Свет
Руте: Земјите на НАТО треба да ги зголемат одбранбените распределби, Украина останува приоритет
Земјите на НАТО треба да ги зголемат одбранбените распределби, а трансатлантските врски во алијансата треба да бидат цврсти, изјави денеска Марк Руте, новиот генерален секретар на НАТО.
За време на заедничката конференција со Јенс Столтенберг, кого го наследува како генерален секретар на НАТО, Руте додаде дека Украина останува приоритет на алијансата, пренесува „Ројтерс“.
Тој додаде дека не е загрижен за исходот на изборите во САД бидејќи, како што наведе, ќе соработува со кој било кандидат.
Руте истакна дека едвај чека да го почне мандатот како генерален секретар на НАТО и му се заблагодари на Столтенберг за неговиот придонес при извршувањето на оваа функција.
Во Брисел денеска почна предавањето на должностите на местото генерален секретар на НАТО, во кое Јенс Столтенберг, еден од функционерите во алијансата со најдолг мандат, ќе го наследи поранешниот холандски премиер Марк Руте во време кога НАТО се соочува со некои од најголемите предизвици во својата историја, пренесува „Танјуг“.
Столтенберг, 13-тиот генерален секретар на НАТО, ја презеде функцијата во 2014 година, а должината на неговиот мандат го надмина само холандскиот дипломат Јозеф Лунс, кој помина 13 години на чело на НАТО.
Воениот комитет на НАТО, вчера, официјално се прости од Столтенберг, а заменик-претседателот на Воениот комитет, генерал-полковник Ендру М. Роулинг, го пофали неговото „демократско лидерство, како и духот на сила и единство што им го донесе на сојузничките сили“.
Во својот говор Столтенберг се заблагодари за напорот и соработката во изминатите 10 години и истакна дека НАТО сега е поголем, посилен и поподготвен од кога било да се соочи со каков било предизвик, како и дека издржливоста и силата на НАТО што ја прават не зависат од поединци, туку од колективот.
Руте ќе стане 14-ти генерален секретар во историјата на НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Светот го одбележува Меѓународниот ден на старите лица, Јапонијае земја со најдолг животен век
Светот денеска го одбележува Меѓународниот ден на старите лица, а земја со најдолг животен век е Јапонија, чиј наталитет е во постојан пад.
Јапонското општество старее, а официјалната статистика предвидува дека бројот на луѓе на возраст од 65 и повеќе години во Јапонија ќе продолжи да расте.
Постарата популација во Јапонија достигна рекордни 36,25 милиони луѓе, а оние на возраст од 65 или повеќе години сега сочинуваат речиси една третина од јапонското население.
Јапонското Министерство за внатрешни работи и комуникации во септември објави дека старите лица сочинуваат околу 29,3 отсто од населението.
Националниот институт за истражување на населението и социјалната сигурност со седиште во Токио предвидува дека постарите Јапонци ќе сочинуваат 34,8 отсто од населението во земјата до 2040 година.
Меѓународниот ден на постарите лица беше прогласен од страна на Генералното собрание на Обединетите нации на 14 декември 1990 година, со цел да се нагласи важноста од обезбедување на средина која може да се прилагоди на потребите и способностите на жителите на трето доба.
Меѓународниот ден на постарите лица се слави на 1 октомври.
Во текот на овој ден, секоја година се одржуваат конференции и настани во рамките на одредена тема.
Темата на овогодинешната комеморација е „Стареење со достоинство: Важноста на зајакнувањето на системите за грижа и поддршка за постарите луѓе ширум светот“, која ги охрабрува владите, креаторите на политики и социјалните служби ширум светот да преземат усогласени и одржливи активности за да се справат со физичките, социјалните, психолошките и здравствените потреби на постарите луѓе.
Свет
ИДФ: Хезболах имаше план да ги искористи куќите за напад што ќе личeше на 7 октомври минатата година
Портпаролот на израелската армија (ИДФ), Даниел Хагари, денеска, изјави дека милитантната група Хезболах планира да користи куќи во селата во јужен Либан како база за напад што би личел на нападот на милитантната група Хамас врз Израел на 7 октомври минатата година.
„Хезболах ги претвори либанските села до израелските села во воени бази“, рече Хагари, како што пренесува „Тајмс оф Израел“.
Хагари изјави дека Хезболах планира „напад врз Израел, врз израелските заедници и масакр на невини мажи, жени и деца.
Тие го нарекоа овој план „Освојување на Галилеја“.
Свет
(Видео) Се запали училиштен автобус на Тајланд, најмалку 25 загинати
Се стравува дека загинале околу 25 луѓе на Тајланд кога училиштен автобус со ученици и наставници на екскурзија се запалил во предградие на главниот град Бангкок, при што 16 патници се хоспитализирани, соопшти владата.
Полицијата не можеше веднаш да го потврди бројот на повредени или загинати, но министерот за внатрешни работи, Анутин Чарнвиракул, изјави за новинарите дека се верува оти загинале 25 лица, без да даде детали.
#BREAKING 🇹🇭A bus carrying dozens of primary school children crashed and caught fire just outside Bangkok, Thailand.
Sixteen children and three teachers reportedly escaped, but 22 pupils and three teachers are still unaccounted for, according to the transport minister.… pic.twitter.com/JoK7qiP0vs
— 凤凰欧洲 PhoenixCNE News (@PhoenixCNE_News) October 1, 2024
Шеснаесет ученици и тројца наставници се пренесени во болница, изјави министерот за транспорт, Сурија Хуангроонгруангкит, додавајќи дека причината за инцидентот сè уште се истражува.
My Heartfelt Prayers for the Students who lost life in this tragic #BusFire in Bangkok.🙏😥
Bus carrying 44 students and teachers on a school trip caught fire with 25 feared de@d#Thailand #bus #fire #emergency #BREAKING #schoolbus #FireAccident #INDvsBANTEST #Govinda #BANGKOK pic.twitter.com/aH2Nj7wlrj— Manisha Yadav (@Manisha9781) October 1, 2024
На првите снимки објавени на социјалните мрежи, пренесени од локалните медиуми, се гледа како густ сив чад се издига од автобусот, чии делови сè уште гореле. Пожарот подоцна бил изгаснат.
Премиерот Паетонгтарн Шинаватра рече дека учениците тргнале на екскурзија.
„Како мајка, би сакала да изразам најдлабоко сочувство до семејствата“, рече таа во објавата на X.