Свет
Рекордни температури во САД, почина тинејџер: „Се шири екстремен топлотен бран“

Западниот Брег на САД го очекуваат нови температурни рекорди поради топлотниот бран што го зафати овој дел од земјата, а „Жешката купола“ се надвисна и над Аризона и Невада, каде што милиони Американци страдаат од неподносливи горештини.
Речиси 36 милиони луѓе, односно околу 10 отсто од населението, се изложени на топлината што ја зафати Калифорнија, објави Националната метеоролошка служба (NWS).
Научните истражувања покажуваат дека климатските промени, предизвикани, пред сè, од прекумерната употреба на фосилни горива се главниот виновник за екстремните топлотни бранови во светот и ќе продолжат да бидат во заднина на опасните временски феномени и во иднина.
Се очекува високите температури да достигнат или надминат дневни рекорди во Калифорнија, северна Аризона, Ајдахо, Орегон и Вашингтон. Во долината на смртта, национален парк по должината на границата на Калифорнија и Невада, NWS предвидува температури до 54 Целзиусови степени, кои би можеле да траат до петок.
Во саботата таму беа измерени 53°C, со што беше соборен рекордот стар 17 години. Од жештините загина 17-годишен мотоциклист. Лас Вегас преживуваше на 46 Целзиусови степени, со што го израмни рекордот од 2007 година.
Температурите на некои места се и за 20 Целзиусови степени повисоки од вообичаените за овој период од годината, па во калифорнискиот град Рединг се измерени рекордни 48 Целзиусови степени. „Во тек е екстремен топлотен бран“, предупреди NWS.
Агенцијата предупредува и на зголемен ризик од шумски пожари имајќи предвид дека воздухот е топол и сув, со постојано присуство на ветер. Доцна во саботата жителите беа евакуирани од делови на округот Санта Барбара, каде што од петокот изгореа 13.000 хектари земја.
Генералниот секретар на ОН, Антонио Гутереш, повика на итна акција за да се спречи климатскиот пекол. Минатата недела администрацијата на претседателот Џо Бајден го предложи првиот безбедносен стандард за работниците и заедниците од разорните ефекти на екстремната топлина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Се урна дел од покрив во италијански затвор

Се урна дел од покривот во затворот Реџина Коели во Рим, но никој не е повреден, објавија денес локалните власти, пренесува „Анса“.
„Во моментов нема пријавени повредени, но некои делови од затворот се неупотребливи“, објави Одделот за управување со затворите.
Како што е наведено, раководителот на Одделот, Стефано Кармине Де Микеле, веднаш излегол на местото на настанот.
„Де Микеле ги проценува потребните и итни мерки што треба да се преземат на местото на несреќата со цел да се реши ненадејната вонредна ситуација што се појави во римскиот затвор“, објави „Анса“.
Фото: принтскрин
Свет
(Видео) Трамп: Ја завршивме војната во Газа

Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат „историски успех“.
„Ја завршивме војната во Газа и всушност, во многу поголем обем, создадовме мир. Мислам дека тоа ќе биде траен мир, се надевам на вечен мир“, рече Трамп.
„Заложниците ќе бидат ослободени на почетокот на следната недела“
Тој додаде дека преостанатите заложници треба да бидат ослободени „во понеделник или вторник“. „Нивното враќање е комплициран процес, тие се на места каде што не сакате да бидете“, рече тој.
Трамп нагласи дека тоа ќе биде „ден на радост“ и најави дека ќе се обиде да патува во регионот: „Одиме во Египет, каде што ќе имаме потпишување. Едно веќе е потпишано во мое име, но ќе направиме и официјално потпишување“.
Зборувајќи за иднината на Газа, тој рече дека областа „полека ќе се обновува“. „Мислам дека ќе видите некои извонредни земји како доаѓаат, вложуваат многу пари и се грижат за работите“, додаде Трамп.
Трамп: Нападот врз Иран беше важен
„Сè се собра за да се постигне договор. Мислам дека нападот врз Иран во јуни беше многу важен бидејќи ако не се случеше, тие веројатно ќе имаа нуклеарно оружје досега, повеќекратно, па дури и да го потпишевме договорот, ќе имаше голем темен облак што висеше над него. Немаше да биде исто“, рече Трамп.
Тој додаде дека верува оти Иран „сега сака да работи мирно“: „Тие нè информираа и потврдија дека целосно го поддржуваат овој договор. Тие мислат дека е одлична работа. Би сакале да можат да ја обноват својата земја, но не можат да имаат нуклеарно оружје.“
„Сите Американци треба да бидат горди на ова“
Трамп им се заблагодари на земјите што учествуваа во мировните преговори во Египет, велејќи дека „целиот свет се собра“ за да постигнат договор. „Луѓе кои не се сложуваа, кои не се сакаа едни со други, соседни земји кои, искрено кажано, не можеа да се поднесат едни со други – сега го направија тоа“, рече Трамп.
Тој додаде дека се надева на наскоро враќање на заложниците: „Со нетрпение очекуваме да ги пречекаме заложниците назад и веруваме дека тоа ќе се случи на почетокот на следната недела, понеделник или вторник.“
„Сите Американци треба да бидат горди на улогата што нашата земја ја одигра во завршувањето на овој ужасен конфликт“, заклучи американскиот претседател.
Свет
Путин: Русија се обидува да придонесе за решавање на ситуацијата во Газа

Русија не само што внимателно следи, туку се обидува и да придонесе за решавање на ситуацијата во Појасот Газа, изјави денес рускиот претседател Владимир Путин.
„Ние не само што внимателно следиме, туку се обидуваме и, заедно со нашите партнери на Блискиот Исток, да придонесеме за ова решение“, рече Путин, зборувајќи за ситуацијата во Појасот Газа, пренесува РИА Новости. Тој на самитот Русија-Централна Азија што се одржува во Душанбе, Таџикистан, рече дека Русија добила сигнали дека Израел е посветен на мирно решение и не е заинтересиран за „никаков вид конфронтација“.
Тој, исто така, рече дека Русија се надева дека иницијативите на американскиот претседател Доналд Трамп во врска со мирот во Појасот Газа ќе бидат спроведени. „Цврсто се надеваме дека овие иницијативи на американскиот претседател навистина ќе бидат спроведени во пракса“, истакна тој. Додаде дека неговата земја продолжува да одржува доверливи контакти со Израел.
Израел и Хамас постигнаа договор со помош на медијатори за ослободување на заложниците што ги држи Хамас и повлекување на израелската армија, што се очекува да стапи на сила по состанокот на кабинетот на израелскиот премиер Бенјамин Нетанјаху.
Фото: принтскрин