Свет
Путин: Руските вакцини против коронавирусот се најбезбедни и најефикасни во светот

Претседателот на Русија, Владимир Путин, рече дека руските вакцини против коронавирусот се најбезбедни и најефикасни во светот.
Путин на состанокот со волонтерите од акцијата „Ние сме заедно“ истакна дека граѓаните на Русија со право се горди на своите научници кои создадоа вакцини.
„Навистина имаме со што да се гордееме, имајќи предвид дека нашите вакцини се најбезбедни и најефикасни во светот“, рече тој.
Шефот на руската држава додаде дека досега два милиони граѓани на Русија примиле по две дози од вакцината, а други два милиони примиле по само една доза.
Путин истакна дека вакцинацијата е главниот начин за борба против пандемијата и дека производството на вакцините ќе биде сè поинтензивно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп се огласи по пукањето во Вашингтон: Омразата и радикализмот немаат место во САД, сочувство до жртвите

Американската државна обвинителка Пам Бонди на прес-конференција по пукањето пред Еврејскиот музеј во Вашингтон, во кое беа убиени две лица, изјави дека неколку пати разговарала со претседателот Доналд Трамп.
„Во име на претседателот, неговите молитви се со сите нас – со еврејската заедница, со сите во Вашингтон и со државните, локалните и федералните агенции, како и со нашата одлична американска обвинителка Џанин Пиро, која ќе го води овој случај“, рече Бонди.
Трамп објави порака со сочувство до семејствата на убиениот пар на Truth Social кратко потоа.
Американскиот претседател Доналд Трамп им упати сочувство на семејствата на двајца вработени во израелската амбасада кои беа убиени во пукање во близина на Еврејскиот музеј во Вашингтон.
„Овие ужасни убиства во Вашингтон, очигледно мотивирани од антисемитизам, мора веднаш да престанат! Омразата и радикализмот немаат место во САД. Сочувство до семејствата на жртвите. Жално е што вакви работи воопшто се случуваат! Нека Бог ве благослови сите“, напиша претседателот на Truth Social.
Свет
(Видео) Двајца израелски дипломати убиени во Вашингтон

Двајца вработени во израелската амбасада се убиени во пукотница за време на настан во Музејот на еврејско наследство во Вашингтон.
Маж и жена беа застрелани во областа во северозападниот дел на градот, во близина на музеј.
„Двајца вработени во израелската амбасада беа бесмислено убиени вечерва во близина на Еврејскиот музеј во Вашингтон“, напиша министерката за внатрешна безбедност Кристи Ноем во објава на Икс.
Директорот на ФБИ, Кеш Пател, изјави дека тој и неговиот тим биле известени за пукањето.
„Додека работиме со Одделот на метрополитенската полиција за да одговориме и да дознаеме повеќе, ве молиме молете се за жртвите и нивните семејства“, напиша тој на Икс.
Генералниот обвинител Пам Бонди и американската обвинителка за округот Колумбија, Џанин Пиро, беа на местото на пукањето.
Одделот на метрополитенската полиција одби да коментира, велејќи дека наскоро ќе се одржи прес-конференција.
Свет
Во Газа убиено бебе старо еден ден

Во еден од најновите напади на израелската армија, беше бомбардирана куќата на семејството Ал-Кахлут во Деир ал-Балах, во централниот дел на Појасот Газа, јавува новинската агенција Анадолија.
Голем број цивили беа убиени, вклучувајќи и еднодневно бебе. Телата на загинатите беа пренесени во болницата Ал-Акса, каде што беше потврдено дека меѓу жртвите има и новороденче.
Анадолија објави и фотографии на кои се прикажани тела на деца. На фотографиите се гледа жена која тагува по дете на подот од болницата, тело на момче во изгорени пижами, маж кој држи тело на новороденче во раце и група мажи кои изнесуваат тела од болницата.