Свет
САД им порачаа на земјите од Блискиот Исток: Присилете го Хамас да го прифати договорот

Американскиот државен секретар Ентони Блинкен ги повика земјите од Блискиот Исток да извршат притисок врз Хамас да го прифатат предлогот на американскиот претседател Џо Бајден за прекин на војната во Газа.
„Мојата порака до владите и луѓето во регионот е: ако сакате прекин на огнот, притиснете го Хамас да каже „да“, рече Блинкен пред да се обрати до Египет.
„Ако сакате да ставите крај на страшното страдање на Палестинците во Газа, принудете го Хамас да каже „да. Ако сакате заложниците да се вратат дома, притиснете го Хамас да каже „да“, додаде тој. Земјите од регионот и од целиот свет го поддржаа трифазниот план, а единствена која не кажа „да“ е Хамас, нагласи Блинкен.
Тој рече дека и Израел го прифатил предлогот на Бајден, иако израелската влада тоа јавно не го соопштила. Израелскиот премиер Бенјамин Нетанјаху минатата недела изјави дека израелските услови за завршување на војната не се променети, односно целосно уништување на Хамас и ослободување на сите заложници.
Блинкен пристигна во Каиро во понеделникот за да се сретне со претседателот Абдел-Фатах ал-Сиси на почетокот на неговата блискоисточна турнеја чија цел е да се стави крај на тековната војна во Газа меѓу Израел и Хамас. По Египет, Блинкен ќе го посети и Израел. Неговата турнеја се очекува да ги вклучи и Јордан и Катар и да трае до среда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.