Регион
САД со економски санкции кон Косово – блокирани 200 милиони евра инвестиции?

Стапија на сила санкциите коишто ги објавија американските официјални претставници пред неколку недели, пишуваат тамошните медиуми. Според нив, мерките започнале од синоќа, со што се откажува инвестицијата на „Милениум челинџ корпорејшн“ (МЦЦ) која од денеска требала официјално да започне да инвестира во Косово во три клучни проекти во вредност од околу 200 милиони евра.
Врз основа на преписката на МЦЦ во која „ИнФокус“ имал увид, во агендата на американската компанија било планирано месеци однапред да започнат со инвестиции во Косово во три клучни проекти во вредност од околу 200 милиони евра, пишува Зери.
Проектите. како што се наведува, се фокусирани на енергетскиот сектор, особено на косовскиот електроенергетски систем, а целта била енергетската стабилност и инвестициите во производството за да се создаде енергетскиот баланс на Косово со Европа.
Сепак, како што објави „Инфокус“, најавените санкции започнале синоќа. Тимот од Вашингтон, требал заедно со изведувачите „Black & Veach“, кои биле вклучени во подготовката на прелиминарните физибилити студии за трите енергетски проекти на МЦЦ и косовската влада, вчера да ја посетат Приштина, но тоа не се случило.
„Покрај економските санкции, САД се заканија на Косово со повлекување на своите трупи доколку не се укинат царините веднаш и безусловно“, пишува Зери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.