Свет
Русија ќе го сослуша лондонскиот нарачател на убиството на Политковскаја
Рускиот Истражен комитет е подготвен да го сослуша Ахмед Закајев, чеченскиот милитантен лидер во егзил во Лондон, кој е обвинет дека го испланирал и нарачал убиството на руската новинарка Ана Политковскаја од 2016 година, изјави адвокатот Ана Ставитскаја за ТАСС.
„Ние самостојно го сослушавме Закајев, кој тврдеше дека не бил вмешан во убиството на Политковскаја. Им го презентиравме ова сослушување на иследниците, кои се согласија да го вклучат во досиејата на случајот и го прифатија нашето барање за спроведување официјално сослушување на Закаев од Лондон во рамките на обезбедувањето правна помош од агенциите за спроведување на законот на Обединетото Кралство“, рече Ставитскаја, кој е адвокат на жртвите.
Адвокатката не даде какви било детали за можен датум за ова сослушување. Според неа, руските истражители треба да поднесат барање до агенциите за спроведување на законот на Обединетото Кралство.
На 7 октомври 2006 година Ана Политковскаја, колумнист на дневниот весник „Новаја газета“, беше застрелана во лифтот од зградата во која живеела во Москва.
Судот утврди дека во јули 2006 година Чеченот Лом-Али Гајтуакајев добил налог за убиство на Политковскаја. За убиството регрутирал тим, кој се состоел од службеникот во Министерството за внатрешни работи, Дмитриј Павличенков, браќата Махмудов и поранешниот полицаец Сергеј Каџикурбанов, кој беше ослободен од затвор во септември 2006 година.
Инспекторите откриле дека Павличенков им наредил на своите подредени да ја следат Политковскаја, а подоцна им ги предал овие информации и оружјето на сторителот на кривичното дело, Рустам Махмудов и неговите соучесници.
Сите обвинети во случајот биле осудени од страна на Градскиот суд во Москва на долги затворски казни. Павличенков ги идентификувал прогонетиот руски тајкун Борис Березовски и чеченскиот милитантен лидер Ахмед Закајев како нарачатели на убиството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.