Свет
Саудијците би можеле да го признаат Израел ако се реши палестинското прашање

Саудиска Арабија би можела да го признае Израел доколку се постигне сеопфатен договор кој ќе вклучи државност за Палестинците, изјави во вторникот саудискиот министер за надворешни работи, принцот Фајсал бин Фархан.
„Се согласуваме дека регионалниот мир вклучува мир за Израел, но тоа може да се случи само преку мир за Палестинците преку палестинска држава“, рече принцот Фајсал бин Фархан на панелот на Светскиот економски форум (СЕФ) во Давос.
Запрашан дали Саудиска Арабија тогаш ќе го признае Израел како дел од поширок политички договор, тој рече: „Секако“.
Принцот Фајсал рече дека обезбедувањето регионален мир преку создавање на палестинска држава „е нешто на што навистина работевме со американската администрација и сега во контекст на Газа е порелевантно“.
По избувнувањето на војната меѓу Израел и исламистичката палестинска група Хамас, која владее со Газа, поради крвавиот напад врз израелските цивили на 7 октомври, Саудиска Арабија ја прекина иницијативата поддржана од САД за кралството да ги нормализира врските со Израел, изјавија два извори запознаени со ставот на Ријад.
Пред 7 октомври, кога борците на Хамас започнаа напад врз јужен Израел, израелските и саудиските лидери сигнализираа дека стабилно се движат кон воспоставување дипломатски односи кои би можеле да го преобликуваат Блискиот Исток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.