Европа
Русија објави видео: Го соборивме украинскиот дрон „Бајрактар“

Руското Министерство за одбрана објави снимка на која се гледа како екипажот на фрегата на Црноморската флота кај западниот брег на полуостровот Крим пука од украинското беспилотно летало „Бајрактар“. Според Министерството, дронот е уништен иако не е јасно од видеото.
„Целта е уништена со лансирање два проектила од противвоздушниот систем ‘Стил’“, соопшти руската војска додавајќи дека украинскиот дрон е извидување на дејствата на руските бродови и позицијата на руската армија на Крим и јужна Украина.
?? Экипаж фрегата Черноморского флота у западного побережья Крымского полуострова уничтожил беспилотный летательный аппарат типа «Байрактар» ➡ https://t.co/cFYJhKvllE pic.twitter.com/OZb7uDKAgO
— Минобороны России (@mod_russia) April 12, 2022
На видеото, што го објави руското Министерство за одбрана, се гледа лансирање проектил од руски брод, но моментот на уривањето на украинскиот дрон не е видлив.
Од првиот ден на војната Украина користи турски дронови „Бајрактар TB2“ за кои тамошните воени претставници тврдеа дека биле успешни против руската војска неколкупати. Во првите денови од војната на социјалните мрежи кружеа многубројни видеа на кои се гледа дека „Барјактар“ е во акција против руската армија.
While we are waiting for new #BayraktarTB2 footage.. ?
Artillery and #BayraktarTB2.. Force multiplier. #Ukraine #drone #SlavaUkraini pic.twitter.com/0fh9gj5UHt
— This is the (@SpiritOfKabanah) March 25, 2022
Украина ги набави овие беспилотни летала, кои Турција ги смета за гордост на својата воена индустрија, во 2019 година, но не е сосема јасно колку. Се споменуваат бројки меѓу 20 и 50, а од друга страна, Русија во неодамнешниот извештај, меѓу другото, наведува дека уништила 35 од 36-те дронави „Барјактар“, колку што наведуваат дека има украинската армија.
Ukraine lost 35 of its 36 Turkish Bayraktar TB2 drones. 97% destroyed!!
That's 97% "ineffective" in combat zone of Ukraine. pic.twitter.com/VXbvP0RU4Y— G219_Lost (@in20im) March 26, 2022
Според „Фајненшл тајмс“ на 12 март, две недели по почетокот на инвазијата, воената соработка меѓу Турција и Украина продолжила, но не како донација, туку како комерцијална соработка со компанија за беспилотни летала, кооснована од зетот на Ердоган.
„Ова не е помош од Турција. „Тоа е производ што Украина го купи од компанија во Турција“, изјави заменик-министерот за надворешни работи, Јавуз Селим Киран, за весникот „Дејли сабах“, пофалувајќи ги беспилотните летала што „ја менуваат играта“.
„Фактот што нашиот дрон стана еден од главните елементи на украинската армија, всушност, ги покажува успехот и квалитетот на производите што ги произведува нашата компанија“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: Подготвени сме да купиме 10 системи „Патриот“, само треба да најдеме средства

Украина работи на обезбедување испорака на десет системи за воздушна одбрана „Патриот“, а исто така е важно системите веднаш да пристигнат со ракетите, изјави украинскиот претседател Володимир Зеленски, како што објави УНН.
„Имаме барање за десет системи. Ова го кажав јавно. Моментно работиме со партнери за да ги обезбедиме овие десет. Исто така, работиме на прашањето за ракетите, ги имаме“, рече Зеленски.
Украинскиот претседател додаде и дека САД ќе ѝ продадат системи „Патриот“ на Украина. Украина мора да најде средства за сите десет системи.
„Трамп, претседателот на САД, ќе ни ги пренесе системите, ќе ни ги продаде. Наша задача е да најдеме пари за сите десет системи. Би сакале веднаш да имаме пакет ракети за секој систем“, истакна претседателот.
Тој исто така истакна дека Германија моментно ја потврдила испораката на два система „Патриот“, а Норвешка – еден.
„Официјално добив потврда од Германија за два система, од Норвешка – еден. Сега работиме со холандски партнери“, додаде Зеленски.
Фото: принтскрин
Европа
(Видео) Макрон тужи американска конзервативка, која тврди дека Брижит е маж

