Свет
Сателитски снимки над Атлантикот – вторпат во историјата над океанот има пет тропски циклони

Над Атлантскиот Океан во екот на сезоната на урагани во моментот има дури пет тропски циклони. Ова се случува вторпат во историјата.
No, your eyes are not deceiving you. You are seeing, count 'em, FIVE different Tropical Cyclones in the Atlantic at the same time. This is something that has only happened one other time in recorded history! #Sally #Paulette #Rene #Teddy #TD21 (could be #Vicky later today) pic.twitter.com/meUY0BKAxy
— Alex Wallace (@TWCAlexWallace) September 14, 2020
Оваа сателитска фотографија ги прикажува петте тропски циклони кои во моментот се активни над Атлантикот. Од лево најнапред се гледа ураганот Сали над Мексиканскиот Залив, потоа ураганот Полет над Бермудите, остатоците од тропската бура Рене и тропските бури Теди и Вики.
Станува збор за историски момент со оглед на тоа дека последен пат вакво нешто било забележано во 1971 година.
We are issuing advisories on five tropical cyclones over the Atlantic basin. This ties the record for the most number of tropical cyclones in that basin at one time, last set in Sept 1971. See https://t.co/tW4KeFW0gB for the latest updates. #Paulette #Rene #Sally #Teddy #Vicky pic.twitter.com/K32RyJBqbo
— National Hurricane Center (@NHC_Atlantic) September 14, 2020
Веројатно најопасен од овие тропски циклони е ураганот Сали, кој сега му се заканува на југоистокот на САД, предупредуваат американските метеоролошки служби.
Ураганот Полет ги погоди Бермудите рано утрото во понеделникот. Бидејќи тој во моментот се оддалечува од таа локација, последиците се видливи. Силните ветрови, невремето и обилните врнежи од дожд најверојатно ќе продолжат до попладневните часови.
Исто така, се очекува Полет да продолжи да се зајакнува додека се движи кон отворениот Атлантик. Ураганот може да добие статус на голем ураган в среда, со брзина на ветерот од најмалку 111 метар на час.
Сезоната на урагани во Атлантикот обично има во просек има по три големи урагани. Тропската депресија на Рене, која беше тропска бура минатиот викенд, ќе продолжи да ослабува додека минува низ централниот дел на океанот. Се очекува оваа бура да не го погоди копното, а исто така се предвидува дека ќе се распрсне во следните два дена.
Ураганот Сали во моментот се движи на северозапад преку Мексиканскиот Залив. За низинските подрачја пи должината на заливот веќе е во тек задолжителна евакуација.
Она што е опасно за оваа бура е големата количина вода. Националниот центар за урагани соопшти дека количините вода може да бидат опасни за животот и предупредуваат на големи поплави.
Тропската бура Теди моментно се наоѓа во централниот дел на Атлантикот, на 1.000 милји источно од Малите Антили. Теди се очекува да се засили до ураган во следните неколку дена. Доколку се случи тоа, Теди ќе биде осмиот ураган оваа година во сезоната на урагани во Атлантикот, веднаш зад Сали.
До крајот на неделата се предвидува дека Теди ќе стане главниот ураган (категорија три или повисока) со приближувањето кон Бермудите. Прерано е да се каже дали директно ќе ги погоди Бермудите, но со оглед на моментната состојба, тоа ќе биде нешто што ќе се види во наредните денови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Официјалната истрага покажа дека подморницата „Титан“ имплодирала поради лоша конструкција

Американска истражна агенција утврди дека подморницата „Титан“ на компанијата „Оушенгејт“, која имплодираше за време на нуркањето кај олупината на бродот „Титаник“ во јуни 2023 година, беше уништена поради низа сериозни недостатоци во дизајнот и тестирањето, објави Би-би-си.
Во несреќата загинаа сите пет лица на бродот, вклучувајќи го и директорот на „Оушенгејт“, Стоктон Раш.
Според извештајот на Националниот одбор за безбедност на сообраќајот (НТСБ), процесот на инженерскиот развој на „Титан“ бил „несоодветен“, што довело до грешки што предизвикале подморницата да не ги исполни стандардите за цврстина и издржливост.
Националниот одбор за безбедност на сообраќајот тврди дека „Оушенгејт“ никогаш правилно не го тестирал „Титан“ и затоа не знаел колку е силна подморницата всушност. Покрај тоа, компанијата не била свесна дека бродот е оштетен и требало да биде повлечен од употреба пред фаталното нуркање.
„Титан“ исчезна во Северниот Атлантик додека се обидувал да стигне до остатоците од „Титаник“, кои се наоѓаат на околу 600 километри од канадскиот град Сент Џонс во покраината Њуфаундленд и Лабрадор.
Во август 2024 година, крајбрежната стража на САД издаде посебен извештај во кој ја опишува несреќата како „целосно спречлива“ и ја критикува „Оушенгејт“ за „сериозно погрешни безбедносни практики“.
Подморницата на своето последно патување ја управувал Стоктон Раш, а бил придружуван од познатиот истражувач на длабокоморските длабини Пол-Анри Наргеолет, британскиот милијардер Хамиш Хардинг и пакистанскиот бизнисмен Шахзада Давуд и неговиот 19-годишен син Сулејман Давуд.
Сите платиле до 250.000 долари за да учествуваат во експедицијата.
За време на истрагата, НТСБ откри сериозни проблеми во безбедносната култура на „Оушенгејт“. Додека некои вработени тврдеа дека безбедноста е приоритет, други, вклучувајќи го и поранешниот директор за поморски операции и еден техничар, опишаа работна средина „во која безбедноста, а особено прашањата за дизајнот, систематски се игнорираат“.
Еден техничар рече дека имал забелешки на деловниот модел на „Оушенгејт“, особено на практиката патниците да се нарекуваат „специјалисти за мисија“ за да се избегнат законски ограничувања. Според американските прописи, нелегално е да се превезуваат патници на експериментални подморници.
Техничарот рече дека го предупредил Раш, велејќи: „Не можете само да ја смените титулата на некого ако сте платени за тоа“. Во подоцнежен разговор за истото прашање, Раш наводно му рекол: „Ако крајбрежната стража стане проблем, ќе купам конгресмен и ќе го решам“.
фото: принтскрин
Европа
(Видео) Италијанец се преправал дека е слеп 50 години, ја измамил државата за повеќе од еден милион евра

