Свет
САД ја вратија смртната казна за затвореници во федералните затвори

Министерството за правда на САД закажа пет егзекуции кога државниот обвинител повторно ја воспостави смртната казна во САД за затвореници во федералните затвори по речиси две децении. Како што јавија амерканските медиуми, американската влада не егзекутирала затвореник од 2003 година.
„Конгресот ја одобри смтната казна преку закон што го усвоија претставниците на народот во двата дома и кој го потпиша претседателот“, рече државниот обвинител Вилијам Бар.
Тој додаде дека Министерството за правда го поддржува владеењето на правото.
На смртна казна се осудени 62 федерални затвореници вклучувајќи го и Џохар Карнајев, кој ја подметна бомбата на маратонот во Бостон во 2013 година.
Министерството за правда соопшти дека за декември оваа и за јануари в година се закажани пет погубувања на затвореници осудени за свирепи убиства и сексуални злосторства. Сите пет казни ќе бидат извршени со смртоносна инјекција со фенобарбитол.
Прв ќе биде погубен Датин Ли Хонкен, кој убил пет луѓе. Егзекуцијата е закажана за 9 декември оваа година.
Триесет американски држави во моментот дозволуваат смртна казна, но во четири од нив гувернерите издадоа мораториуми. Дваесет држави ја укинаа. Њу Хемпшир е последната сојузна држава што ја укина смртната казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сакс: Европа треба да ги нормализира односите со Русија

Европските земји треба да ги нормализираат односите со Русија, што е во согласност со нивните национални интереси, изјави Џефри Сакс, директор на Центарот за одржлив развој на Универзитетот Колумбија во Њујорк.
„Ѝ реков на Европа: обединете се дипломатски и водете нормална дипломатија со Русија. Разговарајте, преговарајте и не зависете од САД, кои имаат сосема различни интереси, во овој поглед“, рече Сакс во интервју за „Хиндустан Тајмс“.
Сакс истакна дека Европа, особено Германија, има успешно искуство во економските односи со Русија.
„По 1991 година, Русија ја снабдуваше Германија со јаглеводороди, што му овозможи на Берлин да ја изгради својата тешка индустрија. Сепак, германската енергија повеќе не е во предност“, рече Сакс.
Според него, постојат бројни причини за европската политика на конфликт со Москва, од кои главната е што САД активно манипулираа со политичката средина во Европа со децении и сакаа да ја ограничат соработката на европските земји со Русија.
„Вториот фактор е моменталната русофобија. Сите мислат дека Русија ќе ја нападне Европа, што е најапсурдна идеја“, вели Сакс.
Тој додаде дека ваквите загрижености само ја зголемуваат зависноста на европските земји од американската воена помош.
Претседателот на Финска, Александар Стуб, претходно изјави дека во Европа се водат преговори за потенцијално продолжување на комуникацијата со Русија.
Унгарскиот премиер Виктор Орбан ги покани лидерите на европските земји, првенствено Германија и Франција, да одржат самит со Русија.
Министерот за надворешни работи на Шпанија, Хозе Мануел Албарес, призна дека Европа ја разбира потребата од обновување на односите со Москва.
Фото: принтскрин
Свет
(Видео) Голем пожар во пристаниште во Хамбург: одекнуваат експлозии, автопатот е затворен

Попладнево голем пожар избувна во пристаништето во Хамбург, најголемото во Германија. Густиот црн облак од чад над Хамбург може да се забележи од километри наоколу.
Експлозиите во складот активираа голем број полициски и противпожарни екипи во градот, парализирајќи неколку населби и автопати за време на шпицот, објави Билд.
🔥 Update Hamburg-Veddel:
Lagerhalle in Flammen, Gasflaschen explodieren – Feuerwehr mit Großaufgebot vor Ort.👉 Verletzte bestätigt
👉 A1 zwischen Norderelbe & Moorfleet voll gesperrt, lange Staus
👉 Polizei & Nina-App warnen vor Rauch#Hamburg #Großbrand #A1 #Veddel pic.twitter.com/nevMNjJsvu— Blaulichtreport-Deutschland (@BlaulichtDe) August 25, 2025
Во 15:31 часот беше пријавен пожар во складот. Наводно, автомобил се запалил во бродската компанија. Експлозии се слушнале од боци со гас, кои наводно содржат азотен оксид.
#BreakingNews
Massive fire in #Hamburg! Thick black smoke clouds drifted over the southeastern neighborhoods in Hamburg. Several warehouses are burning. Explosions were heard repeatedly. 🔥 https://t.co/fsb5SOGwPN pic.twitter.com/bzyuqJnuQ0— Stefan K. (@Nighttiger1) August 25, 2025
Според непотврдени информации, во пожарот има повредени, пренесува медиумот.
Полицијата го затвори пристаништето, а бројни противпожарни бригади беа испратени на местото на настанот, но не можеа да стигнат до пожарот поради експлозиите.
Фото: принтскрин
Свет
(Видео) „Затоа што не го сака“: Трамп одговори зошто Путин не сака да се сретне со Зеленски

Американскиот претседател Доналд Трамп денес на прес-конференција во Белата куќа изјави дека рускиот лидер Владимир Путин одбива да се сретне со Володимир Зеленски затоа што „не го сака“ украинскиот претседател.
Кога новинарите го прашаа зошто Путин ја избегнува средбата, Трамп кратко одговори: „Затоа што не го сака. Не го сака“.
Reporter: Why doesn’t Putin want to meet with Zelensky?
Trump: Because he doesn’t like him. pic.twitter.com/YYhMYuMqXW
— WarTranslated (@wartranslated) August 25, 2025
Трамп, исто така, потврди дека во меѓувреме разговарал со Путин, по минатонеделната средба со украинскиот претседател и европските лидери во Белата куќа. „Да, разговарав“, рече тој кога новинарите го прашаа дали имал контакт со рускиот лидер од тогаш.
„Секој разговор со него е добар разговор. А потоа, за жал, бомба паѓа врз Киев или некаде на друго место и многу се лутам“, додаде Трамп.
Фото: принтскрин