Свет
Русите го уапсија украинскиот агент кој разнесе два воза во Сибир

Руската Федерална служба за безбедност објави дека уапсила маж од белоруска националност обвинет за кревање во воздух два воза во Сибир по наредба на украинската разузнавачка служба, како дел од саботажа против руската инфраструктура, пренесува Ројтерс.
Според ФСБ, уапсениот поставил експлозивни направи во два воза, а инструкции добил од друг сонародник кој бил во Литванија и работел за Украина.
„Тој призна дека набавил осум експлозивни ги поставил во вагони со гориво“, се вели во соопштението на ФСБ.
По двата напади, на 29 и 30 ноември, во руската област Бурјатија, која граничи со Монголија, украински извор за Ројтерс тогаш изјавил дека операциите биле спроведени од Службата за безбедност на Украина со намера да ги прекине железничките линии во Сибир што Русија ги користи за воени цели. Во првиот напад, експлозив беше активиран на товарен воз кој се движеше низ тунелот Северому крај автопатот Бајкал-Амур, додека во вториот беше погоден товарен воз додека го преминуваше Ѓаволскиот мост во истиот регион на железничка линија што се користи како резерва кога возовите се пренасочуваат од тунелот.
Од избувнувањето на конфликтот во Украина, Русија се соочи со серија акти на саботажа против различни инфраструктурни и транспортни објекти, пишува Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кубилијус: „Изградете ѕид против беспилотни летала“

Европскиот комесар за одбрана Андријус Кубилијус денес повика на итна изградба на ѕид против беспилотни летала по должината на источниот дел од Европската Унија откога руски беспилотни летала утрово го нападнаа полскиот воздушен простор.
„Русија повторно ги тестира граничните држави, ЕУ и НАТО. Ќе соработуваме со земјите членки, со граничните земји и со Украина. Русија ќе биде запрена“, напиша тој на мрежата „Икс“.
Портпаролката на НАТО, Алисон Харт, изјави дека одговорот на алијансата на упадот на руски беспилотни летала во полскиот воздушен простор ќе биде разгледан денес на редовната седница, како и дека претставниците на НАТО се во контакт со Полска.
Харт, во објава на мрежата „Икс“ истакна дека генералниот секретар на НАТО, Марк Руте, е во контакт со полското раководство.
Високата претставничка на ЕУ за надворешна политика и безбедност, Каја Калас, исто така изјави дека прелиминарниот извештај укажува дека руската инвазија била намерна, како и дека е во контакт со НАТО и со Полска.
Полските власти претходно објавија дека собориле неколку беспилотни летала, а дека остатоците од едно се пронајдени во близина на Лублин.
Фото: принтскрин
Свет
Белорусија: Беспилотните летала се изгубени, и ние соборивме неколку

Павел Муравјеика, белорускиот заменик-министер за одбрана, тврди дека беспилотните летала случајно влегле во полскиот воздушен простор откако нивните навигациски системи биле блокирани.
Во видео на официјалниот канал Телеграм на Министерството за одбрана, Муравјеика изјавил дека беспилотните летала „се изгубиле“ и дека самата Белорусија соборила неколку беспилотни летала над сопствената територија.
Тој истакнал дека помеѓу 23:00 и 4:00 часот по локално време, белоруските сили споделиле информации со Полска и Литванија преку „комуникациски канали“ за беспилотни летала што залутале.
Белорусија, најблискиот сојузник на Русија, во последните години се соочува со влошување на односите со своите западни соседи и Украина, откако Москва ја искористи белоруската територија како појдовна точка за напад врз Киев што го започна во февруари 2022 година, пишуваат медиумите.
Полска вчера објави дека ќе ја затвори границата со Белорусија на полноќ по локално време во четврток поради воените вежби „Запад“ што се одржуваат во Белорусија. Воените вежби „Запад-2025“, што ќе се одржат во Западна Русија и Белорусија, предизвикаа загриженост кај соседните земји, членки на НАТО – Полска, Литванија и Латвија.
Фото: принтскрин
Регион
Фон дер Лајен: Иднината на Западен Балкан е во Европската Унија

Претседателката на Европската комисија, Урсула фон дер Лајен, денес изјави дека само обединета Европа може да биде независна Европа, дека поголема и посилна Унија е гаранција за безбедноста на сите и дека иднината на Западен Балкан, Украина и Молдавија е во ЕУ.
Во својот годишен „Говор до нацијата“ пред Европскиот парламент, таа повика на следно обединување на Европа.
„Кога зборуваме за независност, зборуваме за избор на нашата судбина. Тоа е она за што се бори Украина. И тоа е она што го заслужуваат сите Европејци. Бидејќи Европа е идеја – идејата за слобода и заемна сила. Тоа беше идејата што ја водеше генерацијата по 1989 година кога Истокот и Западот се обединија. Сега е исто толку моќна како што беше и тогаш. Затоа ги доближуваме идните земји-членки до нашата Унија. Треба да го одржиме темпото на овој процес базиран на заслуги“, рече Фон дер Лајен, пренесува Танјуг.
Фото: принтскрин