Францускиот претседател Емануел Макрон и неговата сопруга Брижит поднесоа тужба против Американката Кандис Овенс поради тврдење дека првата дама на Франција е, всушност, маж.
Тужбата е поднесена во американската држава Делавер и содржи 22 точки од обвинението, а двојката бара парична отштета за клевета и отштета.
Кандис е конзервативна авторка, водителка, политички коментатор и активистка. Таа е позната по својата активна поддршка на Трамп за време на неговиот последен мандат. Сепак, неодамна јавно се дистанцира од него. Таа постојано изјавуваше дека тој ја разочарал и дека сега „се срами што некогаш го поддржувала“. Таа ги критикува неговите политички потези и го обвини дека ги предаде принципите што тој вети дека ќе ги брани.
Според адвокатот на Макрон, Том Клер, францускиот претседател и неговата сопруга повеќе од една година безуспешно се обидуваат да ја спречат Овенс, која шири теории на заговор за Брижит на социјалните медиуми и на „Јутјуб“.
Во март оваа година Овенс објави видео со наслов „Дали првата дама на Франција е маж?“, кое беше масовно споделувано на платформата „Икс“. Во него таа тврдеше дека тоа е „најголемиот политички скандал во историјата“.
Потоа таа продолжила да објавува содржини за Брижит вклучувајќи серија видеа наречени „Станувајќи Брижит“. Таа исто така продавала маички со слогани што ја промовираат теоријата, според тужбата. Емануел и Брижит тврдат дека Овенс била повеќе пати замолувана да престане да ги изнесува овие тврдења и ѝ дале докази дека Брижит е родена како жена по име Брижит Троње, дека не е во роднинска врска со Емануел Макрон и дека тие не се под никакво влијание, како што инсинуира Овенс.
„Ова не е само политички удар. Ова е лично. И двајцата се човечки суштества, имаат брак, семејства и чувства. И ова ги засега“, изјави адвокатот Клер за Си-ен-ен.
Во тужбата се тврди дека Макрон и неговата сопруга претрпеле сериозни штети – нивната приватност, углед и деловните можности биле нарушени. „Секојпат кога ќе ја напуштат куќата, тие знаат дека многу луѓе веруваат во овие лаги. Тоа е понижувачки, инвазивно и, едноставно, неправедно“, се вели во документот.
Овенс сè уште продолжува
Кога дознала за тужбата, Овенс се појавила на „Јутјуб“. Таа објавила видео, во кое, меѓу другото, рекла дека е подготвена да ја добие оваа војна. „Мажот Брижит очигледно има многу храброст“, рекла таа.
Таа исто така објави фотографија од двојката Макрон на „Инстаграм“ со порака: „Денес ќе ја земам оваа перика. Останете со мене“. Подоцна, на „Јутјуб“ изјави дека тужбата е „очаен обид да се спаси нејзиниот имиџ“.
Брижит Макрон се соочила со слични обвинувања и претходно – во 2022 година таа тужеше две жени во Франција, кои ширеа слични дезинформации. Првично ја доби пресудата, но случајот сега е вратен на повисок суд.
Фото: принтскрин
Европа
(Видео) Се урна патнички авион во Русија

Авион „ан-24“ на „Ангара ерлајнс“, со најмалку 40 патници, се урна во руската област Амур, на далечниот исток од земјата.
Остатоците од патничкиот авион се пронајдени на 15 километри од Тинда, планираната дестинација. SHOT објаснува дека хеликоптерот за пребарување не можел да слета во близина на местото на несреќата, па затоа спасувачите ќе мора да стигнат таму пеш.
✈️🚨 Passenger plane crashes in Russia’s Amur region — over 40 people on board
A Soviet-made Antonov An-24 aircraft operated by Angara Airlines disappeared from radar near the town of Tynda while attempting a second landing approach. Emergency crews later found the burning… pic.twitter.com/MOO08NTbEP
— NEXTA (@nexta_tv) July 24, 2025
„РИА новости“, повикувајќи се на извори, пишува дека, според прелиминарните податоци, нема преживеани.
Гувернерот на регионот, Василиј Орлов, изјави дека, според прелиминарните податоци, во авионот имало 43 патници, меѓу кои пет деца и шест члена на екипажот.
Министерството за вонредни ситуации го процени бројот на луѓе во авионот малку помал, на 40-ина.
Фото: принтскрин