Свет
САД повторно го нападнаа Јемен

Соединетите Американски Држави вчера извршија нови напади врз цели на Хутите во Јемен, изјавија американски официјални лица за „Ројтерс“.
Изворите што сакаа да останат анонимни не открија за кои цели станува збор или колку ракети биле лансирани, но американската војска подоцна објави дека се елиминирани 14 ракети подготвени за лансирање.
Јеменската новинска агенција „Саба“ објави дека американските и британските авиони ги гаѓале областите Ходеида, Таиз, Дамар, Ал Бајда и Саада.
Нападите на Хутите, сојузник на Иран, го забавија поморскиот сообраќај меѓу Азија и Европа од ноември. Тоа движење почна напади врз трговски бродови во знак на протест против израелската офанзива во Појасот Газа.
Американската војска претходно вчера објави дека беспилотно летало лансирано од територијата контролирана од Хутите погодило брод во сопственост на САД во Аденскиот Залив. Нема повредени, а евидентирана е помала материјална штета.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.