Свет
Русија: Украина да се обврзе дека нема да го користи коридорот за жито за воени цели
Руската војска објави дека сака Украина да се обврзе дека нема да го користи коридорот за извоз на жито за воени цели, по нападот врз нејзината флота на полуостровот Крим и раскинувањето на договорот за извоз на жито од украинските пристаништа.
„Не може да стане збор за гарантирање на безбедноста во таа зона додека Украина не преземе дополнителни обврски дека нема да го користи тој пат за воени цели“, соопшти руското Министерство за одбрана.
Министерството ги повика ОН, гарант на договорот за извоз на жито потпишан во јули, да помогнат во добивањето гаранции од Украина дека нема да ги користи „хуманитарниот коридор и украинските пристаништа наменети за извоз на земјоделски производи за непријателски дејствија против Русија“.
Руските власти во саботата соопштија дека се повлекуваат од договорот за извоз на жито од украинските пристаништа, што е од витално значење за снабдувањето со храна во светот, по нападот на Крим, за кој Москва ги обвинува Украина и Велика Британија.
Договорот склучен во јули под покровителство на ОН и Турција, овозможи извоз на неколку милиони тони жито блокирано во украинските пристаништа од почетокот на руската инвазија на Украина на крајот на февруари. Таа блокада предизвика скок на цените на храната и ги зголеми стравувањата од глад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Тик ток“ укинува стотици работни места, ја користи вештачката интелигенција
Социјалната мрежа „Тик ток“ соопшти дека укинува стотици работни места бидејќи се фокусира на зголемена употреба на вештачка интелигенција во модерирање на содржината.
Отпуштањата најмногу се однесуваат на персоналот во Малезија, каде првично беа пријавени повеќе од 700 работни места, но Тик Ток подоцна соопшти дека помалку од 500 вработени ќе бидат отпуштени, јави South China Morning Post.
Вработените, од кои повеќето биле ангажирани во операции за модерирање, биле известени за отпуштањата преку електронска пошта.
Свет
Иран ја поништи смртната казна на активистката за работнички права, Мохамади
Врховниот суд на Иран ја укина смртната казна на активистката за работнички права Шарифе Мохамади.
Нејзиниот адвокат вели дека казната на Мохамади ќе биде преиспитана во ново судење. Мохамади беше приведена во декември минатата година и оттогаш беше сместена во повеќе затвори. Револуционерниот суд во јули ја осуди Мохамади на смрт за вооружен отпор против Исламската Република.
Мохамади беше активна во одбрана на работничките права во иранската провинција Гилан.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.