Свет
Путин со предупредување: Земјите од НАТО, кои зборуваат за напади на руска територија треба да бидат свесни со што си играат
Претставниците на земјите од НАТО мора да бидат свесни со што си играат кога зборуваат за предлозите на Западот да му се дозволи на Киев да нападне руска територија, изјави рускиот претседател Владимир Путин.
„Претставниците на земјите од НАТО, особено во Европа, особено малите земји, треба да бидат свесни со што си играат. Треба да запомнат дека, по правило, тоа се земји со мала територија и многу густо население. И ова е фактор што треба да го имаат на ум пред да кажат што било за извршување напад длабоко на руска територија“, рече Путин за време на своето обраќање пред новинарите по посетата на Узбекистан.
Тој предупреди и дека полската армија, во случај да влезе во Украина, нема да излезе од таму.
„Полските власти изјавуваат дека се подготвени да испратат свои војници. Следиме што велат, има многу платеници од Полска. Ако некои европски контингенти влезат во Украина заедно со Полјаците, други ќе заминат, а Полјаците никогаш. Тоа е очигледна работа за мене. Можеби грешам, но тешко е“, рече Путин.
Тој додаде дека Русија знае дека во Украина има западни платеници.
„Што се однесува до тоа дека во Украина може или нема платеници, тоа добро го знаеме, нема ништо ново во тоа“, рече Путин, коментирајќи го документот потпишан од врховниот командант на вооружените сили на Украина Александар Сирски, со што се легализира посетата на француски инструктори на центрите за обука на вооружените сили на Украина.
Според него, западните платеници трпат загуби во Украина, а на Западот му станува се потешко да го сокрие тоа.
„Поставивте прашање за прецизно оружје со долг дострел. И кој ги контролира овие оружја? На кого му служи? Се разбира, истите инструктори маскирани во платеници. Тоа е се. Тие постојат и трпат загуби. Можеби ваквата изјава е последица на тоа што им станува сè потешко да ги сокријат овие загуби“, оцени рускиот лидер, коментирајќи ја изјавата на генералниот секретар на НАТО, Јенс Столтенберг.
Тој додаде дека Москва внимателно ја следи ситуацијата и некои изјави по најавата на генералниот секретар на НАТО, Јенс Столтенберг за напади длабоко на нејзина територија и посочи дека руската армија во близина на Харков тргнала да создаде безбедносна зона, на што предупреди Киев.
Според неговите зборови, Столтенберг не може а да не разбере како се подготвуваат напади со оружје од долг дострел.
„Доколку тој (Столтенберг) зборува за можноста за напад на руска територија со прецизно оружје со долг дострел, тој како човек кој води воено-политичка организација, иако е цивил, како мене, сепак треба да знае високо- прецизно оружје со долг дострел, тоа не може да се користи без вселенски средства за извидување“, објасни Путин.
Тој додаде дека настаните во правецот со Харков се испровоцирани од акциите на Западот и посочи дека главните настани на тоа подрачје моментално се во рамките на специјална воена операција.
Според него, во случај украинската армија да употреби оружје со долг дострел за напади на руска територија, Русија повторно ќе мора да донесе одлука за санитарната зона.
„И ние преминавме на тоа“, рече Путин.
Претседателот на Русија потсети и дека никој на Запад не зборува за гранатирањето на Белгород.
„Погледнете ги сите извештаи на вашите западни колеги, никој не зборува за гранатирањето на Белгород и другите соседни територии, сите зборуваат само за тоа дека Русија отвори нов фронт и го напаѓа Харков. Ниту еден збор. Од што е предизвикано? Тоа го направија со свои раце, а потоа ги „жнеат плодовите“ на својата креативност“, рече Путин.
Зборувајќи за стратешкото оружје, Путин изјави и дека Соединетите Американски Држави сакале да преговараат со Русија на полето на стратешкото оружје, но засега нема големи желби.
