Свет
Русија воведе доживотен затвор за „велепредавство“

Руските пратеници изгласаа серија измени на Кривичниот законик, со кои се зголемуваат казните наменети за противниците на власта, а еден од нив воведува доживотен затвор за „велепредавство“.
Државната дума, долниот дом на рускиот парламент, гласаше за казнување на оние кои „помагаат во спроведувањето на одлуките на меѓународните организации“ кои Русија не ги признава.
Оние кои ќе ја прекршат одредбата, која се чини дека е насочена кон Меѓународниот кривичен суд (МКС), кој издаде налог за апсење на Владимир Путин во март, или оние кои им помагаат на „странските владини организации“ ќе се соочат со затворска казна до пет години.
Максималната казна за „велепредавство“ е зголемена од 20 години на доживотен затвор.
Во понеделникот рускиот суд го осуди опозицискиот активист Владимир Кара-Мурза на 25 години затвор за „велепредавство“. Кара-Мурза (41) беше обвинет за велепредавство, ширење „лажни“ информации за руската армија и поврзаност со „непожелна организација“.
Усвоените амандмани, исто така, ги зголемуваат казните за злосторствата поврзани со тероризмот, за кои понекогаш се вели дека имаат за цел да ја потиснат опозицијата.
Терористичкиот напад сега се казнува со затвор до 20 години, за соучесништво до 12 години и за поддршка на терористички активности до пет години.
Казната за создавање терористичка организација е до 15 години затвор, а за саботажа до 20 години.
Од почетокот на офанзивата против Украина пред повеќе од една година, руските власти преземаат мерки против критичките гласови дома, пренесуваат регионалните медиуми.
Според написите, речиси сите главни противници на Кремљ се зад решетки или во егзил во странство.
Најпознат е Алексеј Навални, кој отслужува деветгодишна затворска казна наводно за измама, но случајот се смета за политички.
Опозиционерот Илја Јашин во декември беше осуден на осум и пол години затвор поради критикување на офанзивата против Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Бразил: Tинејџер уби едно, а повреди две други деца и наставник во основно училиште

Едно дете е убиено денес, а две деца и еден наставник се повредени, кога тинејџер ги нападнал со нож во основно училиште во градот Естакао на северот од Бразил, објавија локалните медиуми.
Осумгодишно момче им подлегнало на повредите во болница по нападот, а повредени се и две осумгодишни девојчиња, соопштија официјални лица.
Шеснаесетгодишниот напаѓач е уапсен од полицијата, објави G1.globo.
Мотивите за нападот засега се непознати, а истрагата ќе ги утврди сите околности на инцидентот, пренесува Танјуг.
Свет
(Видео) Над 200 деца отруени во градинка во Кина: храната содржела 2.000 пати повеќе олово од дозволеното

Повеќе од 200 деца се лекуваат во болница поради труење со олово во северозападна Кина, откако готвачите во градинка користеле боја за украсување на нивната храна. Осум лица се уапсени откако тестовите покажале дека примероците од храна од градинката Пеиксин во градот Тјаншуи, покраината Гансу, содржеле 2.000 пати повеќе олово од дозволеното.
8 individuals connected to the #children's abnormal blood lead case at a kindergarten in Tianshui city, China’s #Gansu Province, have been placed under criminal detention after investigations revealed that the kindergarten illegally added inedible painted pigments to children's… pic.twitter.com/w01xGLbo7M
— Ifeng News (@IFENG__official) July 8, 2025
Вкупно 233 деца во приватната градинка имале високо ниво на олово во крвта откако јаделе торта од хинап и лепчиња со колбаси и пченка. Според полициското соопштение, директорот на градинката побарал од персоналот во кујната да ја нарача бојата преку интернет.
Откако децата се разболеле, полицијата морала да бара залихи од боја бидејќи биле скриени. Во соопштението се вели дека на пакувањето јасно пишувало дека бојата не е за јадење.
Еден родител изјавил за Би-Би-Си дека е загрижен за долгорочните ефекти од труењето со олово врз црниот дроб и дигестивниот систем на неговиот син. Минатата недела го однел во болница во Сиан на тестови откако другите родители го кренале алармот. На неговиот син сега му се потребни десет дена лекување.
Кинеските државни медиуми објавија снимки за кои велат дека се направени од кујнските надзорни камери, на кои се гледа како персоналот додава прехранбена боја во храната. Истражителите откриле дека колачот од хинап и лепчињата од колбаси и пченка содржат нивоа на олово од 1.052 мг/кг и 1.340 мг/кг, соодветно, во споредба со националната граница за безбедност на храната од 0,5 мг/кг.
Директорката на градинката и уште седум други, вклучувајќи го и главниот инвеститор, сега се под истрага поради сомнение за производство на токсична и штетна храна. Не е познато колку долго готвачите ја користеле бојата во храната, но неколку родители им кажале на кинеските медиуми дека нивните деца се жалеле на болки во стомакот и нозете и губење на апетитот од март.
Истрага беше покрената откако родителите ги пријавиле своите сомневања до локалните власти. Градоначалникот на Тјаншуи, Лиу Лиџианг, рече дека овој случај открива сериозни пропусти и недостатоци во надзорот на безбедноста на храната и дека градот ќе научи од овој настан.
Свет
(Видео) Тепачка во парламентот на Ерменија

Денес, меѓу членовите на Националното собрание на Ерменија избувна тепачка, во која учествуваше и член на опозицијата, на кого подоцна му беше одземен имунитетот и се соочува со кривична постапка за повикување на смена на премиерот Никола Пашињан.
Пратеникот Артур Саргсјан го заврши својот говор во парламентот изјавувајќи дека случајот против него е „решен однапред“, а потоа се обиде да ја напушти салата, но беше спречен од други пратеници со помош на обезбедувањето.
Во својот говор, Саргсјан рече дека Ерменија станала „бастион на диктатурата“ каде што „сè е одлучено однапред, запишано и одобрено“.
По говорот на Саргсјан, пратениците гласаа за одземање на неговиот парламентарен имунитет, со што се отвори можноста за кривична постапка против него.
Подоцна тој се предаде на Ерменскиот истражен комитет, кој го обвини него и уште 15 лица за заговор за соборување на Владата.