Одделот за здравство на Нов Јужен Велс во Австралија повика полиција и започна итна истрага откако на социјалните мрежи се појави снимка на која се гледаат двајца медицински работници од болницата Банкстаун како се фалат дека убиваат и одбиваат да лекуваат израелски пациенти, дознава „Сиднеј морнинг хералд“.

Лицата се идентификувани и суспендирани од должност во очекување на целосна истрага, објави Би-би-си.

Министерот за здравство на Нов Јужен Велс, Рајан Парк, рече дека е згрозен од снимката, која стана вирална на социјалните мрежи, додека заменик-министерот за надворешни работи на Израел повика на отпуштање на мажот и жената што се појавуваат на видеото.

pic.twitter.com/vn4wFVs5N0

— Ryan Park MP (@RyanPark_Keira) February 12, 2025

„Овие коментари се одвратни, дехуманизирачки и неприфатливи“, рече Парк.

Парк додаде дека коментарите од видеото не ги одразуваат вредностите на заедницата на Нов Јужен Велс. „Побарав од Министерството за здравство на Нов Јужен Велс итно да започне истрага за да се идентификуваат овие лица, а случајот е пријавен и во полиција“, рече Парк, додавајќи: „Ако истрагата го потврди ваквото однесување, овие лица повеќе нема да работат за Одделот за здравство на Нов Јужен Велс“.

***Breaking***@NSWHealth & @RyanPark_Keira launches investigation after video of two NSW health professionals reportedly saying they would refuse to treat Israelis at Australian hospitals & would kill them@theage @australian @theheraldsun @2GB873 @abcnews @AlboMP pic.twitter.com/PrRKCGxB43

— Menachem Vorchheimer (@MenachemV) February 11, 2025

Израелскиот инфлуенсер Макс Вејфер објави видео на „Инстаграм“ и „Тик Ток“ во кое разговара со маж и жена. На прашањето што би се случило доколку израелски пациент дојде во болница, жената изјавила дека ќе го убие пациентот: „Не би го лекувала, туку би го убила. Еден ден ќе дојде вашето време и ќе умрете на најстрашниот начин“.

„Сиднеј морнинг хералд“ не можеше самостојно да ја потврди автентичноста на видеото.

There needs to be an investigation immediately into these two Australian medical professionals who are saying they will kill Israeli patients – and suggesting that they already have. They are expressing criminal intent towards Jewish people, this must be stopped.
Antisemitism is… pic.twitter.com/YCX3w9YVcY

— Sharren Haskel השכל שרן (@SharrenHaskel) February 11, 2025

Израелскиот заменик-министер за надворешни работи, Шарен Хаскел, рече дека треба да се спроведе истрага: „Треба да има итна истрага за овие двајца австралиски медицински професионалци кои рекоа дека ќе убијат израелски пациенти – и сугерираа дека веќе го сториле тоа. Тие изразуваат криминална намера против Евреите, ова мора да престане“.

Четириесет лица, вклучително и гости на хотел, беа евакуирани со хеликоптер за спречување катастрофи откако лавина блокираше три хотели во планинската област на градот Фукушима, соопштија денеска официјални лица.

Лавина се случи на 10 февруари на пат во областа Точиги Онсен, оставајќи три хотели изолирани, објави јапонскиот NHK.

Во моментот на несреќата во објектите се наоѓале вкупно 62 лица.

❄️ A snow avalanche in northeastern Japan has left at least 160 people stranded at two hotels in Fukushima province, blocking roads to a popular hot-spring resort pic.twitter.com/DkEJNFxvMU

— wirdmedia 🌐 (@wirdmedia) February 10, 2025

Никој од евакуираните не е повреден, а по пристигнувањето во градот Фукушима со автобуси биле пренесени до железничката станица.

На лице место остануваат 22 вработени, но тие имаат пристап до струја, вода и гас и во моментов нема барања за дополнителни набавки, соопштија властите.

Властите употребија дрон за да ја проценат ситуацијата на местото на лавината и ќе донесат одлука дали снегот може веднаш да се отстрани од патот.

Земјотрес со јачина од 4,8 степени според Рихтеровата скала вчера го погоди поширокото задарско подрачје, а според досегашните информации нема пријавени повредени или значителна материјална штета, извести Управата за цивилна заштита.

Сеизмографите на Сеизмолошката служба на Република Хрватска го регистрираа земјотресот во 18 часот и 43 минути, со епицентар на 15 километри североисточно од Стариград Пакленица. Интензитетот на земјотресот во епицентарот бил VI степени според ЕМС скалата, а земјотресот бил почувствуван во поширокото подрачје на Далмација, Лика, па дури и во делови од Босна и Херцеговина.

Според информациите на директорот на Националниот парк Пакленица, епицентарот на земјотресот бил лоциран високо над планинарскиот дом Пакленица, на надморска височина од 1.600 метри, објавија хрватските медиуми.

Камбанаријата на Паг се помести поради земјотресот. Поради опасност од паѓање на делови од камбанаријата, просторот е ограден. Утрово се очекува детален увид на камбанаријата, како и дополнителни безбедносни мерки. Ден претходно на Паг се случи земјотрес со јачина од 3 степени според Рихтеровата скала.