Европа
САД: Украина правилно го користи американското оружје
![](https://makfax.com.mk/wp-content/uploads/2023/04/Capture-6.jpg)
Оружјето што Украина го добива за да се спротивстави на руската агресија се користи правилно, изјави портпаролот на американскиот Стејт департмент, Метју Милер, на брифинг со новинарите. Немаше случаи кога оружјето паднало во погрешни раце.
Од јануари 2021 година САД инвестираа повеќе од 44,5 милијарди долари во безбедносна помош за суверенитетот и територијалниот интегритет на Украина. Тоа вклучува повеќе од 43,9 милијарди долари откако Русија ја почна својата целосна инвазија на Украина на 24 февруари 2022 година, рече тој.
Последната рунда безбедносна помош за Украина, вредна 325 милиони долари, беше објавена на 21 септември. Пакетот вклучува 128 милиони долари ново оружје и опрема и 197 долари воена помош според претходно одобрените повлекувања. Милер нагласи дека САД имаат клучни процедури за одговорност за обезбедување американско оружје и воена помош за Украина.
„Имаме важни механизми за одговорност за американското оружје и американската воена помош, што ѝ ја доставуваме на Украина“, рече Милер. „Имаме строги механизми за следење, што ги поставивме. Тоа важи и за хуманитарната и економската помош, што ја обезбедивме. И во овој момент не видовме никакво пренасочување на тоа оружје“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Нема струја, водата носи мостови, расте бројот на исчезнати во Швајцарија (ВИДЕО)
![](https://makfax.com.mk/wp-content/uploads/2017/07/oBK9lwTeiv-i-istanbul-pod-voda-poplavite-predizvikale-haos-i-vo-turcija.jpeg)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.