од Емануел Макрон, откако неговата партија Преродба претрпе пораз од екстремно десничарската партија Национален собир на Марин Ле Пен на изборите за Европскиот парламент.
Свет
Австралија ги зголемува таксите за студентска виза, сака да ја спречи рекордната миграција
Австралија соопшти дека има повеќе од двојно зголемени визни такси за странски студенти, што е најнов потег на владата да ја спречи рекордната миграција, што го зголеми притисокот врз и онака тесниот пазар на станови.
Од 1 јули, таксата за меѓународна студентска виза се зголеми на 1.600 австралиски долари (1.068 американски долари) од 710 австралиски долари, додека на имателите на визи за посетители и на студентите со привремени визи за дипломски студии им е забрането да аплицираат за студентска виза во земјата.
„Промените кои стапуваат на сила денес ќе помогнат да се врати интегритетот на нашиот меѓународен образовен систем и да се создаде миграциски систем кој е поправеден, помал и подобар за Австралија“, рече министерката за внатрешни работи Клер О’Нил.
Официјалните податоци објавени во март покажаа дека нето имиграцијата се зголемила за 60 отсто на рекордни 548.800 луѓе во годината до 30 септември 2023 година.
Зголемувањето на таксите го прави барањето за студентска виза за Австралија многу поскапо отколку во конкурентните земји како што се САД и Канада, каде што чинат околу 185 американски долари, односно 150 канадски долари.
Владата рече дека исто така ги затвора дупките во визните правила што им овозможуваа на странските студенти континуирано да го продолжуваат својот престој во Австралија, откако бројот на студенти со втора или последователна студентска виза се зголеми за повеќе од 30 отсто на повеќе од 150.000 од 2022 до 2023 година.