Свет
САД му се заканија со санкции на Мексико поради увозот на руски хеликoптери

САД би можеле да воведат санкции за Мексико доколку властите во таа земја решат да купат руски хеликоптери, објави мексиканскиот портал „СДП Нотисијас“, кој се повикува на изјавата на портпаролот на американскиот Стејт департмент, Уго Родригез.
Родригез потврди во Конгресот дека можниот договор за испорака би испровоцирал санкции.
Според америкаскиот дипломат, мексиканската страна е запозната со тој став.
Минатата недела рускиот шеф на дипломатија Сергеј Лавров, по преговорите со својот мексикански колега Марсел Луис Ебрард изјави дека Мексико го разгледува предлогот на Москва за нова испорака на воени хеликоптери.
На 28 јануари беше забележано дека „Рособоронекспорт“ го склучил првиот договор со странски клиент за набавка на најновите хеликоптери за транспорт и слетување „ми-38Т“, но не беа откриени информации за клиентот.
Мексико своевремено купи 50 хеликоптери „ми-8“ и „ми-17“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.