Свет
Русија: Секој што ќе ја снабдува Украина со оружје ќе се соочи со правни последици

Земјите кои доставуваат оружје за Киев и им помагаат на украинските вооружени сили ќе се соочат со конкретни правни последици, изјави за време на седницата на Советот за безбедност, постојаниот претставник на Руската Федерација во ОН Василиј Небензја.
„Совесно ги регистрираме сите такви криминални дејствија на САД и нивните сојузници и тие ќе се соочат со конкретни правни последици за тоа што го прават“, рече Небензја, пренесува ТАСС.
Рускиот претставник во ОН рече и дека Москва ги следи и уништува таквите воени пратки.
„Бидејќи количината на оружје во западните магацини е намалена, Вашингтон и неговите сојузници неодамна се обидуваат активно да соработуваат со трети земји, купувајќи оружје и воена опрема од нив и испраќајќи ги во Украина“, рече рускиот дипломат и потсети дека имал неодамна ги призна своите наводи и министерот за надворешни работи на Украина Дмитро Кулеба.
Небензја истакна дека украинските вооружени сили се обидуваат буквално да го уништат Доњецк со западно оружје.
„Во текот на цела минатата недела во Доњецк се случуваше вистински масакр со западно оружје. Со поддршка на западните земји, украинските сили се обидуваат буквално да го израмнат градот (Доњецк)“, рече Небензја, пренесе Танјуг.
Седницата на Советот за безбедност на ОН се одржа на барање на Русија со цел да се разговара за испорака на западно оружје во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.