Свет
Руската амбасада во Лондон: Изјавата на британскиот премиер за Втората светска војна е неприфатлива

Амбасадата на Руската Федерација во Лондон ги оцени како неприфатливи зборовите на британскиот премиер Борис Џонсон во врска со почетокот на Втората светска војна, пренесува ТАСС.
Џонсон во видеопораката објавена на „Твитер“ кон крајот на минатата недела рече дека во септември 1939 година Полска се нашла заробена меѓу чеканот на фашизмот и наковалната на комунизмот.
„Оваа изјава, дадена на 80-годишнината од почетокот на Втората светска војна, е зачудувачка. Со сите историски дискусии за советската воена операција во источните области на Полска (западна Украина и западна Белорусија) да се опишат нештата на начин што ефикасно ги изедначува постапките на СССР со агресијата на Хитлер е апсолутно неприфатлива.
Ако зборуваме за тоа – кој, освен Хитлер, е одговорен за полската трагедија од 1939 година, не може да се избегне улогата на британската дипломатија, што не само што се поврзуваше во агресивните политики на нацистите (запомнете ја Австрија, Чехословачка, Мемел) туку и континуирано ги отфрлаше советските предлози за ефикасна антинацистичка алијанса, вклучително и специјално за одбрана на Полска“, се вели во соопштението на Амбасадата.
„Оваа дискусија може да биде долга, но да ја оставиме на историчарите. Огромно мнозинство Руси и Британци, кога се присетуваат на Втората светска војна, им оддаваат почит на паднатите и на советско-британскиот сојуз. Жално што е премиерот избра поинаков агол, кој, за среќа, не ужива голема популарност во Велика Британија “, посочи Амбасадата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел денеска ги врати телата на 15 Палестинци во Газа

Израел денеска ги врати телата на 15 Палестинци во Газа, со што вкупниот број на вратени лица се искачи на 135, соопшти денеска Министерството за здравство на Појасот управуван од Хамас.
Според договорот за прекин на огнот постигнат со посредство на американскиот претседател Доналд Трамп, Израел требаше да ги врати телата на 15 Палестинци за секој вратен починат израелски заложник, објави „Тајмс оф Израел“.
Претходно денеска, канцеларијата на израелскиот премиер Бенјамин Нетанјаху соопшти дека Хамас мора да го почитува договорот и да ги врати останките од преостанатите 18 убиени заложници кои сè уште се наоѓаат во Појасот Газа.
Израелската војска (ИДФ) претходно го информираше семејството на убиениот Елијаху Маргалит дека Хамас го вратил неговото тело во Израел синоќа.
ИДФ соопшти дека, според разузнавачките информации, Елијаху (75) бил убиен на 7 октомври 2023 година, а неговото тело подоцна било однесено во Појасот Газа од кибуцот Нир Оз.
Смртта на Елијаху Маргалит беше потврдена од израелската војска во декември 2023 година.
Свет
Милиони Американци би можеле да останат без купони за храна

Околу 42 милиони Американци би можеле да останат без купони за храна во ноември поради тековниот прекин на работата на федералната влада, предупреди министерката за земјоделство Брук Ролинс.
Програмата за дополнителна помош во исхраната (SNAP), позната и како купони за храна, е дел од клучната национална мрежа за безбедност на храната и обезбедува просечен месечен надомест од 188 долари по лице, пишува Си-Ен-Ен.
Ролинс рече дека средствата за програмата ќе бидат исцрпени во рок од две недели и ги обвини демократите за блокадата на финансирањето.
Свет
Десетици илјади евакуирани на Филипините, се приближува ураган

Десетици илјади луѓе на Филипините се евакуирани денеска од своите домови на брегот на Пацификот поради опасност од поплави во момент кога тропската бура „Феншен“ го зафати регионот, јавија светските агенции.
Бурата попладнево со брзина на ветрот до 80 км на час ја погоди општина Губат, на југоисточниот врв на главниот остров Лузон, соопшти државната метеоролошка служба.
Откако жителите беа евакуирани од крајбрежните и другите ризични области, локалните власти соопштија дека нема извештаи за сериозни штети или жртви.
„Имаше обилни дождови и силни налети на ветер, иако не толку силни“, изјави Рајан Естреладо, спасувач во Губат.
Ураганот вечер треба да помине во близина на островот Катандуанес, кој има население од 270.000 жители, со брзина на ветер до 90 км/ч. Се очекува „Феншен“ да се засили пред да стигне до копното по втор пат во централен Лузон, соопшти националната метеоролошка служба.