Свет
Русија изврши нови напади врз Украина: прогласена вонредна опасност низ земјата

Русија изврши серија напади во Украина, поради што е прогласена вонредна воздушна опасност низ земјата.
За неколку часа по нападот, заканата беше укината за поголемиот дел од земјата, вклучувајќи го и главниот град Киев, чии власти соопштија дека одбраната соборила повеќе од 30 руски ракети и беспилотни летала.
Москва изврши околу 20 одделни ракетни и беспилотни напади врз украинските градови од почетокот на мај.
Воените власти на Киев на Телеграм објавија дека Русија истовремено лансирала беспилотни летала и крстаречки ракети.
„Според прелиминарните информации, повеќе од 30 воздушни цели од различни типови се откриени и уништени во воздушниот простор над и околу Киев од страна на силите за воздушна одбрана“, се вели во соопштението.
⚡️General Staff: Russia attacks Ukraine with 15 cruise missiles, 18 drones in June 2 overnight aerial attack.
Russian attacked Kyiv overnight on June 2 with 15 cruise missiles and 18 Iranian-made Shahed drones in its latest attack on the capital, the General Staff said. (1/2)
— The Kyiv Independent (@KyivIndependent) June 2, 2023
Градоначалникот на Киев, Виталиј Кличко, кој претходно објави два одвоени бранови на напади, на Телеграм напиша дека нема повици за спасувачки служби.
Украина тврди дека нејзината одбрана ги соборила повеќето руски ракети и беспилотни летала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.