Свет
Русија и Америка одржуваат контакт во врска со нуклеарното оружје во вселената
Делегациите на Русија и САД се во контакт за нераспоредување нуклеарно оружје во вселената, изјави заменик-министерот за надворешни работи на Русија Сергеј Рјабков.
„Коректно би било да се каже дека нашите делегации се навистина во контакт, тие разговараат за ова прашање на соодветни меѓународни платформи, пред се во Њујорк, каде Вашингтон и американската администрација ја промовираат темата за обвинувањата против Русија“, рече Рјабков.
Тој повтори дека Русија е целосно посветена на своите обврски во рамките на мултилатералните договори кои, меѓу другото, се однесуваат на вселената.
„Овие договори зборуваат сами за себе. Ќе продолжиме да промовираме иницијативи кои се однесуваат на спречување на трка во вооружување во вселената и непролиферација на оружје во вселената, а против нашите иницијативи во последните години работат САД и нивните сателити“, истакна Рјабков.
Тој додаде дека Русија ќе соработува со поголемиот дел од светот „во интерес на гарантирано зачувување на мирниот простор“.
Рјабков истакнува дека вселената се користи за воени цели, но дека таму не треба да биде распоредено нуклеарно оружје, пренесува Спутник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.