Свет
Сара Палин се разведува од сопругот
Сопругот на поранешната кандидатка за потпретседател на САД, Сара Палин, Тод, поднесе барање за развод, наведувајќи „некомпатибилност на карактерите“, поради што смета дека е невозможно да продолжи да живее заедно со неа.
Тод Палин (55) во петокот во Врховниот суд во Анкориџ побарал развод по 31 година брак. Во барањето се наведени само иницијали, како и датумот на склучување брак и датумот на раѓање на нивниот 11-годишен син Триг.
Парот е во брак од 1988 година и имаат пет деца: Пекинг, Триг, Бристол, Вилоу и Пајпер. Во барањето за развод, Тод бара заедничко старателство над Триг, кој има Даунов синдром.
Сара Палин беше избрана за гувернер на Алјаска во 2006 година, а во 2009 година поднесе оставка од функцијата. Таа, исто така, се кандидираше заедно со поранешниот сенатор Џон Мекејн на претседателските избори во 2008 година, на крајот губејќи ги изборите од Барак Обама и Џо Бајден.
Тод Палин, иако ретко се појавуваше на насловните, имаше голема улога во политичкиот живот на неговата сопруга. Мејловите од 2011 година, објавени од еден американски медиум, покажуваат дека тој често комуницирал со високи државни службеници во Алјаска за широк спектар на теми, вклучувајќи разговори за потенцијални членови на одбори, употреба на државен авион, производство на нафта и бензин, понуди за гасовод, природни проблеми со Алјаска, планирање на буџетот и потенцијално вето на буџетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Село кај Јабланица во БиХ се уште е отсечено: „Единствениот начин е со чамец или пеш низ шумата“
Селото Чивељ кај Јабланица беше целосно отсечено од остатокот на Босна и Херцеговина по катастрофалните поплави што ја погодија земјата. Поминаа седум дена од трагедијата, но патната комуникација до одредени места се уште е блокирана.
Чивељ е мало место на Јабланичкото езеро кое нема голем број жители, а бидејќи трагедијата се случи поради врнежите минатата недела, тие немаат можност да стигнат до градот со приватни возила, пишува Кликс.
Единствениот начин да се стигне од ова село до Јабланица е, пишува порталот, со брод преку езерото или пет часа пешачење низ шумата. Спасувачите со чамци и сплавови им доставуваат храна и вода, а имаат и проблеми со струјата.
Претходно се случуваше локалниот пат да биде блокиран поради порои и наноси од карпи кои паднаа на коловозот. Мештаните за Кликс изјавија дека причината е блискиот каменолом, кој исто така овојпат направил проблем.
Посочуваат дека во Чивељ дошло до целосно излевање на потокот во близина на каменоломот и дека наносите на земја престанале на само 50-ина метри од куќите. На ова место немаше жртви во поплавите неодамна.
Свет
Камала Харис одби да одговори дали ќе ја напушти Америка доколку Трамп победи на изборите
Камала Харис, потпретседателката на САД и кандидат на Демократската партија на претстојните избори, кои ќе се одржат во првиот вторник во ноември, не ја отфрли можноста да ја напушти Америка доколку загуби од Доналд Трамп, поранешен претседател и кандидат на Републиканската партија.
Камала Харис не одлучила дека ќе се исели од САД, пренесува „Дејли мејл“.
🚨BREAKING: Kamala refuses to rule out leaving the country if she loses 🤣 pic.twitter.com/R0ryQPoso9
— Proud Elephant 🇺🇸🦅 (@ProudElephantUS) October 8, 2024
Таа одби директно да одговори на прашањето кое и го постави познатиот водител на ток-шоу Хауард Стерн. Домаќинот е отворен поддржувач на Демократската партија и ја поддржува Камала Харис.
„Ако тој победи, не дај Боже, дали ќе се чувствувате безбедно во оваа земја? Дали би останала во оваа земја“, праша Стерн, мислејќи на Трамп.
Поранешниот претседател претходно се закани дека ќе ги затвори своите политички противници.
„Хауард, правам се што можам за да се осигурам дека тој нема да победи“, одговори Камала Харис.
Стерн, сепак, не бил задоволен од тој одговор.
„Па, што ако победи? Како можеш да бидеш сигурна? Тој вели: Овој пат само ќе правам што сакам, знам што треба да направам“, рече водителот.
Овој разговор меѓу водителот и кандидатот за претседател на САД предизвика излив на ентузијазам кај поддржувачите на Доналд Трамп на социјалните мрежи. Тие се убедени во победата на Трамп и тврдат дека Камала Харис треба веќе сега да ја напушти земјата.
Европа
Шолц му вети на Зеленски оружје во вредност од 1,4 милијарди евра: „Нема да прифатиме мир диктиран од Русија“
Германскиот канцелар Олаф Шолц на средбата со украинскиот претседател Володимир Зеленски во Берлин вети дополнителни испораки на оружје за Киев во вредност од 1,4 милијарди евра.
Новата помош вклучува системи за противвоздушна одбрана, артилерија и беспилотни летала, рече Шолц.
„Германија останува цврсто на страната на Украина“, рече тој.
Шолц, исто така, ги осуди руските напади врз цивилната инфраструктура во Украина, чија цел е да се скрши отпорот на населението против руската инвазија.
„Играњето со текот на времето нема да успее. Нема да попуштиме во поддршката за Украина“, рече Шолц на средбата со украинскиот претседател.
Двајцата лидери се согласуваат дека Русија мора да учествува на мировната конференција за да обезбеди праведен и траен мир за Украина, рече Шолц.
„Јасно е дека мирот може да се постигне само врз основа на меѓународното право. Ова ќе бара огромни напори“, додаде канцеларот.
„Нема да прифатиме мир диктиран од Русија“, додаде тој.
Се очекува Зеленски да му ги изложи на Шолц деталите од неговиот победнички план за време на состанокот во Канцеларијата на канцеларот во Берлин.
Средбата со украинскиот претседател дојде на крајот од неговата европска турнеја, откако американскиот претседател Џо Бајден го откажа клучниот меѓународен самит во американската воздухопловна база во Германија за да одговори на ураганот Милтон.
Украинскиот претседател Володимир Зеленски на состанокот во Берлин му се заблагодари на германскиот канцелар Олаф Шолц за неговата поддршка против Русија.
„Германија ѝ помогна на нашата земја повеќе од другите со системите за противвоздушна одбрана“, рече Зеленски на средбата.
„Ова е факт. И спаси илјадници животи на Украина, обезбедувајќи им на нашите градови и села заштита од рускиот терор“, додаде тој. Зеленски рече дека противавионскиот топ „Гепард“ и противракетните одбранбени системи „ИРИС-Т“ и „Патриот“ се непроценливи.
Украина бара мир, рече претседателот, откако Шолц понуди дополнителни 1,4 милијарди евра (1,5 милијарди долари) воена помош за Киев.