Свет
Русија: Руското знаме на катедралата во Солсбери е добра местенка
Руската амбасада во Обединетото Кралство во неделата го нарече инцидентот во кој беше развеано руското знаме на ѕидовите на катедралата во Солсбери како добро изведена провокација, пренесува „Спутник“.
„Ги видовме овие извештаи, но немаме официјални информации за нив. Ако извештаите за поставување на руското знаме се вистинити, тогаш сето тоа ни изгледа како добро изведена провокација”, рече портпаролот на амбасадата.
Тој, исто така, потсети дека Велика Британија не успеала да претстави никакви значајни докази за наводната руска вмешаност во инцидентот со труење во Солсбери.
„Поради оваа причина, ние го сметаме поставувањето на руското знаме на катедралата за уште еден неумешен обид да ја поврзат Русија со тажните настани што се случија во Солсбери минатиот март”, изјави портпаролот.
Претходно во неделата неидентификуван човек развеа огромно руско знаме на северниот ѕид на Соборната црква на Пресвета Богородица во Солсбери, Велика Британија. Знамето подоцна беше отстрането.
Градот и неговата историска катедрала влегоа во меѓународниот фокус откако поранешниот офицер на руската разузнавачка служба Сергеј Скрипал и неговата ќерка Јулија беа затруени со нервен агенс во март 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.