Свет
САД го осудуваат убиството со предумисла на саудискиот новинар Кашоги

Американски претставник изјави пред Советот за човекови права на ОН дека Вашингтон го осудува убиството со предумисла на саудискиот новинар Џамал Кашогги, пренесува „Спутник“.
Обраќајќи се на оваа тема, американскиот државен секретар, Мајк Помпео, претходно изјави дека Вашингтон ќе ги повика на одговорност одговорните за убиството на Кашоги, додавајќи дека против некои лица вклучени во атентатот можат да се применат глобалните санкции.
Амбасадорите на Австралија, Белгија, Канада и Италија им се приклучија на другите, исто така, во барањето веродостојна и темелна истрага за ова прашање.
Во меѓувреме, Бандар ал Ајбан, шеф на саудиската делегација, изјави дека кралот Салман му наложил на саудискиот јавен обвинител да продолжи со истрагата за да ги казни одговорните за убиството на Кашоги.
„Кралството не се штедеше во борбата против и криминализирањето на криминалното однесување кое може да ги поткопа, да ги загрози или да ги прекрши човековите права, особено екстремизмот, тероризмот и корупцијата и да ја илустрира контрадикторноста меѓу овие дела и принципите на исламскиот шеријат”, рече тој.
Претходно во понеделникот синовите на убиениот новинар побараа враќање на неговото тело, додавајќи дека сакаат да одат во Саудиска Арабија за да го погребаат.
Кашоги, кој беше саудиски државјанин и жител на САД, исчезна на 2 октомври по влегувањето во саудискиот конзулат во Истанбул, Турција. По повеќе од две недели негирање, Саудиска Арабија призна дека новинарот бил убиен во конзулатот. Според Ријад, 18 лица се уапсени поради нивната вмешаност во инцидентот. Турција спроведува посебна истрага за атентатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кос: Членството на Украина во ЕУ е сигурно и нема да биде дел од преговорите со Русија

Европската комесарка за проширување Марта Кос денес изјави дека не е загрижена дека членството на Украина во Европската Унија ќе стане адут за преговарање во преговорите со Русија, додавајќи дека пристапувањето на Киев во Унијата е политички аспект на безбедносните гаранции.
„Се согласувам со нашата претседателка на Европската комисија, Урсула фон дер Лајен, дека членството на Украина во ЕУ е политички аспект на безбедносните гаранции. Јас го гледам на ист начин. Што се однесува до процесот на пристапување на Украина, навистина нема враќање назад“, рече Кос.
Таа нагласи дека не е можно да се обезбеди безбедност во Европа без стабилизација и дека „проширувањето може да игра голема улога во тоа“, пренесува Укринформ.
Според неа, министрите на ЕУ денес во Копенхаген ќе разговараат за пристапувањето на Молдавија и Украина бидејќи, како што процени таа, тие се земји кои направиле сè што е потребно.
„Ова се двете земји за кои успеавме да го завршиме процесот на скрининг во сите шест кластери оваа година, и ова се двете земји за кои конечно можевме да започнеме преговори за кластерот на Фондацијата“.
Таа оцени дека Украина имплементирала важни мерки во борбата против корупцијата, со оглед на тоа што земјата е во војна, но дека сè уште има чекори што владата во Киев треба да ги преземе.
Зборувајќи за противењето на Унгарија кон приклучувањето на Украина кон ЕУ, Кос истакна дека Брисел соработува со Будимпешта по ова прашање.
„Мораме да ги земеме предвид загриженостите на земјите-членки. Од друга страна, мора да разбереме дека ова е историски момент кога навистина мора да продолжиме напред во процесот на пристапување“, нагласи Кос, пренесува Танјуг.
Во врска со идејата 26 земји-членки на ЕУ да одлучат да отворат преговарачки кластери за Украина, таа изрази мислење дека „најдоброто решение“ би била поддршката од сите 27 земји од ЕУ, како што беше случајот кога на Украина ѝ беше доделен статус на кандидат. „Во тоа време успеавме да најдеме единство меѓу земјите-членки и секако, мора да го имаме и сега. Во исто време, ова не е нормален процес, ние сме во геополитичка ситуација каде што, за прв пат во историјата, имаме надворешни деструктивни сили кои би сакале да пропаднеме“, заклучи таа.
Фото: принтскрин
Свет
Рутe: НАТО сериозно го сфаќа попречувањето на ГПС-сигналите, работиме на тоа да го спречиме

НАТО го сфаќа попречувањето на ГПС-сигналите многу сериозно, а алијансата постојано работи на тоа да спречи попречување и осигурување дека тоа нема да се случи повторно, изјави денес генералниот секретар на НАТО, Марк Руте.
Тој го изјави ова откога се прекинал ГПС-сигналот на авионот во кој се наоѓаше претседателката на Европската комисија, Урсула фон дер Лајен, на пат кон Бугарија, објави „Ројтерс“.
Бугарската влада соопшти дека ГПС-сигналот бил изгубен додека авионот на Фон дер Лајен се приближувал кон Пловдив во јужна Бугарија, што ги натерало контролорите на воздушниот сообраќај да се префрлат на системи за навигација на земја за да обезбедат безбедно слетување. Инцидентот се случил додека Фон дер Лајен била на четиридневна турнеја во земјите членки на ЕУ што граничат со Русија, објави „Танјуг“.
Фото: ЕПА
Свет
Путин ги негира руските планови за напад врз Европа

Европските тврдења дека Русија наводно планира напад врз Европа се провокација или целосна некомпетентност, изјави рускиот претседател Владимир Путин во Кина.
„Секој разумен човек е совршено свесен дека Русија никогаш немала, нема и никогаш нема да има желба да нападне никого“, рече Путин.
Тој исто така изјави дека ваквите тврдења се целосна бесмислица и немаат основа.
„Што се однесува до ‘агресивните планови на Русија во однос на Европа’, сакам уште еднаш да нагласам дека ова е целосна бесмислица, која нема апсолутно никаква основа“, рече рускиот лидер.
Путин исто така изјави дека Москва никогаш не се спротивставила на евентуалното членство на Украина во Европската Унија.
Фото: ЕПА