Свет
Руската безбедносна служба: Украинец е соучесник во убиството на блогерот Татарски

Руската Федерална служба за безбедност (ФСБ) и Истражниот комитет утврдија дека 36-годишен Украинец, член на терористичка група, бил соучесник на Дарија Трепова во терористичкиот напад на кафуле во Санкт Петербург во кој воениот известувач и блогерот Владлен Татарски е убиен, изјавија за новинската агенција ТАСС во ФСБ.
„Утврдено е дека убиството на Татарски заедно со Д.Трепова го планирал членот на украинската диверзантска и терористичка група, украинскиот државјанин Јуриј Денисов, роден 1987 година, кој користејќи ја услугата за брза испорака, преку посредник ја испорачал експлозивната направа во Москва, скриена во статуетка“, соопшти ФСБ.
Руските власти трагаат по Денисов и во тек е постапката за негово ставање на меѓународната потерница.
Адвокатскиот тим на Дарија Трепова поднесе жалба на нејзиниот притвор, соопшти судот во Москва. Судот во Москва на 4 април и одреди притвор на Трепова до 2 јуни.
Според истрагата, Трепова на 2 април, следејќи ги упатствата на луѓето во Украина, донела статуетка полна со експлозив во кафуле во центарот на Санкт Петербург и’ му ја подарила на воениот репортер и познат блогер.
Тој загина во експлозијата, а лекарска помош побарале уште 40 лица.
Рускиот национален антитерористички комитет објави дека терористичкиот акт против Татарски го организирале украинските специјални служби со помош на агенти кои соработуваат со Фондацијата Алексеј Навални, која се смета за екстремистичка организација во Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Водач на шпанска нарко банда избега од затвор, распишана е потерница

Водачот на шпанската нарко банда Лос Пантоја, Хесус Хередија, не се вратил во затвор откако добил отсуство во текот на викендот, а судот во градот Кадиз распишал налог за негово апсење, објавија денеска шпанските медиуми.
Тој отслужуваше шестгодишна затворска казна за трговија со дрога, јави јавната телевизија Ртве.
Тој беше уапсен во 2020 година заедно со 40 други членови на неговата организација, а две години подоцна беше осуден на затвор од судот во Алгесирас.
Свет
Трамп: САД мора да го имаат Гренланд, ако ЕУ и Данска не го разбираат ова, ќе им објасниме

Американскиот претседател Доналд Трамп денеска им рече на новинарите во Белата куќа дека САД „мора да го имаат Гренланд“ поради глобалната безбедност.
„Ни треба Гренланд“, рече претседателот. Што е многу важно за меѓународната безбедност мора да го имаме Гренланд. Не е прашање дали можеме без него. Не можеме.
Трамп тврдеше дека американската контрола над Гренланд е прашање на мир „за целиот свет“, а не само за Соединетите Држави, пренесува „CNN“.
„Видете, имате воени бродови насекаде, кои минуваат покрај Гренланд. Ние нема да го дозволиме тоа“, додаде Трамп.
„Ако ЕУ и Данска не го разберат ова, ќе мораме да им објасниме“.
Трамп рече дека верува оти Данска и Европската унија ја разбираат неговата позиција за важноста на територијата, но предупреди: „А ако тие не го разберат, ќе мораме да им објасниме“.
Американскиот потпретседател Џеј Ди Венс и неговата сопруга денеска ја посетуваат полуавтономната данска територија, со што Венс е првиот американски потпретседател кој го посетил Гренланд.
„Тие ќе бидат добри претставници на нашата земја“, рече Трамп.
Гренландските политичари постојано јасно ставаат до знаење дека се против анексијата, а данската премиерка Мете Фредериксен го повика Трамп да ги почитува „фундаменталните правила на суверенитет“. Анкетата спроведена од дневен весник во јануари покажа дека 85 отсто од Гренландците не сакаат да станат дел од САД, а речиси половина од анкетираните рекле дека интересот на Трамп претставува закана, објави Ројтерс.
Свет
Трамп разговарал со претставници на Мјанмар и ветил помош за земјата

Американскиот претседател Доналд Трамп изјави дека разговарал со претставници на властите на Мјанмар по силниот земјотрес што денеска ја потресе земјата.
Ќе помогнеме – изјави Трамп во Белата куќа.
Најмалку 144 лица загинаа во земјотресот во Мјанмар. Се очекува бројот на жртвите да продолжи да расте.
Во соседен Тајланд загинаа најмалку 10 лица.