Свет
САД блокираше пратки со пижами за бебиња од кинеска компанија – ги шиеле работници заклучени во камп
![](https://makfax.com.mk/wp-content/uploads/2019/10/191007-costco-chinese-factory-cs-817a_cd877835b7f64263304d0f47b13e044e.fit-1240w.jpg)
Администрацијата на Трамп блокира пратки од кинеска компанија што прави пижами за бебиња што се продаваат во магацините на „Коско“, откако странскиот производител беше обвинет дека принудувал етнички малцинства затворени во камп да шијат облека против нивната волја.
Владата исто така блокира гумени нараквици продадени од лидерот во индустријата Ансел, чии клиенти вклучуваат хирурзи, механичари и научници ширум САД, обвинувајќи го малезискиот производител дека ангажира мигранти од Бангладеш, Непал и други земји. Забранет е и увоз од компании од Бразил, дијаманти од Зимбабве и злато од источната Демократска Република Конго.
Царинските и граничните служби на САД на 1 октомври воведоа забрана за увоз на стоки од пет држави, врз основа на тврдења дека луѓето што ги произведуваат тие производи може да бидат деца, или возрасни кои подлежат на присилна работа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.