Свет
Русија: Терористите на ИД се подготвуваат за упад во Заедницата на независни држави
Разузнавачките служби на Заедницата на независни држави (ЗНД) забележале пораст во активностите на одредите на терористичката Исламска држава во Авганистан, кои планираат да се прошират во земјите на ЗНД, изјави директорот на Федералната служба за безбедност на Русија (ФСБ), Александар Бортњиков, пренесува „Хаарец“.
„Бележиме пораст на активностите на одредите ИД во Авганистан, здружени во т.н. ’Вилајет Хорасан‘. Во тесна врска со нив се и Џамат Ансарулах и Исламското движње на Источен Туркестан. Нивната цел е создавање отскочна штица за ширење на просторот на ЗНД,“ рече Бортњиков на состанокот на Советот на директори на безбедносните агенции и специјалните служби на ЗНД.
Како што истакна тој, се претпоставува дека ова ширење ќе го спроведуваат милитанти од редовите на граѓаните на средноазиските држави.
Според Бортњиков, терористите сфаќаат дека се поразени на териториите на Сирија и Ирак, па затоа ги повлекуваат преостанатите сили надвор од Блискиот Исток. Создаваат нови зони на нестабилност во Азија и Африка и формираат мрежи од „заспани ќелии“ во Европа.
Во Авганистан се наоѓаат околу 10.000 припадници на ИД, а голем дел од нив се концентирани во северните и во источните провинции на земјата.
„Западните земји почнааа активно да се обидуваат да ја поткопуваат внатрешната ситуација во змјите на ЗНД со помош на невладините организации. Исто така треба да се издвојат интензивираните обиди на Западот да изврши деструктивно надворешно влијание врз внатрешната политичка ситуација во земјите на ЗНД. Странските и меѓународните невладини организации се традиционални средства за такво мешање во независните држави. Сметаме дека заканите што се создаваат на овој начин исто така го заслужуваат нашето внимание“, објаснува Бортњиков.
Тој посочи дека ФСБ располага со податоци за околу 2.000 руски државјани, членови на семејствата на терористите, кои се подготвени да се вратат од Блискиот Исток и да изведуваат терористички активности во Руската Федерација.
Тој истакна дека хуманитарните коридори се еден од каналите преку кои терористите и нивните семејства влегуваат во Русија од зоната на вооружени судири. Според него, повратниците често дејствуваат како носители на екстремистичката идеологија, а водачите на бандите ги гледаат како потенцијални бомбаши самоубијци, пропагандисти и лица за врбување.
Директорот на ФСБ напомена дека и самите терористи главно ги следат каналите за нелегална миграција и добиваат поддршка од етничките групи за организиран криминал во местата во кои престојуват.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас го одложи предавањето на телата на заложниците поради кршење на прекинот на огнот
Откако израелскиот премиер Бенјамин Нетанјаху нареди нови воздушни напади врз Појасот Газа поради, како што рече, кршење на прекинот на огнот од страна на Хамас, се појавија нови компликации во спроведувањето на договореното примирје, пишува Ал Џезира.
Бригадите Касам, военото крило на Хамас, објавија дека ќе го одложат предавањето на телото на израелски затвореник, кое беше пронајдено порано денес, „поради прекршувања“ од страна на Израел. Во соопштението се нагласува дека секоја израелска ескалација „ќе се меша во операциите за пребарување, копање и пронаоѓање, што ќе доведе до одложувања во пронаоѓањето на телата“ на мртвите затвореници, пишува Ал Џезира.
Израел претходно објави напади од Хамас врз неговите сили во јужна Газа, додека Хамас врати сет останки за кои Израел тврдеше дека му припаѓале на претходно спасен заложник.
Доцнењето во предавањето на телата, според написите, дополнително ги комплицира планираните следни фази од примирјето, вклучувајќи го разоружувањето на Хамас, распоредувањето на меѓународните безбедносни сили во Газа и договорот за управување со територијата. Хамас тврди дека има проблеми со пронаоѓањето на телата поради масовното уништување во Газа, додека Израел ја обвинува групата за намерно одложување.
