Свет
Руски дипломат ја критикува неподготвеноста на САД да ги олеснат санкциите за Иран
![](https://makfax.com.mk/wp-content/uploads/2020/04/07-rusin.jpg)
САД демонстрираат непрагматичен пристап кога одбиваат да ги олеснат санкциите против Иран во услови на пандемијата со коронавирус, изјави постојаниот руски претставник во Меѓународните организации во Виена, Михаил Улјанов, пренесува ТАСС.
„САД не се подготвени да размислат за олеснување на санкциите за Иран. Да ги оставиме настрана хуманитарните мотиви. Во секој случај, ова не е прагматично имајќи предвид дека Ковид-19 може да се прелее во соседните земји и да влијае на 70.000 американски војници во регионот и на многу американски цивили“, рече рускиот дипломат во објавата на „Твитер“.
Иранските власти во неколку наврати рекоа дека санкциите на Вашингтон против Иран ги спречуваат напорите за контролирање на вирусот. Според Техеран, американските санкции го спречуваат Иран да увезува хуманитарни добра, како храна и лекови.
Според последните извештаи, вкупниот број на нови пациенти со коронавирус во Иран достигна 60.000, со вкупно 3.739 смртни случаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Фрлила новороденче во бунар: Поднесена пријава против 21-годишна мајка од Хрватска
![](https://makfax.com.mk/wp-content/uploads/2020/02/beba_noge.jpg)
Против мајката која во јули минатата година го фрлила своето новороденче во бунар во Перушиќ е поднесено обвинение, извести денеска Жупаниското државно обвинителство во Карловац.
„По спроведување на истрага, Жупаниското државно обвинителство во Карловац поднесе обвинителен акт против хрватски државјанин пред Општинскиот суд во Госпиќ за кривично дело убиство од небрежност од член 112, став 2 од Кривичниот законик/11.
Обвинението ја товари 21-годишната, обвинета дека на 30.07.2023 година на подрачјето на општина Перушиќ поради состојба на тежок психички стрес поради бременост и породување го сторила горенаведеното кривично дело на штета на нејзиното новородено дете“, се наведува во соопштението, пренесува „Вечерњи“.
Свет
Во Австралија пронајдени посмртните останки на девојче кое го нападна крокодил
![](https://makfax.com.mk/wp-content/uploads/2020/01/krokodil.jpg)
Полицијата во Австралија денеска пронашла останки на 12-годишно девојче кое било нападнато од крокодил во поток во близина на реката Дејли на северната територија на Австралија.
Началникот на полицијата, Ерика Гибсон, изјави дека девојчето било на одмор со своето семејство кога го посетиле потокот во Нганмаријанга, абориџинска заедница во регионот на реката Дали, во близина на Палумпа, пренесува Sky News.
Како што се наведува, исчезнувањето на неименуваното дете било пријавено во вторникот околу 17:30 часот по локално време.
Гибсон истакна дека инцидентот е потсетник дека во водите на Северната територија „секогаш треба да се смета на крокодили“.
Крокодилите кои можат да пораснат и до шест метри се територијални и се претпоставува дека тој што го уби девојчето ќе остане во блиските води.
Свет
Џjинпинг: Русија и Кина мора да го задржат пријателството во тешка глобална ситуација
![](https://makfax.com.mk/wp-content/uploads/2022/12/4fea1492-8775-40f1-b2a0-d3fc7f291075.jpg)
Кинескиот претседател Шји Џјинпинг ги повика Кина и Русија да продолжат да ги координираат развојните стратегии и меѓународната стратешка координација и да останат посветени на пријателските односи во тешката ситуација во светот.
На состанокот одржан во средата со рускиот претседател Владимир Путин пред 24-тиот состанок на Советот на шефови на држави на Шангајската организација за соработка (ШСО) во Астана, Шји истакна дека Путин остварил успешна државна посета на Кина овој мај, велејќи дека двете страни работеа заедно на правење планови и аранжмани за идниот развој на билатералните односи.
„Соочени со меѓународна ситуација оптоварена со турбуленции и промени, двете земји треба да продолжат да го поддржуваат стремежот за трајно пријателство и да се држат до својата решеност да бидат од корист за луѓето“, рече Шји.
Тој ги повика Кина и Русија континуирано да ја зачуваат уникатната вредност во односите и да ја истражуваат „внатрешната движечка сила на билатералната соработка“, како и да ги заштитат легитимните права и интереси, како и основните норми на меѓународните односи, пренесува „Ксинхуа“.
„Кина ја поддржува Русија во исполнувањето на нејзините обврски како претседавач со БРИКС, обединување на глобалниот југ, спречување нова студена војна и спротивставување на нелегалните еднострани санкции и хегемонија. Кина и Русија треба да продолжат да ја зајакнуваат сеопфатната стратешка координација, да се спротивстават на надворешното мешање и заеднички да го чуваат регионалниот мир и стабилност“, рече кинескиот претседател.