Свет
САД ја продолжија наредбата за протерување нелегални имигранти
Администрацијата на Доналд Трамп ја продолжи на одредено време наредбата со која им се дозволува на американските гранични служби да протеруваат нелегални имигранти повикувајќи се на загриженоста на јавното здравство во време кога пандемијата сè уште трае.
Роберт Редфилд, директор на Центарот за контрола и спречување болести (ЦДЦ), го обнови претходниот налог со кој им се овозможува на граничарите да вратат нелегални имигранти во нивната земја на потекло или во земјата од која дошле.
ЦДЦ посочува дека јавните здравствени установи немаат капацитет да ги следат нелегалните имигранти и дека постои значајна загриженост дали ефикасно ќе ги спроведуваат мерките за изолација или на друг начин ќе ги спроведат мерките за социјално растојание.
Критичарите ја осудуваат одлуката тврдејќи дека Трамп ја користи пандемијата на коронавирусот за дополнително да ја истурка својата цел – борба против имиграцијата.
„Да не се залажуваме, целта на Трамп не е да го заштити нашето здравје, туку да направи поделба и да ја промовира својата политичка агенда“, рече Андреа Флорес, директор за имиграциска политика во Американската унија за граѓански слободи.
Во писмото до американската администрација 40 експерти за јавно здравје го оспорија образложението на ЦДЦ.
Во меѓувреме, САД и Канада се согласија да ја продолжат барем уште еден месец одлуката за затворање на нивната долга заедничка граница за сите патувања што не се од клучно значење.
Повеќето Канаѓани живеат во области во близина на границата долга 14.309 километри со САД, а заедниците од двете страни се тесно поврзани.
Границата меѓу САД и Мексико е исто така затворена за целиот сообраќај, кој не е од клучно значење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Рама: Планирам да се кандидирам за четврти мандат, има уште работа
Албанскиот премиер Еди Рама изјави дека планира да се кандидира за четврти мандат, бидејќи, како што рече, „има уште работа“, пренесува А2.
„Планот е да се кандидирам за функцијата. Но, дотогаш има уште време. Верувам дека морам да се кандидирам, бидејќи има уште работа“, рече Рама и додаде дека во текот на неговите три мандати како шеф на албанската влада се направени големи работи, пренесува „Косово онлајн“.
Според него, Албанија не била ниту на картата, а земјата се спомнувала во лош контекст.
„Ја надминавме бројката од 10 милиони туристи во земја во која туризмот беше идеја и сон, но не и реалност. Има борба против корупцијата која мора да стане неповратна. А, со цел да се вее нашето знаме во Брисел во текот на оваа деценија, вреди да се кандидираме за уште еден мандат. Тогаш граѓаните ќе одлучат“, рече Рама.
Свет
Арагчи: Иран ги прекина индиректните преговори со САД поради растечките регионални тензии
Иранскиот министер за надворешни работи Абас Арагчи изјави дека индиректните разговори меѓу Иран и САД, со посредство на Оман, се прекинати поради ескалација на тензиите во регионот.
Говорејќи за време на посетата на главниот град на Оман, Мускат, Арагчи рече дека преговорите, познати како „Процесот Мускат“, биле прекинати „поради специфичните околности во регионот“.
„Оман секогаш играше значајна улога во решавањето на регионалните прашања и активно го олеснуваше дијалогот меѓу Иран и САД“, истакна Арагчи.
Сепак, тој нагласи дека сегашните регионални превирања засега ги оневозможуваат понатамошните разговори.
„Не гледаме никаква основа за овие разговори додека не ја надминеме сегашната криза“, рече тој, оставајќи ја вратата отворена за продолжување на процесот во подоцнежна фаза.
Запрашан дали била пренесена порака до САД за време на неговата посета, Арагчи рече: „Ниту една порака не беше испратена до други земји за време на ова патување“.
Арагчи рече дека американските и европските нации, како и регионалните актери, мора да ја препознаат позицијата на Иран за неодамнешните случувања.
„Нашиот став е кристално јасен“, рече Арагчи.
„Ние не бараме војна или конфликт, но сме целосно подготвени за тоа. Сметаме дека дипломатијата мора да се искористи за да се спречи ескалација“.
Прекинот на разговорите дојде во време на зголемени тензии откако Иран лансираше низа проектили кон Израел на 1 октомври, како одмазда за убиството на водачот на Хезболах, Хасан Насрала и командантот на иранскиот корпус на гардата на исламската револуција во Бејрут, анализираат медиумите. Израел го нападна лидерот на Хамас Исмаил Ханије во нападот врз Техеран два месеци претходно.
Додека Израел ветува дека ќе одговори, загриженоста за поширок регионален конфликт се зголемува, заклучува Си-Ен-Ен.
Свет
Британец се качил на мост за да се слика, па трагично го загубил животот
26-годишен Британец загинал откако паднал додека се качувал на мостот Кастиља-Ла Манка во градот Талавера де ла Реина во централна Шпанија, јавува Sky News.
Макарена Муњоз, советник за безбедност во кабинетот на градоначалникот на Талавера де ла Реина, рече дека Британецот бил придружуван од 24-годишен маж, исто така од Велика Британија, и дека двајцата отпатувале во градот за да снимаат содржина за социјалните мрежи на мостот.
– Дознавме дека дошле во Талавера за да се искачат на мостот и да создадат содржина за социјалните мрежи, што доведе до овој несреќен и тажен исход – рече Муњоз.
Таа додаде дека искачувањето на мостот не е дозволено, а тоа градските власти го споменале неколку пати.
Мостот Кастилја-Ла Манка се наоѓа на реката Тагус и е отворен во 2011 година. Висок е 192 метри и содржи 152 јажиња.