Свет
Русите ги опколија клучните градови во Украина
Руските сили во Украина ја засилија опсадата на клучните градови, вклучително и главниот град Киев и јужното пристаниште Мариупол, откако градоначалникот им кажа на жителите дека добил ултиматум да се предаде или градот ќе биде уништен со гранатирање.
На отворен состанок, Артем Семенихин, градоначалникот на Конотоп, во источниот регион Суми, им рече на жителите: „Ни дадоа ултиматум. Ако почнеме да даваме отпор, тие ќе го збришат градот користејќи артилерија“.
„Ако сте ‘за’, ќе се бориме“, се слуша како Семенихин ѝ вели на толпата. „Кој гласа ‘за’?“ прашува тој додека жителите возвраќаат инсистирајќи дека ќе дадат отпор.
Во услови на обновено тешко гранатирање, градоначалникот на Харков, исто така на истокот на земјата, рече дека нема намера да се предаде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.