Европа
Русите мислеа дека Украина ќе ја нападне парадата за Денот на морнарицата, го повикаа Вашингтон

Русија се сомневаше дека Украина планира да нападне за време на парадата за Денот на морнарицата, на која присуствуваше и претседателот Владимир Путин минатиот месец, поради што Москва стапи во контакт со Вашингтон, објави руската државна телевизија.
Руската телевизија објави дека деталите се државна тајна и не објави дополнителни поединости.
Таа ја наведе изјавата на заменик-министерот за надворешни работи, Сергеј Рјабков, кој рече дека стравувањата за наводниот напад биле толку големи што министерот за одбрана, Андреј Белоусов, му се јавил на американскиот секретар за одбрана, Лојд Остин.
„Ројтерс“ не можеше веднаш да го потврди извештајот од независни извори.
„Њујорк тајмс“ објави дека на 12 јули Остин добил повик од Белоусов, во кој изразил загриженост за тајната украинска операција планирана против Русија, за која Москва, како што рече, верувала дека има благослов од Соединетите Американски Држави.
„Њујорк тајмс“ цитира двајца неименувани американски функционери, кои велат дека претставниците на Пентагон биле изненадени од руските информации и не биле свесни за таков заговор.
И покрај ова, загриженоста на Русија беше сфатена доволно сериозно. Затоа Вашингтон стапи во контакт со Украина и го предупреди Киев дека не треба да спроведува таква операција доколку ја планирал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Ковчегот на папата Франциско затворен, погребот в сабота наутро

Од средата наутро, кога телото на покојниот папа Франциско беше пренесено во базиликата „Свети Петар“, низ неа поминаа 150.000 луѓе од целиот свет. Ковчегот на папата беше затворен вечерва, а погребот ќе се одржи в сабота наутро.
Пред церемонијата на запечатување, во ковчегот на папата беа поставени 12 монети, по една за секоја година од неговиот понтификат, како и краток запис и извештај за неговото папство. Церемонијата ја водеше кардиналот Кевин Фарел, камерлегно на Светата Римска црква.
Реки верници доаѓаат во Рим за да присуствуваат на утрешниот погреб на папата Франциско, а се очекува и пристигнување на бројни делегации од целиот свет.
Во Рим се воведени строги безбедносни мерки, со илјадници волонтери и полицајци, систем против дронови, снајперисти на покривите и борбени авиони подготвени за полетување.
Европа
Жена во Шпанија ја продала новородената ќерка за 2.000 евра на двојка која не можела да има деца

Шпанската полиција уапси 37-годишна жена која ја продала својата новородена ќерка на пар кој се лекува од неплодност, јавува АФП.
Полицијата соопшти дека жената била уапсена минатиот месец во Мостолес, јужно предградие на Мадрид. Брачен пар осомничен за купување дете и двајца нивни роднини беа уапсени во јужниот град Кордоба.
Според прелиминарната истрага, жената се согласила да им ја предаде својата новородена ќерка на двојката за 2.000 евра. Сепак, по породувањето, таа се предомислила и побарала да ѝ го вратат детето.
Двојката, според АФП, одбила да го врати бебето освен ако жената не им го врати платениот износ, плус дополнителни 1.000 евра за покривање на трошоците што тврделе дека ги направиле во текот на месецот што го поминале со неа во Кордоба пред да се роди детето.
Полицијата започна истрага откако една жена поднесе жалба тврдејќи дека семејство во Кордоба го „киднапирало“ нејзиното новородено бебе. Детето е предадено во центар за заштита на деца во Кордоба. Полицијата, исто така, објави дека властите ѝ одзеле уште шест деца на жената во 2022 година поради занемарување.
Европа
Зеленски: Подготвени сме да разговараме за територија, но само под еден услов

Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните преговори, но само откако Русија ќе се согласи на целосен и безусловен прекин на огнот.
„Целосно и безусловно примирје отвора можност да се разговара за сè“, изјави Зеленски пред новинарите во Киев.
Тој ја коментираше и изјавата на американскиот претседател Доналд Трамп, кој во интервју за „Тајм“ изјави дека „Крим ќе остане со Русија“.
„Она што го кажува претседателот Трамп е вистина. Се согласувам со него дека денес немаме доволно оружје за да ја вратиме контролата врз Кримскиот Полуостров“, рече Зеленски.
Да потсетиме дека украинските претставници претходно решително ја отфрлија можноста за какви било територијални отстапки во замена за мир со Русија.