Наводни сателитски снимки објавени од американската компанија за вселенска технологија „Максар технолоџис“ покажуваат активност околу ирански танкер со нафта за кој се смета дека е закотвен во близина на брегот на Сирија, пренесува „Спутник“.

На фотографиите „Адријан Дарја 1“ се гледа покрај помалиот ирански танкер „Џасмин“ со јажиња за прицврстување меѓу бродовите и кран поставен на поголемиот брод. Фотографите беа објавени со тврдењето на американскиот државен секретар, Мајк Помпео, дека „Адријан Дарја 1“ се подготвува за транспорт на нафта во Сирија.

„И покрај ветувањето на иранскиот министер за надворешни работи, Мохамед Зариф, на Велика Британија дека „Адријан Дарја 1“ нема да доставува нафта во Сирија, сега пренесува нафта од сирискиот брег“, објави Помпео на Твитер.

Тој се осврна на фотографии од сервисот за следење „Танкер тракер“, кои се чини го покажуваат танкерот „Адријан Дарја 1 позициониран заедно со помал сириски танкер „Џасмин“ покрај брегот на Сирија.

„Ова не е потврда за каков било трансфер на нафта. Подоцна ќе ги споредиме фотографиите“, изјавија од „Танкер тракер“ на својата страница на „Твитер“.