„Ми се чини дека сакаа да преговараат во областа на стратешкото оружје, но не гледаме голема желба за тоа. Се зборува за тоа, но не гледаме некоја голема желба. Ќе видиме што ќе се случи понатаму“, објасни Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Илјадници протестираа против Трамп во Вашингтон пред инаугурацијата
Неколку илјади луѓе се собраа во Вашингтон на протест пред инаугурацијата на новоизбраниот претседател Доналд Трамп. Некои од нив носеа розови капи, симбол на многу поголем протест против неговата прва инаугурација во 2017 година.
Во паркот Френклин, една од трите појдовни локации за Народниот марш што ќе помине низ центарот на градот, демонстрантите, меѓу кои и голем број жени, се собраа на слабиот дожд за да маршираат за родова еднаквост и одлучување за сопственото тело.
Други демонстранти се собраа во два други паркови, исто така, во близина на Белата куќа, едната група се фокусираше на демократијата и имиграцијата, а другата на локалните прашања во Вашингтон. Потоа сите се упатија кон последното собирно место на Меморијалот на Линколн.
Thousands marching against Trump in Washington DC as part of the “Peoples March”
Video by @yyeeaahhhboiii2
[email protected] to license pic.twitter.com/zDXpAfFUcD— Oliya Scootercaster 🛴 (@ScooterCasterNY) January 18, 2025
Полициски автомобили со свирени сирени се движеа помеѓу местата на собирање. Протестите се многу помали отколку во 2017 година.
Продавачите понудија беџови со зборовите „#MeToo“ и „Љубовта ја победува омразата“ и знамиња за марш, а носеа и транспаренти на кои пишуваше „Феминистките против фашистите“ и „Луѓето пред политиката“.
„Навистина е исцелувачки што сум овде со сите вас денес во солидарност и заедништво, во лицето на она што ќе биде навистина ужасен екстремизам“, им рече на демонстрантите Мини Тимараџу, водач на групата Репродуктивни права за сите.
Инаугурацијата на Трамп треба да се одржи во понеделник.
Свет
Жената која изгуби 830.000 евра во измамата со Бред Пит се соочува со нови проблеми: „Се прашувам зошто ме избраа мене“
Француската дизајнерка на ентериер, Ана (53), која плати 830.000 евра на измамник којшто користел вештачка интелигенција за да ја убеди дека разговара со Бред Пит, сега боледува од тешка депресија, а нема ниту дом и финансиски средства. Очајнички се обидува да се опорави и да си ги врати парите , откри за Дејли Мејл нејзината адвокатка.
Адвокатката Лорен Хана од Париз раскажа како нејзината клиентка била јавно етикетирана како глупава и наивна и била толку безмилосно вознемирувана на интернет што морала да ги избрише сите нејзини профили на социјалните мрежи.
Ана, која исто така помина низ развод, три пати се обидела да си го одземе животот, вели адвокатката.
Пред два месеци таа се пријавила на психијатриска клиника.
Зборувајќи оваа недела, Хана го опиша нејзиниот случај како ужасен и рече дека е зачудена од реакцијата на социјалните мрежи.
Во целата измамничка шема била вклучена и мајката на Бред Пит, Џејн Ета Пит, иако таа самата немала никаква врска со оваа измама. Лажната Џејн најпрво ја контактирала во порака на социјалната мрежа, коментирајќи дека на нејзиниот славен син му треба некој како неа, што било дел од манипулацијата за да ја добие нејзината доверба.
Измамникот комуницирал со Ана преку лажни профили на социјалните мрежи, испраќајќи ѝ лажни фотографии и пораки и во текот на 18 месеци ја убедувал да му испрати многу пари за наводно лекување. Тој тврдел дека боледува од рак на бубрегот и дека неговите финансиски средства се недостапни поради замрзнатите сметки како резултат на неговиот развод со Анџелина Џоли.
Му праќала пари на турска сметка.
Добивала песни, фотографии на кои Бред Пит бил создаден со помош на вештачка интелигенција, легнат, во болнички кревет, го гледала како ги користи апаратите, прима лекови, а сето тоа било придружено со неговите изливи на љубов.
За да докаже дека боледува од рак, тој и испратил на Ана мејл од „доктор“ во кој пишувало дека актерот умира.
Ќерката на Ана наводно и рекла на мајка си дека разговара со измамник, а не со холивудски заводник, но таа одбила да поверува.