76-годишен маж од областа Виченца во Италија се преправал дека е целосно слеп повеќе од 50 години за да добие надомест за инвалидитет, измамувајќи ја државата за повеќе од еден милион евра. Измамата е откриена кога финансиската полиција го снимила како извршува секојдневни задачи без никакви проблеми, како што се градинарство и пазарување на пазарот, објавува „Кориере дел Венето“.
На снимката објавена од финансиската полиција, човекот е снимен како внимателно избира овошје и зеленчук на пазарот. Дома е снимен како врши градинарски активности, вклучувајќи кастрење и полевање растенија. Сите овие задачи ги извршувал со целосна леснотија, иако официјално бил регистриран како 100% инвалид поради слепило.
Жителот на Монтекио Маџоре е обвинет за сериозна измама против државата.
Според обвинението, човекот незаконски примал бенефиции и надоместоци наменети за слепи лица повеќе од педесет години, со што се стекнал со незаконска бенефиција од повеќе од еден милион евра. Истрагата е покрената по вкрстена проверка на податоците на корисниците на социјално осигурување, а членовите на финансиската полиција од Арзињано поминале повеќе од два месеци следејќи го. Утврдено е дека тој почнал да прима пензија и надомест за придружба уште во 1972 година, по наводна несреќа на работа.
#GdiF #Vicenza Denunciato un falso invalido per truffa ai danni dello Stato, avendo percepito indebitamente, per più di 50 anni, indennità e sussidi per un importo superiore al milione di euro.#NoiconVoi pic.twitter.com/DvqBzrir2l
— Guardia di Finanza (@GDF) October 13, 2025
Старецот е снимен како извршува голем број секојдневни задачи без ничија помош, вклучително и користење опасни алатки како што се ножици за кастрење и тримери за жива ограда. Тој, исто така, редовно одел сам на градскиот пазар, избирајќи намирници и плаќајќи во готово од сопствениот паричник.
Врз основа на цврсти докази, поткрепени со сведочење на експерти, судската власт во Виченца поднесе обвинение против лажно слепиот човек. Финансиската полиција ги извести надлежните институции за сите бенефиции веднаш да бидат суспендирани. Даночната ревизија утврди нелегален приход од над 200 илјади евра во последните пет години, период за кој може да се направи проценка, и е предложено да се конфискува овој износ.
„Оваа операција сведочи за континуираната посветеност на Финансиската полиција во борбата против измамите во секторот за социјална помош и пензиско осигурување. Јавните средства наменети за поддршка на најранливите и навистина сиромашните социјални групи неправедно се одземаат“, соопшти Покраинската команда на Финансиската полиција во Виченца.
фото: принтскрин
Европа
Зеленски: Русија ја таргетираше енергетската инфраструктура со 300 дронови и 37 ракети

Украинскиот претседател Володимир Зеленски денеска објави дека Русија употребила 300 беспилотни летала и 37 ракети за напад врз украинската инфраструктура во текот на ноќта.
„Оваа есен, Русите го користат секој ден за да ја таргетираат нашата енергетска инфраструктура“, напиша тој на Икс.
Украинската приватна енергетска компанија ДТЕК претходно соопшти дека постројка за производство на гас во регионот Полтава е затворена по рускиот напад врз енергетската инфраструктура во текот на ноќта.
Извори од индустријата за Ројтерс изјавија дека руските напади предизвикале „значајна“ штета на гасниот сектор на Украина.
Главниот извршен директор на украинската државна компанија Нафтогас рече дека нападите го нарушиле работењето на неколку клучни постројки.
Тој нагласи дека тие имале директно влијание врз домашното производство на гас и дека Киев ќе мора да ги покрие загубите преку увоз.
фото: принтскрин