Свет
Свршеницата на Кашоги бара правда: Сакам да знам што се случи со неговото тело

Во Истанбул беше одадена почит на саудискиот новинар Џамал Кашоги, кој беше убиен во конзулатот на Саудиска Арабија пред една година. Неговата свршеница Хатиџе Ченгиз сè уште бара правда.
„Сакам да знам што се случи со неговото тело. Сакам неговите пријатели да бидат ослободени од затвор. Сакам оние што се на власт да бидат одговорни за своите постапки“, рекла Ченгиз.
Сопственикот на „Вашингтон пост“, каде што Кашоги објавуваше колумни, Џеф Безос, ѝ рекол дека никој никогаш не би требало да го преживее тоа што го претрпела таа.
„Токму тука, каде што сте сега, со часови чекоревте, чекоревте и чекавте. А тој никогаш не излезе“, ѝ рекол Безос алудирајќи на тоа дека Ченгиз дента кога нејзиниот свршеник бил убиен го чекала да излезе од конзулатот.
Принцот на Саудиска Арабија, Мохамед бин Салман, негираше дека е вмешан во убиството, но експерт на Обединетите нации побара тој да биде истражен. Во извештајот објавен во јуни, експертот го опиша убиството како „вонсудско убиство со предумисла“.
Мохамед бин Салман во неделата тврдеше дека тој лично не наредил Кашоги да биде убиен, но рече дека презема целосна одговорност како саудиски лидер.
Откако неколку недели по убиството негираше дека Кашоги бил убиен во конзулатот, Саудиска Арабија обвини 11 лица за убиството, вклучително и членови на придружбата на принцот Мохамед бин Салман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски: Продолжуваат испораките на оружје од САД

Украинскиот претседател Володимир Зеленски вчера изјави дека добил ветување дека Украина ќе добие нови испораки на оружје од САД и европските сојузници, јави ДПА.
-Според сите извештаи, суспендираните испораки на оружје се обновени, рече Зеленски.
ДПА пренесува дека разговорите за продолжување на воената поддршка се планирани за следната недела, меѓу другите, и со американскиот специјален пратеник за Украина, Кит Келог.
-Исто така, подготвуваме нови европски пакети за оружје, рече Зеленски, потенцирајќи дека, исто така, очекува „силни чекори во врска со новите санкции против Русија“.
САД минатата недела накратко воведоа делумно запирање на испораките на оружје што веќе беа ветени.
Регион
Вучиќ: Полицајците не допираат никого, не вознемируваат никого сè додека луѓето не почнат да го кршат законот

Претседателот на Србија, Александар Вучиќ, синоќа изјави дека полицијата реагира како последно средство на блокадите во државата, во согласност со законот и со минимална употреба на сила.
„Тие полицајци…не допираат никого, не вознемируваат никого сè додека луѓето не почнат да го кршат законот и да ги напаѓаат со стапови“, изјави Вучиќ.
Вучиќ истакна во интервју за белградски медиуми, дека студентите во блокада на 15 март не дале „зелено светло“ затоа што некои во државата требало да ја завршат својата работа, а на 28 јуни го направиле тоа „преценувајќи се себеси и потценувајќи ги другите“.
Тие луѓе мислат дека е нормално да му се одземе на некого уставно загарантираното право на движење, тие не се заинтересирани за ништо, тие го прогласиле за легално и не им е гајле, рече Вучиќ.
„Загрижен сум за државата, но што се однесува до партиските, посебни интереси – одлично, можеби до Нова Година, можеби ќе ги изненадам, а потоа ќе распишам избори“, додаде Вучиќ.
Регион
Грчкиот остров Закинтос го погоди земјотрес

Во морскиот дел југозападно од грчкиот остров Закинтос беше регистриран земјотрес со јачина од 5 степени според Рихтер, а не се пријавени повредени лица или причинета материјална штета.
Претседателот на Организацијата за антисеизмичко планирање и заштита на Грција Ефтимиос Лекас за државната телевизија ЕРТ истакна дека „не постои причина за загриженост, бидејќи е во подводниот дел“, но и дека има простор и за многу поголеми земјотреси без да се создадат проблеми.
По големиот земјотрес следеа неколку помали меѓу 2,2 и 2,8 степени.