Свет
Нетанјаху нареди напади врз Газа
Израелскиот премиер Бенјамин Нетанјаху им нареди на Израелските одбранбени сили да „извршат итни и моќни напади во Појасот Газа“, соопшти неговиот кабинет по свикувањето состанок за одговорот на Израел на повторените прекршувања на прекинот на огнот во Газа.
Одлуката дојде кратко откако војниците на израелските одбранбени сили беа нападнати во јужниот дел на Појасот Газа, а во услови на израелски гнев поради понатамошните прекршувања од страна на Хамас, вклучително и враќањето на телата на заложниците, објави „Тајмс оф Израел“.
Останките што Хамас ги предаде на израелските власти синоќа му припаѓаат на Офир Карфати, чие тело беше пронајдено од израелската армија во Појасот Газа во декември 2023 година, помалку од два месеци по неговото киднапирање за време на нападот на Хамас.
Кабинетот на израелскиот премиер Бенјамин Нетанјаху оцени дека со овој чин Хамас „јасно го прекршил договорот“ што го обврзува да ги врати телата на 13 убиени затвореници кои сè уште се во Газа.
Фото: принтскрин
Свет
Бил Гејтс: Наместо за климатски промени, светските филантропи треба да ги зголемат инвестициите во спречување на болести и глад
Во изненадувачки и значајно отстапување од заедницата на активисти за климатски промени за „крајот на светот“, Бил Гејтс, еден од водечките застапници за намалување на емисиите на јаглерод, објави есеј во кој тврди дека средствата мора да се пренасочат од борбата против климатските промени.
Наместо тоа, верува Гејтс, светските филантропи треба да ги зголемат инвестициите во други напори насочени кон спречување на болести и глад, објавува CNN.
Климатските промени нема да го уништат човештвото, напиша тој, а напорите за постигнување нулта емисија на јаглерод донесоа вистински напредок. Но, Гејтс верува дека многу од инвестициите досега во борбата против климатските промени се погрешно насочени и дека премногу пари се потрошени на скапи и сомнителни проекти.
„Подобрувањето на животите е поважно од емисиите на јаглерод и промените на температурата“
Иако нагласи дека инвестициите во климата мора да продолжат, тој предупреди дека намалувањата на американскиот претседател Доналд Трамп за УСАИД создаваат нови проблеми, заканувајќи се трајно да ја оштетат глобалната борба против гладот и болестите што може да се спречат.
„Климатските промени, болестите и сиромаштијата се големи проблеми. Треба да се справиме со нив пропорционално на страдањето што го предизвикуваат“, напиша Гејтс. Според него, намалувањата на финансирањето од страна на администрацијата на Трамп бараат итно пренасочување на инвестициите и ресурсите за поддршка на овие запоставени области.
„Иако климатските промени ќе имаат сериозни последици, особено за луѓето во најсиромашните земји, тие нема да доведат до истребување на човештвото. Ова е можност повторно да се фокусираме на метрика што треба да биде поважна од емисиите и промените на температурата: подобрување на животот“, рече Гејтс.
„Нашата главна цел треба да биде да се спречи страдањето, особено кај луѓето во најтешки услови што живеат во најсиромашните земји во светот“, убеден е тој. Есејот на Гејтс, кој изненади многумина, беше објавен пред COP30, глобален самит посветен на борбата против климатските промени што ќе се одржи следниот месец.
Администрацијата на Трамп ја прекина УСАИД, меѓународната организација за помош што обезбедуваше околу 8 милијарди долари помош за храна и лекови на земјите чии жители немаа пристап до овие основни потреби секоја година.
Гејтс ги отфрли тврдењата дека неговиот нов став претставува промена на мислењето во однос на претходните години. Во есејот, тој истакна дека светот мора да продолжи да ги поддржува напорите насочени кон постигнување нулти емисии на јаглерод.
Сепак, во интервју со Ендру Рос Соркин од CNBC истиот ден, Гејтс призна дека повлекувањето на инвестициите од борбата против климатските промени е неопходен потег.
Фото: принтскрин

