Свет
Салвини со порака до мигрантите на Сицилија: Време е да си ги спакувате куферите
Новиот италијански министер за внатрешни работи и лидер на десничарската Лига, Матео Салвини, кој во неделата беше на Сицилија за да ја промовира својата антимигрантска платформа во Поцало, една од главните точки во земјата на кои пристигнуваат мигранти, нагласи дека тој остров нема да биде бегалски камп на Европа, пренесува „Брејтбарт“.
„Доста беше Сицилија бегалски камп на Европа. Нема само да стојам настрана и да не правам ништо додека тие само доаѓаат и заминуваат. Ни требаат центри за депортација“.
Салвини нагласи дека плановите на владата за емиграцијата не се радикални, туку се одраз на здрав разум и оцени дека засилената депортација и намалувањето на новиот прилив на мигранти ќе спаси животи, но критичарите се сомневаат во изводливоста на неговите планови.
Пристанишниот град Поцало на јужниот дел на Сицилија е на првата линијата на фронтот: едно од главните места каде што воените и хуманитарните чамци ги носат бегалците од Северна Африка и од Блискиот Исток. Контроверзниот договор меѓу поранешната централнолевичарска влада на Италија и властите и милициите во Либија го намали бројот на пристигнувања 75 отсто од летото 2017 година, но од почетокот на годинава италијанските власти регистрирале повеќе од 13.500 пристигнати. Најновиот бран се случи доцна во петокот, само неколку часа откако Салвини даде заклетва, кога околу 158 лица, меѓу кои и 9 деца, пристигнаа во Поцало кога беа спасени од хуманитарен брод во координација со италијанската крајбрежна стража.
Салвини рече дека ќе побара од експерти од неговото министерство решение за намалување бројот на новодојдени мигранти и да го зголеми бројот на протерувања.
„Убавите времиња за нелегалните мигранти завршија – подгответе се да си ги спакувате торбите. Државите мора да почнат да си ја вршат работата. На италијанските пристаништа веќе не смеат да се закотвуваат шверцерите“, рече тој напаѓајќи ги невладините организации што организираат спасување на море и обвинувајќи ги за соучество во трговијата со луѓе.
Италија е главното одредиште на емигрантите, кои од северна Африка стигнуваат во Европа, иако нивниот број во последните месеци опаѓа. Новата италијанска популистичка влада, во која се Лига и Движењето Пет ѕвезди (М5С), стапи на функција минатата недела по осум месеци неизвесност во четвртата најголема економија во Европа. Вицепремиерот на Италија и лидер на коалициската М5С, Луиџи ди Мајо, исто така ги нарече спасувачките НВО-чамци поморско такси иако неговата реторика за миграцијата е поумерена од онаа на Салвини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.