Свет
Русите го поправаат оштетениот севернокорејски воен брод: објавени сателитски снимки

Северна Кореја го премести новиот воен брод што беше оштетен за време на неуспешното лансирање во пристаништето Раџин, во близина на границата со Русија. Аналитичарите велат дека овој потег би можел да укаже на можна улога на Москва во неговите поправки.
Сателитските снимки направени во неделата од „Максар Технолоџис“ го покажаа разорувачот од 5.000 тони, сè уште неименуван, во сув док во пристаништето Раџин. Тој е дел од Специјалната економска зона Расон на крајниот североисток од Северна Кореја, во близина на нејзината кратка граница со Русија.
Иако Раџин не е големо бродоградилиште како она во градот Чонгџин, каде што се случи несреќата со лансирањето, постојат капацитети за помали поправки и одржување, рече Ју Џихун, директор за меѓународна соработка и истражувач во Корејскиот институт за анализа на одбраната. „Близината на Русија го прави Раџин клучна точка во напорите на Северна Кореја да ги продлабочи економските и потенцијално воените врски со Москва“, рече Ју.
Satellite imagery captured today shows North Korea’s new Choe Hyon-class destroyer in a dry dock at the Rajin repair facility, a little over two weeks after it was damaged during a failed launch. Third pic shows the partially capsized ship on May 23.
📸: @Maxar pic.twitter.com/VQ1nA3l13X
— Jake Epstein (@byjepstein) June 8, 2025
Според извештајот од 2024 година објавен од Институтот за модерна војна при Воената академија на САД во Вест Поинт, економската зона Расон беше опишана како „значајна точка на соработка меѓу Северна Кореја и Русија“ и неодамна беше поврзана со испораките на оружје од Северна Кореја во Русија за употреба во Украина.
Разурнувачот беше оштетен на 21 мај кога, за време на лансирањето, дел заврши во водата, но предниот дел остана заглавен на суво, што предизвика бродот да се преврти на страна.
Севернокорејскиот лидер Ким Џонг-ун присуствуваше на церемонијата на лансирање и бесно отпушти голем број воени лица и нареди бродот да се поправи на време за пленарната седница на Работничката партија закажана за крајот на јуни. Државните медиуми минатата недела објавија дека поправките во Раџин треба да траат од седум до десет дена, што се совпаѓа со рокот на Ким.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Иранската ТВ ги цензурираше колената на финската и шведската министерка

Иранската државна телевизија изврши цензура на снимки од министерката за надворешни работи на Финска, Елина Валтонен, и нејзината шведска колешка, Марија Малмер Стенергард, замаглувајќи ги нивните голи колена за време на извештај од дипломатски средби на Генералното собрание на Обединетите нации (ОН) во Њујорк.
Иранската активистка и новинарка Масих Алинеџад на платформата „X“ ја сподели снимката, опишувајќи ја цензурата како симптом на пошироките ограничувања на женските слободи во Иран.
On Iranian TV the knees of Finland’s and Sweden’s foreign ministers were blurred — so as not to “disturb” local viewers🙈
🇫🇮🇸🇪This week, Iran’s IRIB channel aired a report on Foreign Minister Abbas Araghchi’s meeting with Elina Valtonen and Maria Malmer Stenergard in New York… pic.twitter.com/MCHDEYqNqU
— NEXTA (@nexta_tv) September 29, 2025
Валтонен, во интервју за финскиот „Хелсингин Саномат“, истакна дека не ја прилагодува својата облека според тоа со кого се среќава:
„Имам политика да не присуствувам на настани каде е задолжително покривање на косата или лицето. Овој извештај е тажен и ја отсликува положбата на жените во Иран“, изјави таа.
Иранските државни медиуми редовно менуваат меѓународни снимки со жени кои не ги следат локалните исламски правила за облекување, а замаглувањето на делови од телото е дел од вообичаена практика.
Состанокот меѓу Валтонен, Стенергард и иранскиот министер за надворешни работи Абас Арагчи се одржал на маргините на Генералното собрание на ОН, при што темите вклучувале регионална стабилност, човекови права и улогата на жените во дипломатијата.
Свет
Трамп воведува 100 проценти царина на сите филмови направени надвор од САД

САД ќе воведат 100 проценти царина на сите филмови направени надвор од земјата, објави денес американскиот претседател Доналд Трамп во објава на социјалната мрежа Truth Social.
„Нашата филмска индустрија е киднапирана од други земји, исто како што крадат бомбони од деца. Калифорнија, со својот слаб и некомпетентен гувернер, е особено силно погодена! Затоа, за да го решам овој долгогодишен и бесконечен проблем, ќе воведам 100 проценти царина на сите филмови направени надвор од Соединетите Американски Држави. Ви благодарам за вашето внимание“, објави тој.
Според „Ројтерс“, Трамп се заканил дека ќе воведе такви тарифи во мај, но понудил малку детали, што довело до забуна кај лидерите во индустријата за забава.
Акциите на Netflix и Warner Bros Discovery паднаа за 1,4 проценти и 0,6 проценти, соодветно, во претпазарното тргување.
Фото: ЕПА
Свет
Украинците тврдат дека опколиле неколку руски единици во регионот Донецк

Украинските сили опколиле неколку руски воени единици во близина на градот Добропиља во регионот Донецк, објави Врховниот командант на вооружените сили на Украина, Олександр Сирски, како што објави Киев Индепендент.
Во текот на изминатиот месец, украинските сили ги потиснуваат руските сили кои напредувале 15-20 километри кон стратешки важниот пат Добропиља-Краматорск, во близина на градот Покровское, околу кој сè уште се водат жестоки борби. Од крајот на август, украинските војници успеале да ослободат неколку села во регионот.
Според Сирски, украинските сили ослободиле 175 квадратни километри територија за време на оваа контраофанзивна операција, додека дополнителни 195 квадратни километри се исчистени од саботажни групи.
Руските сили претрпеа значителни загуби во близина на Добрипили, со вкупно 3.185 регистрирани жртви, вклучувајќи 1.769 смртни случаи. Украинската војска, исто така, соопшти дека уништила или запленила 969 парчиња руско оружје и воена опрема.
Изјавата доаѓа во време кога украинските сили се наоѓаат во стратешка одбранбена позиција на истокот од земјата речиси две години, но сега сè повеќе започнуваат контранапади. На почетокот на септември, тие ги ослободија населбите Зарично, Новоекономично и Удачине.
Сепак, Русија одржуваше висок интензитет на офанзивни операции низ фронтовската линија во текот на летото. Според украинската истражувачка и мониторинг група „Дип Стејт“, руските сили годинава зазедоа 1.548 квадратни километри територија, двојно повеќе од 659 квадратни километри заземени во истиот период во 2023 година.