Свет
САД воведуваат нови санкции за Русија
САД воведуваат дополнителни санкции кон Русија, кои се насочени и кон соседна Белорусија, со цел да се одговори на инвазијата на Путин во Украина, соопшти денеска Белата куќа.
„САД ќе ги преземат неопходните мерки за да ја ослабат воената моќ на Русија и нејзиниот одбранбен сектор во наредните години. Покрај тоа, руските авиокомпании ќе бидат спречени да летаат над воздушниот простор на САД и ќе бидат запрени најважните извори на богатство на Руската Федерација. Новите санкции ќе ја опфатат Белорусија, имајќи предвид дека Вашингтон ја смета за одговорна за овозможување на инвазијата на Украина“, соопшти Белата куќа.
Министерството за трговија за Белорусија наметнало строга контрола на извозот во Русија, која стапила на сила на 24 февруари, како одговор на поддршката за Русија во нејзиниот напад врз Украина.
Овие контроли треба да го спречат извозот на технолошки производи и софтвер во одбранбениот, воздухопловниот и поморскиот сектор од Белорусија во Русија.
САД континуирано ги зголемуваат санкциите против Москва откако претседателот Владимир Путин ја започна инвазијата на Украина минатиот четврток. Белорусија им дозволи на руските трупи да ја користат нејзината територија како почетна точка за напади.
Руската инвазија сè уште не ја собори украинската влада, но принуди повеќе од 870.000 луѓе да побегнат во соседните земји и ја потресе глобалната економија бидејќи владите и компаниите ширум светот одлучија да ја изолираат Москва.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија има сила повторно да го нападне Киев, изјави Зеленски за АФП
Претседателот на Украина, Володимир Зеленски во интервју за Агенцијата Франс прес (АФП) изјави дека не верува оти Русија има сила повторно да го нападне Киев.
Тие немаат сила за голема офанзива против главниот град, како што имаа на почетокот на инвазијата, посочи Зеленски додавајќи оти главни цели на Кремљ се Харков и Донбас.
Тој ги обвини западните земји што му забраниле да ја нападне Русија со нивното оружје.
„Русите можат да не нападнат на наша територија, тоа е најголемата предност што ја има Русија, но ние не можеме да направиме ништо со западното оружје на нивните вооружени системи лоцирани на руска територија. Немаме право“, вели Зеленски.
Според него, Западот се плаши и од руски и од украински пораз и оваа ситуација ја нарече апсурдна.
„Ние сме во апсурдна ситуација кога Западот се плаши дека Русија ќе ја изгуби војната. А во исто време тие не сакаат Украина да ја изгуби. Затоа што конечната победа на Украина ќе доведе до пораз на Русија и конечна победата на Русија ќе доведе до пораз на Украина“, истакна Зеленски.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.