„Ќе видите кога ќе дојде лично, па ќе се извините“, ѝ рекла на својата ќерка, пишува „Њујорк пост“.
Жената сфатила дека е измамена кога вистинскиот Бред Пит бил фотографиран со неговата сегашна партнерка Инес де Рамон во текот на летото.
Откако и станало јасно дека е жртва на измама, Ана ја споделила својата приказна во телевизиското шоу „Sept à Huit“ на францускиот канал TF1. Сепак, таа се соочи со бран на потсмев и сајбер малтретирање на социјалните мрежи, што довело до повлекување на емисијата од интернет. Ана изјавила: „Јас не сум луда или глупава“, нагласувајќи дека била жртва на софистицирана измама која користела напредни технологии за вештачка интелигенција.
Бред Пит го изрази својот бес поради оваа измама. Неговиот тим ги предупреди обожавателите да бидат внимателни на непознати пораки, истакнувајќи дека тој нема лични профили на социјалните мрежи.
„Се прашувам зошто ме избраа мене за ваква штета“, рече Ана за измамниците.
„Никогаш никому не сум строрила лошо. Тие луѓе заслужуваат пекол“, додаде таа.
Откако се емитуваше нејзината приказна, ситуацијата на Ана само се влоши бидејќи стана жртва на сајбер малтретирање.
Француската телевизија TF1 го повлече интервјуто поради омразата на интернет. Не се знае дали измамникот е фатен, а вчера „Дејли Мејл“ објави дека тим французи успеале да го лоцираат во Нигерија.
Свет
Нетанјаху се закани дека ќе го одложи прекинот на огнот во Газа: „Сакаме списоци со заложници“
Израел нема да го продолжи процесот на запирање на војната во Газа додека не добие список од триесет и тројцата заложници кои Хамас треба да ги ослободи во првата фаза од договорот, изјави израелскиот премиер Бенјамин Нетанјаху.
„Нема да продолжиме со договорот додека не добиеме список на заложниците кои ќе бидат ослободени, како што е договорено. Израел нема да толерира никакво прекршување на договорот. Одговорноста е на Хамас“, рече Нетанјаху.
Израелската влада го одобри договорот со палестинската милитантна група Хамас за прекин на огнот и ослободување на заложниците во Појасот Газа, објави кабинетот на премиерот Бенјамин Нетанјаху, еден ден пред да стапи на сила договорот.
Во раните утрински часови, по седницата која траеше повеќе од шест часа, владата го ратификуваше договорот што може да го отвори патот за крај на 15-месечната војна во палестинската енклава под контрола на Хамас.
Египет, еден од посредниците за постигнување прекин на огнот, денеска објави дека Израел во првата фаза ќе ослободи 1.890 палестински затвореници во замена за 33 израелски заложници кои ги држеше Хамас.
Шестнеделниот прекин на огнот треба да стапи во сила утре, кога ќе се одржи првата од серијата размени.
Поради трговија со дрога уапсен е Раде Трајковски – Штекли кој трипати се обидоа да го ликвидирааат
Полицијата го уапси Раде Трајковски-Штекли по Наредба на Основно јавно обвинителство за гонење на организиран криминал и корупција. Тој се...
Полицаец зел 50 евра поткуп за побрзо вадење на пасош: „Знаете дека ние не се трудиме џабе” – и’ рекол на оштетената
Eдиниците на МВР во текот на вчерашниот ден приведоа полициски службеник осомничен дека примил поткуп од 50 евра. Според информаците...
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Седумдесетгодишник со маска и пиштол се обидел да ограби канцеларија за кредити во Битола
Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин...
Мелони ќе присуствува на инаугурацијата на Трамп, Орбан не доаѓа
Италијанската премиерка Џорџа Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од...
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
Најстудено во Берово, најмногу снег на Попова Шапка
Утрово најстудено било во Берово каде што се измерени -9 степени, -8 било на Попова Шапка, -6 во Дебар, -5...
Потрагата по тригодишното дете во Сава во Загреб продолжува: уапсена мајката, сослушан е и сопругот
Потрагата по детето кое исчезна во Сава во Загреб продолжува и денеска. Во четвртокот, спасувачките служби го напуштија местото на...
