Свет
Путин со пофалби за Маск: го споредува со таткото на советската вселенска програма

Рускиот претседател Владимир Путин го пофали денес Илон Маск, споредувајќи го со Сергеј Королев, главниот инженер кој беше клучен за советскиот успех во истражувањето на вселената во 1950-тите и 1960-тите, објави руската државна новинска агенција ТАСС, цитирајќи го Ројтерс.
ТАСС го цитираше Путин, кој зборуваше за вселенската политика на Русија на состанок со студенти, како вели: „Знаете, има еден човек кој живее во САД, може да се каже дека е целосно луд по Марс“.
Тој направи споредба помеѓу Маск и Сергеј Королев, советски инженер кој одигра клучна улога во испраќањето на Јуриј Гагарин на првиот човечки вселенски лет во 1961 година.
Според ТАСС, Путин рекол: „Таквите луѓе ретко се појавуваат во човечката популација, опремени со одредена идеја. Иако денес можеби ми изгледа неверојатно, со текот на времето таквите идеи често се остваруваат“.
Ова не е прв пат Путин да го пофали Маск. Имено, тој веќе го пофалил претходно и го опишал како „извонредна личност“. според написите.
Маск, советник на американскиот претседател Доналд Трамп, станува сè погласен во критиките кон Украина, која се бори против Русија од 2022 година, кога Кремљ нареди десетици илјади војници да влезат во соседната земја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Москва го слави Денот на победата, бројни светски лидери пристигнаа кај Путин

Рускиот претседател Владимир Путин денес ќе одржи говор на „најголемата досега“ воена парада во Москва по повод Денот на победата, со кој се одбележува победата над нацистичка Германија во Втората светска војна.
Русија го слави Денот на победата повеќе од три години по почетокот на инвазијата на Украина, која ја напаѓа секојдневно и покрај напорите на американскиот претседател Доналд Трамп да ја прекине војната. Путин нареди тридневен прекин на огнот во Украина поради настанот. Но нападите продолжуваат.
Поканите за прослава на Денот на победата во Москва ги прифатиле лидерите на околу 20 земји, вклучувајќи го и кинескиот претседател Кси Џинпинг, според Кремљ. Москва не ја исклучи можноста севернокорејските војници кои ѝ помогнаа на руската армија да ги протера украинските сили од Курската област да учествуваат на парадата за прв пат.
Европската унија ги предупреди своите лидери да не одат во Москва за настанот, но словачкиот премиер Роберт Фицо одлучи да оди.
„Одам“, рече тој во видео порака објавена на социјалните мрежи вчера. „Разбирам дека се води војна“, рече тој. „Но, нема да ја мешам сегашноста со она што се случило помеѓу 1941 и 1945 година.“
Свет
Зеленски: На светот му треба Америка сега, исто како што му требаше пред 80 години

Украинскиот претседател Володимир Зеленски ги предизвика САД да обезбедат поголема помош за постигнување прекин на огнот. На социјалната мрежа „Икс“ објави дека неговата земја е веднаш подготвена за целосен прекин на огнот.
Тој го нарекува „30 дена молк“, но нагласува дека прекинот на огнот мора да биде реален. Да нема напади со проектили или беспилотни летала.
Тој додава дека Русите мора да одговорат соодветно и да ја докажат својата подготвеност да ја прекинат војната.
„Триесет дена кои би можеле да станат почеток на години на мир. Прекинот на огнот, траен и сигурен, ќе биде вистински показател за напредокот кон мирот. Америка може да помогне во тоа. На светот му треба Америка сега, исто како што му требаше пред осумдесет години“, напиша тој.
Свет
Силен ветер урна сцена на концерт во Мексико, седум повредени

Сцена на концерт на отворено во Мексико Сити се урна во четврток попладне по локално време, при што беа повредени седум лица, соопштија локалните власти.
Градските власти соопштија дека инцидентот се случил кога силните ветрови урнале метална конструкција што била дел од сцената.
Итните служби им пружиле медицинска помош на повредените на местото на настанот, а две лица се однесени во болница на понатамошно лекување, се вели во соопштението.
Сцената беше поставена за музички настан по повод Денот на мајките.