Австрија е на ставот дека не може да има преговори за ставање крај на руската агресија врз Украина без учество на самата Украина и дека мирот мора да биде праведен и не смее да им се наметнува на Украинците. Ова го соопшти австриското федерално министерство за европски и надворешни работи во ексклузивен коментар за Укринформ.

„На 24 февруари се навршуваат три години откако рускиот претседател Путин без причина започна брутална агресивна војна против Украина, во спротивност со меѓународното право. Како и секоја војна, така и оваа мора да заврши на преговарачка маса. На Австрија и е јасно дека ова не смее да биде мир наметнат на Украина. Тоа треба да биде сеопфатен, праведен и одржлив мир заснован на меѓународното право“, соопшти Министерството.

Австриското Министерство за надворешни работи нагласи дека Украина треба да одлучи кога и под кои услови ќе дојде мир како резултат на преговорите.

„Останува на Украинците да одлучат кога и како тоа ќе се случи. Нема преговори за Украина без Украина“, се вели во соопштението на Министерството за ставот на Австрија за мирно решение во Украина и покрај активните напори на САД во таа насока.

Во вторникот, на 18 февруари, американска делегација и претставници на Русија, одржаа преговори во главниот град на Саудиска Арабија, Ријад, за да разговараат за завршување на војната во Украина.

Папата Франциско, кој е седми ден во болница, помина мирна ноќ и појадуваше, објави Ватикан во новото соопштение за здравјето на Светиот отец.

„Ноќта помина мирно, папата стана и појадуваше“, соопшти Ватикан.

Тој има билатерална пневмонија, објави во вторникот Ватикан, што го комплицира лекувањето на 88-годишниот папа и покажува дополнително влошување на неговата кревка здравствена состојба.

Ватикан вчера објави дека папата Франциско е во стабилна состојба и покажува благо подобрување на резултатите од неодамнешните тестови на крвта.

88-годишниот папа се лекува во римската болница „Џемели“, каде што беше примен на 14 февруари откога неколку дена тешко дишеше.

Сите јавни ангажмани на папата се откажани до недела. Нема дополнителни официјални настани во објавениот календар на Ватикан.

Три лица, меѓу кои и 13-годишни близнаци, се повредени во руски воздушен напад врз висококатница во Херсон, Украина, во текот на ноќта, а една жена е повредена во напад на руско беспилотно летало врз Одеса, соопштија официјални лица.

#Odesa #Ukraine️ is under heavy #Russian drone attack after #Trump claims. Thank you #POTU pic.twitter.com/36GQ3Gqx58

— Sergey Panashchuk (@SergePanashchuk) February 19, 2025

Шефот на регионот Херсон, Александар Прокудин, изјави дека се повредени 13-годишни близнаци – момче и девојче, пренесе УНИАН.

🤬 High-rise building in Kherson after being hit by an aerial bomb. Creepy shots.

It is known about 5 wounded, among them – two 13-year-old children. Their mother is under the rubble, beforehand. The rescue operation is ongoing. pic.twitter.com/2xe9MGZwkQ

— Eugene Dnipro 🇺🇦 (@EvgeniyDnepr390) February 20, 2025

Руските сили, исто така, ја нападнаа Одеса со беспилотни летала во текот на ноќта, предизвикувајќи прекин на електричната енергија за околу 5.000 жители и оштетувајќи неколку приватни и деловни згради.

Покрај тоа, експлозии се слушнаа и во главниот град на Украина, Киев.