Русија, Турција и Иран го договорија во казахстанската престолнина Астана во вторникот механизмот за зацврстување на прекинот на огнот во Сирија, а Москва на претставниците на вооружената опозиција им ги предаде нацртот на новиот устав на земјата, во чие создавање учествувале и руски експерти.

„Сакам да истакнам дека ова го сторивме исклучиво затоа што сакаме да го забрзаме процесот и да му дадеме извесен стимулирачки импулс, ни во никој случај не претставува мешање во самиот процес на разгледување и усвојување на (новиот) устав“ на Сирија, изјави шефот на руската делегација на преговорите во Астана, Александр Лаврентиев.

По разговорите во главниот град на Казахстан кои се одржаа во понеделникот и вторникот, беше донесена заедничка изјава на Русија и Иран, кои го поддржуваат сирискиот претседател Башар ал-Асад, и на Турција, која ја поддржува вооружената сунитска опозиција, во која е објавено дека е создаден тристран механизам за надзор на прекинот на огнот. Деталите од договорот ќе бидат разработени преку воените канали меѓу Техеран, Анкара и Москва.

Притоа, како што истакна Лаврентиев, Русија не исклучува да се приклучат нови гаранти на договорот, освен споменатите три земји, но оцени дека тие мора да имаат реално влијание врз опозицијата.

Шефот на делегацијата на сириската опозиција, Мохамад Алуш, од своја страна за агенцијата РИА ја нагласил улогата на Русија за воспоставувањето на мирот во Сирија, изразувајќи надеж дека Москва и натаму ќе има позитивна улога во поддршката на „реалниот и фер политички процес“.

Но Reuters наведува дека Алуш забележувал што во завршната изјава се легитимизирала улогата на Иран во сириската војна и на шиитските милиции кои исто така се борат против сунитските бунтовници.

„Сé досега нема никакво чувствителен напредок во преговорите поради непопустливоста на Иран и на сирискиот режим“, рекол Алуш цитиран од Reuters.

Рекол дека е задоволен од тоа што своите ставови можеле директно да ѝ ги пренесат на Русија и да го „предадат својот документ“ за воспоставување механизам за јакнењето на прекинот на огнот. Меѓутоа, ја повикал Русија повеќе да се ангажира за завршување на судирот“. Досега имавме само ветувања. Очекувам улогата на Русија да стане навистина позитивна“, рекол за Reuters.
Бунтовниците добија поддршка од Москва. Техеран и Анкара за учество на следниот круг од меѓусириските преговори во Женева на 8-ми февруари под покровителство на Обединетите нации.

„Нема воено решение на судирот, бидејќи тој може да биде решен само со политички процес“, се наведува во документот, кој го потпишаа и претставниците на владата и претставниците на опозицијата кои првпат од почетокот на граѓанската војна во март 2011 година првпат директно преговара на заедничка маса.

Меѓутоа, забележува AFP, политичко решение во Астана не е донесено. Шефот на преговарачката делегација на владата во Дамаск, Башар Џафари истакна дека единствената цел на оваа средба била „да се зајакне прекинот на огнот и да се зачува режимот на примирје“.

Џафари јасно порача дека владата ќе продолжи со офанзивата против бунтовницата западно до Дамаск, посочувајќи дека станува збор за екстремни исламистички групации, кои се изземени од примирјето и ги држат изворите на вода од кои се снабдува целата област на сириската престолнина.

Некои од бунтовничките групи бараат прекинот на огнот да се воспостави и во споменатата област Вади Барада. Тие инсистираат на „прекин на сите воени операции“ за доставување хуманитарна помош на опколеното население./крај/мф/сн